بتعلم السواقه ومش عارفه انا كده بتحسن ولا ايه ؟

السلام عليكم ورحمة الله

بداية كده انا روحت اتعلم السواقه فى اكاديميه سموحه بالاسكندريه

انا اصلا جبانه واى مواصله بموت منها وممكن لو حسيت ان السواق متهور انزل على طول حتى قبل ماوصل المكان

وقررت وقولت لزوجى نتعلم بس مش حنجيب عربيه الا لما احس انه انا وهو بيقنا الحمد لله اد التكلمه

بس انا بقالى تقريبا ست حصص

حصه ببقه نفسيا كويسه وحصه الدبرياج كل شويه يفصل اذا كنت انا او زوجى

لغاية ماحسيت انى بنام احلم بالدبرياج

انا الى حد ما مش حاسه وخايفه اخد قرار بأنى مش حاعرف واسكت

فيه شوية نقط مضايقانى
انا اولا حكاية الخوف قلت شوية
بس فيه هاجس ان ممكن اعمل حادثه والموت والكلام ده مش ببطل افكر فيه

وحاجه تانية انا اتعودت على المدرب فبالتالى مطمنه لو غلطت خايفه لما اكون لوحدى

حكاية الدبرياج النهارده كويس الحصه اللى جايه الاقيه يلخبط معايا بالتالى احبط

امتى اخد قرار اننا مننفعش نسوق

وايه اللى ممكن اعمله عشان اتخلص من النقط اللى ذكرتها

جزاكم الله كل الخير

كل الناس تعرف تسوق ان شاء الله
وموضوع فصل الدبرياج بيبقى منه سبب كبير من اللى بيعلم انه مش بيعرف يوصل المعلومه صح لانه غالبا بيبقى تعليمه على أده
المهم علشان العربيه متفصلش منك
فانت اعملى الاتى
دورى العربيه واتأكدى انها على المور قبل ما تدوريها او الاحسن انك تبقى دايسه دبرياج وتدورى العربيه
المهم بعد ما تدورى العربيه هتدوسى دبرياج للاخر وتجيبى الأول وبعدين تدوسى بنزين لحد ما صوت العربيه يعلى عن ما يتدوريها وهى مموره
وتقومى رافعه رجلك من على الدبرياج مش كلها هترفعى رجلك لمسافة التلت مثلا وتبقى دايسه بنزين وماشيه بالعربيه لحد ما تاخد سرعتها ساعتها بقى شيلى رجلك من على الدبرياج
الموضوع ده هيخلى العربيه مش هتفصل منك ان شاء الله
وبعدين مره على مره هتلاقى نفسك بتطلعى بالعربيه بسرعه وبتشيلى رجلك من على الدبرياج علطول من غير ما تثبيتها

حل الموضوع ده لو انت ناويه تجيبى اتوماتيك انك تتعلمى على اتوماتيك ومش هتشيلى هم لا دبرياج ولا فصل العربيه
الحاجه التانيه لما تخدى حصص السواقه وتجيبى عربيه هتطلعى كل يوم الصبح الساعه 6 مثلا فى شوارع فاضيه وتجربى تمشى بالعربيه وتفرملى عند علامات معينه بحيث لو حد فاجئك تبقى متعلمه الاساسيات كويس
وهتطلعى فى شوارع فاضيه صباحاً وساعتها هتلاقى مستواكى بيتسحن واحده واحده
كلنا كنا كده فى الأول
وبالتوفيق

الخوف شعور طبيعى
السواقة ممارسة يعنى لازم تتعلمى فترة طويلة وبعدين تطلعى بالعربية مع حد فترة طويلة وبعدين تمشى فى اماكن فاضية فترة وبعدين تمشى جوة البلد ومعاكى حد فترة وتمشى بسرعة قليله علشان لو غلطتى العربيات اللى حواليكى تلم نفسها

اقتباس:

