ثرموستات الكوعة

**MOSTAFA.EID** · 23-09-2014 01:10 AM

ثرموستات الكوعة عندي في الويرا 2004 باظت والحمد لله لحقت الموضوع وشلتها وماشي بالعربيه الان من غيرها ... هل في ضرر من كده ولو عايز اشتري حاجه مضمونه وافضل نوع في السوق

**J A G U A R** · 23-09-2014 01:37 AM

الافضل طبعا تبقى راكبه علشان تظبط درجه الحراره وبالذات فى الشتا مهمه جدا
وسعرها مش غالى

**وائل شويخ2** · 23-09-2014 07:52 AM

طبعا لازم تركب
دى مهمه وأساسيه فى الشتا
لأن العربيه هتبرد منك على السريع وهتاكل بنزين

**Abo_Mazen** · 23-09-2014 06:14 PM

أنا عارف إن رأيي شمال بالنسبه لرأي باقي الأعضاء ..ثرموستات الكوع لازم تستخدم مياه ملونه مطابقه للمواصفات عشان تعيش معاك ..وبعدين مقلب واحد منها كفيل إن العربيه تجيب جوان وش سلندر ..حصلت مع واحد أعرفه شخصيا ..ده غير الظروف الأمنيه المرعبه اللي البلد عايشاها ..واللي ممكن تخليك تمشي على العربيه وهي سخنه عشان تخرج من مكان أو منطقه معينه ..دي مشاركه ليا بخصوص أحد مقالب ثرموستات الكوع ..أنا هقول تاني ..انا عارف إن رأيي شمال بالنسبه لرأي بقيت الساده الأعضاء

http://www.nilemotors.net/Nile/440567-a.html

**shoshasam** · 23-09-2014 07:49 PM

المشاركة الأصلية كتبت بواسطة m_m_sh_a

أنا عارف إن رأيي شمال بالنسبه لرأي باقي الأعضاء ..ثرموستات الكوع لازم تستخدم مياه ملونه مطابقه للمواصفات عشان تعيش معاك ..وبعدين مقلب واحد منها كفيل إن العربيه تجيب جوان وش سلندر ..حصلت مع واحد أعرفه شخصيا ..ده غير الظروف الأمنيه المرعبه اللي البلد عايشاها ..واللي ممكن تخليك تمشي على العربيه وهي سخنه عشان تخرج من مكان أو منطقه معينه ..دي مشاركه ليا بخصوص أحد مقالب ثرموستات الكوع ..أنا هقول تاني ..انا عارف إن رأيي شمال بالنسبه لرأي بقيت الساده الأعضاء

http://www.nilemotors.net/nile/440567-a.html

رايك مش شمال ولا حاجه ابدا , انا محترم رايك جدا
بس ليه بتربط وجود جزء مهم زي ده بظروف البلد
وكمان حضرتك انها تقفش فجأة صعبة شوية خاصة لو حاطط مياة ملونة
لان مياة الحنفية مليانه املاح وبلاوي زرقا
(لو عندك فلتر مياه في البيت شوف الشمعه الاولي منظرها ايه)
وبالتالي الترسيبات داخل الترموستات هاتبقي كبيره وتقفش

صدقني انا بقول الموضوع ده عن تجربة مش مجرد كلام سمع

**Omar Mahmoud** · 23-09-2014 09:47 PM

التيرموستات مهم جدا اوعي تشيله
في دول الخليج العربيات بتمشي بيه صيف شتاء

**Abo_Mazen** · 24-09-2014 06:26 PM

المشاركة الأصلية كتبت بواسطة shoshasam

رايك مش شمال ولا حاجه ابدا , انا محترم رايك جدا
بس ليه بتربط وجود جزء مهم زي ده بظروف البلد
وكمان حضرتك انها تقفش فجأة صعبة شوية خاصة لو حاطط مياة ملونة
لان مياة الحنفية مليانه املاح وبلاوي زرقا
(لو عندك فلتر مياه في البيت شوف الشمعه الاولي منظرها ايه)
وبالتالي الترسيبات داخل الترموستات هاتبقي كبيره وتقفش

صدقني انا بقول الموضوع ده عن تجربة مش مجرد كلام سمع

لإن الظروف الأمنيه المستقره في بلد زي السعوديه هي اللي خلت واحد عربيته مخبوطه في نص الليل يتصل بعربيه إنقاذ سريع وليموزين وينتظرهم لغاية ما ييجوا عشان يقلوه لبيته بسلام ..وهي هي الظروف الأمنيه السيئه عندنا في مصر هي اللي خلت واحد يضطر يمشي بعربيته وهي سخنه عشان يطلع من منطقه معينه فيها إنعدام امني ..أنا ذكرت الحالتين في المشاركه اللي حطيت اللينك بتاعها لحضرتك ..عشان كده أنا إتكلمت عن الظروف الأمنيه ..وبعدين المياه الملونه اللي عندنا أنا للأسف مبثقش فيها ..عارف ليه ..لإن إحنا في بلد بيتصنع فيها أسواء شئ وأردئ شئ ..ومفيش أي رقابه ولا فيه أي ضوابط على أي منتج ..وبعدين أنا كتبت في المشاركه بتاعتي اللي أنا شيرت لحضرتك اللينك بتاعها إن ممكن تكون العربيه ما تتحطش في ظروف تكشف علامات بدايات تلف الثرموستات ..فعشان كده صاحب العربيه بيتفاجئ بموضوع السخونه