هل الاتراج هتكون مناسبة ليا ؟؟؟

كان معايا لانوس جوليت ومريحاني جدا بس عاوز اغير بقي لعربية اوتو وتكون زيرو ... بفكر في حاجة لا تتعدى 110 الف ... بفكر جديا في الاتراج عشان الشنطة .. وواسعة وسيدان وتنفع عائلة صغير

استخدامي للسيارة كالاتي
من البيت الي العمل يوميا اجمالي مسافة حوالي 100 كم
سفريتين قصيرتين شهريا من اكتوبر الى بنها حوالي 180 كم رايح جاي
سفرين طوال مرتين في السنة لمرسى مطروح او العريش او شرم او الغردقة

هل السيارة ال 1200 سي سي وال3 سلندر و 78 حصان هتكون مناسبة للاستخدام ده ولا افكر في حاجة اكبر شوية واروح على الكيا ريو مثلا او البيجو 301 ... بس ساعتها هستنى شوية لحد اما احوش فرق السعر

افيدوني لاني في قمة الحيرة

استني وحوش

Sent from my SM-N900 using Forum Runner

استني

استنى ايه يا جودعان :) :) :)

توكل على الله الاتراج هتكون مناسبة جدا معاك و هتعجبك جدا المهم اعمل تست دريف عالشان تحكم عليها و متخليش حد يلعب فى دماغك لان متشوبيشى مش شركة صغيرة او مبتدأة عالشان تغامر بسمعتها

شوف اللوجان يا اما تستنى

نيسان صنى الشكل الجديد عربيه موفرة للبنزين وحلوة وصالون واسع واربعه سلندر واحلى ما فيها شغاله على البنزين العادى مش 95 الغالى زى العربيات الاروبى زى بيجو وستروين ورينو

اقتباس:

---

المشاركة الأصلية كتبت بواسطة raedegypt

نيسان صنى الشكل الجديد عربيه موفرة للبنزين وحلوة وصالون واسع واربعه سلندر واحلى ما فيها شغاله على البنزين العادى مش 95 الغالى زى العربيات الاروبى زى بيجو وستروين ورينو

---

رنج السعر ده يعني الراجل بيتكلم ف301 او لوجان او إليزيه
مين فدول محتاج 95
يا ريت الناس تنصح لوجه الله

الميتسوبيشي كويسة جدا و سمعتها برلنت و اعتماديتها عالية (بصفة عامة)
الاتراج لسه لم تختبر ...لكن انا اتفرجت عليها و بالنسبة لي ابعاد الصالون غير مناسبة لعيلة

1200 سي سي مظنش هتبقى مناسبة لواحد بيسافر من وقت للتاني و الواضح ان حركتك بالعربية كتير
بعد كام سنة هتتأكد من كلامي
ده كان سبب تغييري لل206 رغم انها عربية محترمة
لكن الصالون مكنش واسع كفاية
و الشنطة مش مناسبة لتنقلاتنا
اشتري عربية عائلية من البداية عشان متضرش تغير بعد كام سنة
انا شايف النيسان و ال301 و الريو مناسبين لو استنيت لحد متكمل تمنهم
و اللوجان تقدر تشتريها من دلوقت لو شكلها عاجبك
بالتوفيق

اقتباس:

---

المشاركة الأصلية كتبت بواسطة raedegypt

نيسان صنى الشكل الجديد عربيه موفرة للبنزين وحلوة وصالون واسع واربعه سلندر واحلى ما فيها شغاله على البنزين العادى مش 95 الغالى زى العربيات الاروبى زى بيجو وستروين ورينو

---

نفسى اعرف مصدر معلوماتك دى :fun_10_9_134[1]:

انا مش بسافر كتير وكنت في هذه الحيره بس اخترت البيرسونا
1 حجمها كبير عشان العائلة
2 ماتور قوي لكل حاجة حتي السفر
3 اداء رياضي من حيث الثبات و العفشة و التصفيح

بص 1200 cc او حتي 800 cc مفيهاش مشكله في السفر خالص
طول ما كنت ملتزم بمدي سرعه وحموله مناسب

وده عن تجربه

المهم متركبش عربيه 3 سلندر

Sent from my SM-N900 using Forum Runner

ردودكوا قلقاني :) :) :)

بس يا باشا الاتراج عربيه ممتازة حتى لو هتسافر كل يوم غير توفير البنزين هتوفرلك اقل حاجة 5000 جنيه سنويا

معى هيونداى فيرنا وبفكر اغيرها بمتسوبيشى اتراج اتوماتيك
العربية عجبانى عشان اعلى و اوسع من الفيرنا ويابانى
لكن الفيرنا اعلى فى الـ سى سى + الحصان + السلندر ودة اللى مقلقنى جدا جدا جدا جدا
1- اشترى هاى لاين توكيل ولا خليجى ؟
2- هل هاحس بالسحب وانا مشغل التكييف عن العربية الفيرنا ؟
3- احسن معرض فى مدينة نصر؟