---

المشاركة الأصلية كتبت بواسطة amr011111

كل الناس تعرف تسوق ان شاء الله
وموضوع فصل الدبرياج بيبقى منه سبب كبير من اللى بيعلم انه مش بيعرف يوصل المعلومه صح لانه غالبا بيبقى تعليمه على أده
المهم علشان العربيه متفصلش منك
فانت اعملى الاتى
دورى العربيه واتأكدى انها على المور قبل ما تدوريها او الاحسن انك تبقى دايسه دبرياج وتدورى العربيه
المهم بعد ما تدورى العربيه هتدوسى دبرياج للاخر وتجيبى الأول وبعدين تدوسى بنزين لحد ما صوت العربيه يعلى عن ما يتدوريها وهى مموره
وتقومى رافعه رجلك من على الدبرياج مش كلها هترفعى رجلك لمسافة التلت مثلا وتبقى دايسه بنزين وماشيه بالعربيه لحد ما تاخد سرعتها ساعتها بقى شيلى رجلك من على الدبرياج
الموضوع ده هيخلى العربيه مش هتفصل منك ان شاء الله
وبعدين مره على مره هتلاقى نفسك بتطلعى بالعربيه بسرعه وبتشيلى رجلك من على الدبرياج علطول من غير ما تثبيتها

حل الموضوع ده لو انت ناويه تجيبى اتوماتيك انك تتعلمى على اتوماتيك ومش هتشيلى هم لا دبرياج ولا فصل العربيه
الحاجه التانيه لما تخدى حصص السواقه وتجيبى عربيه هتطلعى كل يوم الصبح الساعه 6 مثلا فى شوارع فاضيه وتجربى تمشى بالعربيه وتفرملى عند علامات معينه بحيث لو حد فاجئك تبقى متعلمه الاساسيات كويس
وهتطلعى فى شوارع فاضيه صباحاً وساعتها هتلاقى مستواكى بيتسحن واحده واحده
كلنا كنا كده فى الأول
وبالتوفيق

---

جزاك الله كل الخير
انا تقريبا من كتر الرعب انها تفصل بحس ان رجلى مابتنزلش من على الدبرياج وواخده وضع الاستعداد انى فى اى وقت حطه رجلى ومش بشيلها

انا بروح مع مدرب انا وجوزى وهى مشكلتى انا وجوزى الدبرياج بيفصل واحنا اصلا ناووين على ماينوال

فربنا يستر وتتحل من عند ربنا

اقتباس:

---

المشاركة الأصلية كتبت بواسطة drcobra

الخوف شعور طبيعى
السواقة ممارسة يعنى لازم تتعلمى فترة طويلة وبعدين تطلعى بالعربية مع حد فترة طويلة وبعدين تمشى فى اماكن فاضية فترة وبعدين تمشى جوة البلد ومعاكى حد فترة وتمشى بسرعة قليله علشان لو غلطتى العربيات اللى حواليكى تلم نفسها

---

جزاكا الله كل خير

انا مش ناويه اقرر اجيب عربيه غير لما نبقى ادها وانا بحاول بصراحه
بس شعور اننا مش حانعرف مسيطر حبه

أولا السواقة مش دبرياج خالص...التحكم في الدواسات دا المفروض يكون تلقائي بدون تفكير..لو محصلش يبقي تتوقفي بحيث إنك لازم تختبري نفسك أو المدرب يختبرك بإنك تكوني علي مطلع وتتحركي للأمام بسهولة بدون لخبطة وبدون رجوع السيارة للخلف والعكس في الخلفي

ثانيا ممكن تتجهي للأتوماتيك وهنا السواقة تتفرع لحاجات كتير منها
القدرة علي المناورة وتغيير الحارات ودخول الملفات والركنة وإستخدام المرايات بإستمرار في كل فترات السواقة + أهم نقطة وهي التصرف في الحالات الطارئة والضغط المفاجئ للفرامل

