الموضوع: طلب نصيحة عن فلوانس ٢٠١٥ e3

المشاركة الأصلية كتبت بواسطة ahmed.teawater

انا حاجز e3 انا قعدت شهور كتير اشوف هنا واسال اصدقائى لغايه ما استقريت على الفلوانس
عربيه عائليه ومحترمه وبحكم سفرى الكتير ع طريق الكريمات قعدت فتره أأجر عربيات موديل السنه او اخد عربيه صديق ليا لغياه ما جربت تقريبا كل الانواع ما عدا حاجه قليله جدا
ومن وجهة نظرى افضل ثبات واستهلاك بنزين هى الفلوانس تأتى بعدها لانسر شارك



بالنسبه للكورولا هى 1500 وفعلا يا دكتور الى يركب الموديل ده بيعشق الكورلا بسببه تحس انك راكب
مرسيدس مع احترامنا للمرسيدس طبعااااااااااااا
اصل انا عشري شويه مع اى عربيه بجبها لكن الكورولا القديم عشق خاص بصراحه

معاك حق بخصوص الكورولات القديمه انا والدتي معاها كوروللا 84 ولحد دلوقتي بحب اركبها واسوقها وفيها شوية سوست في الكراسي ماشفتهاش في اجمد عربيه زيرو
ربنا بسلمك عربيتك على خير عشان تعيد بيها ان شاء الله

شاكر ليكم الردود و يارب حضرتك تستلم قريب و احكيلنا علىانطباعاتك عنها

انا دخلت دماغي جدا و نزلت ادور على اللون الابيض و اشوف احسن سعر (و طبعا مش لاقي اللون)
بس فجأة النهاردة قبل ما اروح لقيت في معرض شيفروليت كروز، قلبتلي دماغي تاني
و انا دلوقتي فعلا محتار

اكتر حاجة بافكر فيها سهولة اعادة البيع بدون خسارة في صالح انهي واحدة؟

المشاركة الأصلية كتبت بواسطة aratux

شاكر ليكم الردود و يارب حضرتك تستلم قريب و احكيلنا علىانطباعاتك عنها

انا دخلت دماغي جدا و نزلت ادور على اللون الابيض و اشوف احسن سعر (و طبعا مش لاقي اللون)
بس فجأة النهاردة قبل ما اروح لقيت في معرض شيفروليت كروز، قلبتلي دماغي تاني
و انا دلوقتي فعلا محتار

اكتر حاجة بافكر فيها سهولة اعادة البيع بدون خسارة في صالح انهي واحدة؟

فيه مقارانات كتير بين الكروز والفلوانس هتلاقيها ف المنتدى
عايز اسأل حضرتك سؤال
انت ناوى تبيع بعد اد ايه من شرائك للعربيه

الكروز ده ضحك عالدقون
حرام السعر ده على وسائل الامان المحدوده اوي ده
اخر حاجه بيفكرو فيها هو سلامة البني ادم اللي قاعد جواها
شوف الكروللا والفلوانس ازاي بيهتمو بوسائل الامان من اول فئه لدرجة انهم بيعتبرو المالتي فانكشن من وسائل الامان ولازم يكون استاندارد والكروز بيفكرو يحطولك ايرباج و abs وللا خساره فيك
رغم ان الكروز عاجبني شكلها وحجمها ووزنها لكن لا احترم هذه الشركه

المشاركة الأصلية كتبت بواسطة ahmed.teawater

فيه مقارانات كتير بين الكروز والفلوانس هتلاقيها ف المنتدى
عايز اسأل حضرتك سؤال
انت ناوى تبيع بعد اد ايه من شرائك للعربيه

انا باغير كل فترة كبيرة، يعني كل اربع او خمس سنين ان شاء الله

على فكرة عاجبني قوي لون الفلوينس الابيض و هوة ده غالبا اللي هاحجزه، بس النهاردة قلقت من الشبه بينه و بين التاكسي الابيض. لو عندك اللون ده ياريت تقولي فعلا شبه لون التاكسي؟

المشاركة الأصلية كتبت بواسطة mfraig

الكروز ده ضحك عالدقون
حرام السعر ده على وسائل الامان المحدوده اوي ده
اخر حاجه بيفكرو فيها هو سلامة البني ادم اللي قاعد جواها
شوف الكروللا والفلوانس ازاي بيهتمو بوسائل الامان من اول فئه لدرجة انهم بيعتبرو المالتي فانكشن من وسائل الامان ولازم يكون استاندارد والكروز بيفكرو يحطولك ايرباج و abs وللا خساره فيك
رغم ان الكروز عاجبني شكلها وحجمها ووزنها لكن لا احترم هذه الشركه

ازاي يا فندم؟
كروز فيها كل حاجة حتى esp اللي مش موجود في اي فلوينس موجود فيها
كمان واخدة تقييم اعلى من فلوينس في NCAP
انا معجب بالفلوينس بس لازم نكون منصفين برضه

المشاركة الأصلية كتبت بواسطة aratux

ازاي يا فندم؟
كروز فيها كل حاجة حتى esp اللي مش موجود في اي فلوينس موجود فيها
كمان واخدة تقييم اعلى من فلوينس في NCAP
انا معجب بالفلوينس بس لازم نكون منصفين برضه

واضح ان انا معرفش حاجه عن الكروز الجديده لاني اللي اعرفه ان كانت اول فئه اوتو بتنزل من غير حتى اير باج ولا abs ممكن تفهمني ايه الجديد في الفيس ليفت يعني الفرامل بقت تنزل ستاندارد abs ebd esp و 2 اير باج وللا ايه ؟؟؟

ايوة كل حاجة