الموضوع: نصيحة فى لغة الكلية

السلام عليكم

انا فى كلية النقل الدولى واللوجيستيات بالأكادمية العربية للعلوم والتكنولوجيا والنقل البحرى بأبى قير - الإسكندريه

وهى كلية متميزة جدا وفريده من نوعها بس انا عندى مشكلة دلوقتى انا بختار الدراسة بالعربى ولا الانجليزى فانا اخترت انجليزى على اساس سوق العمل بعد التخرج باذن الله

انا بدات اول يوم فى الكلية السبت والاحد كان اجازة والنهارده كان عندى يعنى كده بقالى يومين فيها حضور
الدكاتره والمعيدين كلم بيتكلموا انجليزى وكانى مواطن أمريكانى مش مصرى ادخل اقول السلام عليكم ترد بالانجليزى ومش مسموحلى اتكلم عربى نهائى نهائى نهائى طب انا لسه مادة علمية جديد عليه ونظام دراسة مختلف عن ثانوى وأكيد فيه مصطلحات تبع المادة العلمية اكيد لازم اعرف معناها بالعربى للاسف لا يمكن أبدا لازم انجليزى افتكرت انا اللى غبى مثلا ولا ايه لاقيت الدفعه كلها جالها هستريا ضحك بسبب اللى حصل وبينكتوا انهم هيسقطوا وهيضيعوا تخيلوا لما يبقى مش مسموحلك تتكلم عربى ابدا مش هقولك انى عايز ترجمة كامله للمحاضرة انا عايز كلمة معينه علشان افهم الباقى برده لا

فهل أحول الدراسة للعربى ولا لا

هما عاملين ميزة انى بعد سنتين ممكن احول من لغة للغة لو انا عايز فايه رايكم

وكمان لو انا كملت كله عربى واخدت كورس انجليزى كامل فى مكان معتمد هل كده هبقى متساوى مع اللى اخد الدراسة بالانجليزى ولا لا وشكرا