غير كدا يبقى بلاش سواقة وإرحموا من في الأرض يرحمكم من في السماء
نقطة أخيرة...ممكن توصلي لكل النقاط في إجادة السواقة بعد فترة طويلة من التدريب... بس المهم إنك متنزليش الشارع غير بعد الإجادة
يعني اللي عايز يتعلم هيتعلم بس المهم ميسوقش غير لما يتعلم مهما كلفه من مجهود في التعلم

مش اقل من 6 اشهر تدريب متواصل و 40 ل 50 حصة حرصا على سلامتك وسلامة اسرتك وسلامة سيارتك

على فكره الموضوع سهل جدا جدا جدا ومفيهوش اى حاجه بس حضرتك اللى مكبره الموضوع زياده عن اللازم بسبب الخوف والقلق المسيطر على حضرتك ده

عاوز اقول حاجه بس مش احباط نهائى ان اسهل حاجه هتقابلك فى السواقه بعد ربنا ما يكرمك وتتعلمى السواقه وتبقى محترفه ان شاء الله موضوع التحكم فى الدواسات والدبرياج اللى مزهق حضرتك ده

الصعوبه اللى بجد واللى يتقال عليها صعبه لما تكونى ماشيه فى زحمه بين 20 فرد حواليكى فى الشارع او تكونى معديه تقاطع لأربع اتجاهات او تكونى ماشيه فى خمس حارات وسط العربيات ده غير الناس الرخمه اللى بتاخد الحاره بتاعتك او تكونى معديه بالعربيه فى مكان ضيق وسط عربيتين مثلا ويدوبك المكان هايعدى عربيتك بالعافيه وممكن مرايات عربيتك تحك كمان ولازم تتقفل ..... دى امثله للصعوبه بجد فى السواقه ..

يا ريت الكلام ده يكون ايجابى مش سلبى ويخلى حضرتك عندك عزيمه تتعلمى وتحطى فى دماغك لغايه ما تبقى محترفه سواقه زى باقى البنات

اقتباس:

---

المشاركة الأصلية كتبت بواسطة swimmer25

أولا السواقة مش دبرياج خالص...التحكم في الدواسات دا المفروض يكون تلقائي بدون تفكير..لو محصلش يبقي تتوقفي بحيث إنك لازم تختبري نفسك أو المدرب يختبرك بإنك تكوني علي مطلع وتتحركي للأمام بسهولة بدون لخبطة وبدون رجوع السيارة للخلف والعكس في الخلفي

ثانيا ممكن تتجهي للأتوماتيك وهنا السواقة تتفرع لحاجات كتير منها
القدرة علي المناورة وتغيير الحارات ودخول الملفات والركنة وإستخدام المرايات بإستمرار في كل فترات السواقة + أهم نقطة وهي التصرف في الحالات الطارئة والضغط المفاجئ للفرامل

غير كدا يبقى بلاش سواقة وإرحموا من في الأرض يرحمكم من في السماء
نقطة أخيرة...ممكن توصلي لكل النقاط في إجادة السواقة بعد فترة طويلة من التدريب... بس المهم إنك متنزليش الشارع غير بعد الإجادة
يعني اللي عايز يتعلم هيتعلم بس المهم ميسوقش غير لما يتعلم مهما كلفه من مجهود في التعلم

---

انا فعلا ناويه مابش عربيه غير لما ابقى متأكده من تحمل المسئوليه بس المشكله مش عارفه امتى؟
على العموم شكرا لاهتمامك بالرد

اقتباس:

---

المشاركة الأصلية كتبت بواسطة د.محمود صلاح

مش اقل من 6 اشهر تدريب متواصل و 40 ل 50 حصة حرصا على سلامتك وسلامة اسرتك وسلامة سيارتك

---

جزاك الله كل خير وانا فعلا مش مستعجله نهائى

اقتباس:

---

المشاركة الأصلية كتبت بواسطة j a g u a r

على فكره الموضوع سهل جدا جدا جدا ومفيهوش اى حاجه بس حضرتك اللى مكبره الموضوع زياده عن اللازم بسبب الخوف والقلق المسيطر على حضرتك ده

