ممكن تدلوني على فندق جيد في المنصوره

**ابو مارية** · 23-09-2014 02:41 AM

السلام عليكم ورحمة الله
كيف حالكم يا اخواني ، ان شاء الله حنزل على مصر يوم الخميس وعاوز حد يدلني على فندق بمدينة المنصوره بس اهم حاجه يكون قريب من مسجد الجمعيه الشرعيه بشارع بورسعيد لاني اول مره بحياتي حزور المنصوره ومعرفش فيها اي حاجه فارجو منكم المساعده وجزاكم الله خيرا

**Ahmed abdkarim** · 23-09-2014 02:34 PM

اهلا بحضرتك . تنور المنصورة . انا من المنصورة

مسجد الجمعية الشرعية فى شارع اسمه بورسعيد وده مفيش فيه اى فنادق خالص

احسن فندق فى المنصورة اسمه رامادا فى اول شارع البحر من ناحيه كوبرى المنصورة العلوى . وده اربع نجوم و بعديه فى فندق مارشال الجزيرة وده فى شارع المشاية السفلية . وفى فندق مارشال المحطة وده فى ميدان المحطة امام محطة القطار وده 3 نجوم و يعتبر قريب نوعا ما الى الجمعية الشرعية .

**mramzy** · 23-09-2014 03:47 PM

انا جربت مارشال المحطه وكنت دايما بانزل فيه جيد فى السعر والخدمه مع اعتبار ان الكلام ده من سنه 2004

**ابو مارية** · 23-09-2014 05:45 PM

جزاك الله خيرا اخي احمد على الردود
طيب هل مستوى مارشال الجزيره زي تماما مارشال المحطه ولا الجزيره افضل
وهل ممكن امشي من مارشال الجزيره لمسجد الشرعيه ولا يعتبر بعيد

**Medo.Malek** · 23-09-2014 10:10 PM

المشاركة الأصلية كتبت بواسطة ابو مارية

جزاك الله خيرا اخي احمد على الردود
طيب هل مستوى مارشال الجزيره زي تماما مارشال المحطه ولا الجزيره افضل
وهل ممكن امشي من مارشال الجزيره لمسجد الشرعيه ولا يعتبر بعيد

السؤال الاول معرفش اجابته
السؤال التانى اه فندق مارشال الجزيرة بعيد شوية عن الجمعية الشرعية من 15 ل 25 دقيقة مشى او حوالى 10 دقايق مواصلات لو الطريق سالك
مارشال المحطة نوعا ما اقرب تقريبا من 10 ل 20 دقيقة مشى و تقريبا 5 دقايق مواصلات لو الطريق سالك برضه

**elmo7areb** · 24-09-2014 06:56 AM

العباسي فية 3 فنادق بس مفيش اى نوع من النجوم فى الفنادق دي

**medo_2060** · 24-09-2014 11:33 AM

خليك في رامادا افضل لان القريب بتوع العباسي زي مكه مثلا لا يعتبر فندق اصلا

**Ahmed abdkarim** · 26-09-2014 01:45 AM

المشاركة الأصلية كتبت بواسطة ابو مارية

جزاك الله خيرا اخي احمد على الردود
طيب هل مستوى مارشال الجزيره زي تماما مارشال المحطه ولا الجزيره افضل
وهل ممكن امشي من مارشال الجزيره لمسجد الشرعيه ولا يعتبر بعيد

وجزاك مثله . المستوى واحد تقريبا الفرق ان مارشال الجزيرة فى مكان افضل شوية . و صعب تمشى من مارشال الجزيرة للجمعية الشرعية طبعا .

انما ممكن تمشى من مارشال المحطة للجمعية الشرعية حوالى 10-15 دقيقة مشى