الجراند اى 10 هيونداى ممتازة جديده لسه . بص بالنسبه لـ اللوجان ما ياخذ عليها ان الموتور 8 صباب فدا من اهم عيوبها و دا بيؤثر في استهلاك البنزين عيني تقريبا بتعمل 210 الي 240 في الصفيحه و طبعا النقطة دي مهما جدا لائن العربية بيدفع ثمنها ماره واحده اما البنزين دا بيدفع كل يوم و نقطة الثبات دي مش بينلها حل او كلام نهائي يعني لما تلاقي ناس تقلك ان مفهاش استبلايزر و ناس تقلك لا دي فيها و يرفقو صور و لما اروح التوكيل 3 مراة في اوقات مختلفة في ابو رواش الاقي من 2 الي 3 عربيات مقلوبة و العجل الامامي مكسور للداخل فدا يقلقو لا ؟؟؟؟ بسفس ناس تقلك بس فسها عوامل امان كذاو كذا اكيد انت عارفها اقل لهم يعني هما يعملو عربية مش ثابتة و يحطلي فيها وسائل امان ؟؟؟؟ اية يعني بيجربها فيا مثلا و الموتور كما ذكرت 8 صباب و دا من الحاجات الي تقلق الواحد منها لائن لما تيجي تتابع مالكيها عن تجميع السياره يقلك انت يعني هتقفل العداد والعربية دي عربية عائلية مش بتاعت جري فلك انت تفهم ما بين السطور و مع سؤال الحد الاصدقاء في العمل عنها قال لي عربية حلوة بس بطة بلدي فكدة خلاص الواحد عرف الي عايزو و الاتو ماتيك فيها 110 حصان و 16 صباب بس استهلاك البنزين عالي ولسة منزلتش اما توكيل محترم و كماليات كتير بس السحب برضو مهم لراكب العربية
اما الاتراج عربية كويسة فعلا انا رحت و عملتلها تست دريف الصراحة الواحد متكيفش منها الموتور صوتة عالي بس سحبة كويس جدا يعني لما توصل لسرعة 110 :120 كم /الساعة تلاقي عدد لفات الموتور 2.5 فدا كويس بس متحسش ان الموتور حي تحت رجلك و من الداخل فقيره طبعا مقارنة بالجرند و في حاجة معجبتنيش وهي اني بتفرج علي عربية لونها نبيتي و الدواخل من غير دهان يعني ابيض فالك ان تتخيل عربية دوخلها مش مرشوشة و الدهان الخارجي تحس انها مرشوشة بمسدس مش فرن فالصراحة حسيت اني هركب عربية و الخلاص يعني مش هبقي مكيف منها وهيا طبعا بنزيد في وسائل الامان ( واحدة اير باج +ABS) عن الجرند
اما الجرند نتكلم عن الموتور 1248 سي سي 16 صباب Dwell cctv تكنولجيا جديدة موفره في البنزين يعني مكتوب في الكتالوج 5 لتر في الطوالي و 6.5 تقريبا لتر في المدينة و طبعا دا الكلام القياسي لما ناخد متوسط للمعطيات الي عرفنها نقول 7 لتر و ممكن اقل بس نحسب علي كده يعني تعمل 380 الي 400 كيلو في الصفيحة و دا كويس طبعا اما نقطة الوسع فدي ما يميزها بين كلما سبق ما عدى الوجان الجرند واسعة من الداخل في الامام و الخلف و مريحة جدا في الامام مع العلم اني راكب في الوقت الحالي جيتز بعد سيراتو 2010 في دا تقييمي لها من الداخل انها واسعة و نحس انك قاعد مش مزنوق جوا العربية و انك قاعد وتفلو عليك العربية لا انت قاعد و مستريح جدا و درج الطبلوة بيتفتح و حد قعد جنبك من غير ما يتحرك فدا كويس بالنسبة لعربية في الحجم دا و مساحة الشنطة كويسة جدا لها في دا الي مخليني اني افضلها عن الباقي و اتمني انك تشفها الاول و نتكلم او مراجعة موضوعي الموضح بالصور في الينك ده http://www.nilemotors.net/Nile/441394-i10.html (تقرير عن جرند i10 بالصور و بعدها تم الحجز) (تقرير عن جرند i10 بالصور و بعدها تم الحجز) اتمني اكون وضحتلك كل ما تريد
ومن واجهة نظري الشخصية ان الجرند افضل من حيث الحجم و الكماليات و التقفيل و الموتور و استهلاك البنزين و التوكيل اما بالنسبة لوسائل الامان مقدرش اقول انها مش مهمة بس لو نزلت بيها سعرها هيزيد او يشيل من الكماليات الي فيها زي بلوتوث و المريات الضم و ينزل بدلهم واحده اير باج او ABS و يرفه سعرها بس انا شايف ما كنا بنركب عربيات من غير اير باج و ABS بس انا عارف هتقلي احنا في 2014 مينفعش نركب عربية من غير وسائل امان بس هرجع و اقلك افضل الي موجود