أسئلة وإستفسارات عن كيا ريو 2015 مستلمها جديد

**M.MOUNIR** · 23-09-2014 12:47 AM

السلام عليكم ورحمة الله وبركاته

كل سنة وأنتم طيبين

أنا مستلم كيا ريو سيدان 2015 من أسبوعين وعندي بعض أسئلة

1- المشكلة اللي مضايقاني خالص حكاية الحك في المطبات دي اي نعم في عندنا مطبات شديدة خالص بس المشكلة ان ساعات بكون لو حدي بس وفي مطبات والاقيها بتحك يعني مثلا في مطب كنت عديت عليه محكتش في مرتين ومرة تالتة لقيت العربية حكت فهل ليها علاج حكاية الحك دي او حاجة لرفع العربية وهل العربية فعلا مصفحة او فيها حماية من تحت وهل الحك كتير بيقصر اصل اسبوعين وحكت كتير جدا

2- انا في تزويد الهواء كان بتاع المعرض قالي احسن حاجة تخليه 28 وعملت كدا فلقيت ناس بتقلي دا قليل وفي ناس بتعمل 30 و 35 والاكتر 35 ولقيت ان باين الحد الاقصي للريو فايه احسن حاجة ولو زودت عن 32 ضرر ولا لا

3- مشكلة الحك في المطبات هل اروح لحد واكشف عليها واخليه يرفعها ولا استني لصيانة الالف وابقي اكشف عليها هناك احسن

4- بالنسبة للتكيف افتحه عادي ولا انتظر بعد 500 او الف

وياريت لو اي نصائح عن فترة التليين للريو

شكرا

**tarek mattouk** · 23-09-2014 01:11 AM

متابع

**ahmedz310** · 23-09-2014 01:24 AM

متابع

**blazer** · 23-09-2014 01:43 AM

هتلاقى ضغط الهوا المضبوط مكتوب على القايم وممكن يحللك مشكله الحك دا بنسبه كبيره
استنى على التكييف لحد ما تعدى ال 1000 كيلو أضمن
و الف مبروك العربيه ,, ربنا يستر طريقك و يديلك خيرها و يكفيك شرها

**Mohab555** · 23-09-2014 01:56 AM

اهلا بيك يا باشا فى نادى ملاك الريو
بص بالنسبه للحك معلش هتلاقى ده فى المطبات الرخمه و بلاش لعب فى عفشة العربيه انت بس وانت فى صيانة ال 1000 قولهم علشان ممكن المساعدين الى ورا يطلع خفاف شويه و هيتغيروا فى الضمان و مش هتفع جنيه لا تقلق ده فى حاله انهم فيهم حاجة وانا اشك الصراحة

بالنسبه للكاوتش تظبطه 32 نيتروجين و ادعيلى ... انا بقه معايا الجنط ال 17 انت 15 شوف الفرق بقه ...
واى سؤال تانى تحت امرك

**Mohab555** · 23-09-2014 02:28 AM

المشاركة الأصلية كتبت بواسطة m.mounir

اهلا بيك وشكرا علي ردك هو فعلا مطبات رخمة يعني ممكن تظبيط الكاوتش يكون سبب وفعلا انا 15 ونسيت اسال هو لو ركبت جنوط ممكن تساعد في عدم الحك وهل الجنوط يقصر علي العربية اصل في واحد كان جايب ريو سيدان بس جنوط وقالي سيبها كدا ولا جنوط ولا حاجة لانها هتاكل في العربية وقالي انت هتعرف احسن من الخواجه وانا شفت موضوع تابع لهيونداي بيتكلم عن تركيب صداده علشان العربية متنخفضي مع الحمولة وتعلي وكمان حكاية العلايات دا ينفع للريو ويساعد ولا لا

وحكاية انا العربية محمية من تحت دا فعلا ولا لا وكتر الحك غلط وبياثر علي العربية

بص يا باشا الجنوط ملهاش دعوه خالص بالقصه انت عارف ان ضغط الكاوتش ممكن هو الى بيخليها تحك لو ناقص !!! بلاش لعب فى العربيه لا عليات ولا حاجة .. الاكسنت ار بى فيها عيب صناعة فى السوست و المساعدين علشان كده بيحاولوا يلاقو حل .. و برده التوكيل هو الى بيغير الدنيا .. لو حبيت فى يوم تركب جنوط تجيب الطقم الاصلى بتاعها استيراد غير كده بلاش
اسمع منى لو ضبط نيتروجين على 32 .. و ادعيلى
موضوع التصفيح ده فعلا فى كارتيره فبر مغطيه 75% من الموتور من تحت بس خلى بالك احذر البلاعات العاليه عن الارض ... علشان الفتيس من تحت مفيش عليه مصفح ولا حاجة ...
موضوع الحك لو ورا و على خفيف لا تقلق ... مفيش مشكله اهم حاجه بلاش مطبات على سرعه ولا العربيه تتهبد و لا الكلام ده ...