عاوز اقول حاجه بس مش احباط نهائى ان اسهل حاجه هتقابلك فى السواقه بعد ربنا ما يكرمك وتتعلمى السواقه وتبقى محترفه ان شاء الله موضوع التحكم فى الدواسات والدبرياج اللى مزهق حضرتك ده

الصعوبه اللى بجد واللى يتقال عليها صعبه لما تكونى ماشيه فى زحمه بين 20 فرد حواليكى فى الشارع او تكونى معديه تقاطع لأربع اتجاهات او تكونى ماشيه فى خمس حارات وسط العربيات ده غير الناس الرخمه اللى بتاخد الحاره بتاعتك او تكونى معديه بالعربيه فى مكان ضيق وسط عربيتين مثلا ويدوبك المكان هايعدى عربيتك بالعافيه وممكن مرايات عربيتك تحك كمان ولازم تتقفل ..... دى امثله للصعوبه بجد فى السواقه ..

يا ريت الكلام ده يكون ايجابى مش سلبى ويخلى حضرتك عندك عزيمه تتعلمى وتحطى فى دماغك لغايه ما تبقى محترفه سواقه زى باقى البنات

---

والله حضرتك النقاط اللى ذكرتها قالقانى

بس انا مجرد ان البدايه بتتظبط مره ومره تانيه بتلخبط أحبط نفسيا وببقى م عارفه ده طبيعى وامل ولا اقف وبلاش تعب

لو هاتمشى بمبدأ اقف وبلاش تعب يبقى فى حياتك عمرها مش هتتعلمى
وعلى فكره لازم تغلطى وتصححى غلطتك مش تحبطى نفسك

على فكره انا بسوق عربيات من الابتدائى والحمد لله مفيش حد علمنى السواقه واتعلمت مع نفسى وكنت حاطط فى دماغى اتعلم السواقه علشان كنت عاوز اتعلم وكان نفسى اتعلم وبقيت بمشى بالعربيه فى اسبوع تعليم ... ده كله علشان عاوز اتعلم وكنت بغلط وصحح غلطتى وطلعت رخصه فى اول شهر كملت فيه 18 سنه

العمليه كلها عزيمه واصرار مش احباااط

اقتباس:

---

المشاركة الأصلية كتبت بواسطة j a g u a r

لو هاتمشى بمبدأ اقف وبلاش تعب يبقى فى حياتك عمرها مش هتتعلمى
وعلى فكره لازم تغلطى وتصححى غلطتك مش تحبطى نفسك

على فكره انا بسوق عربيات من الابتدائى والحمد لله مفيش حد علمنى السواقه واتعلمت مع نفسى وكنت حاطط فى دماغى اتعلم السواقه علشان كنت عاوز اتعلم وكان نفسى اتعلم وبقيت بمشى بالعربيه فى اسبوع تعليم ... ده كله علشان عاوز اتعلم وكنت بغلط وصحح غلطتى وطلعت رخصه فى اول شهر كملت فيه 18 سنه

العمليه كلها عزيمه واصرار مش احباااط

---

تسلم من كل شر يارب

وفعلا عندك حق يارب اتخلص من الاحساس ده

تعرف حضرتك لما اكون بجدد فى بيتى وناويه اشترى حاجه جديده بيبقى معنديش صبر وعايزه اعمل بسرعه وافكر اعمل ايه واسوى ايه

لكن العربيه مش مستجله نهائى وحاسه زى اللى عايزاها تيجى لوحدها وكل تفكيرى انى حاعمل بيها مصيبه

ربنا يستر وقل لن يصيبنا الا ماكتب الله لنا

اتعلمي علي اوتوماتيك افضل
احيان اسيارات التعليم حالتها سيئه ودبرياشها عاوز يترجلش و بيفصل عالي يعمل برجله للمتدرب
لا يمكن انسي ال 128 اول ما ابتديت اتعلم , دبرياجها كان نيله
والمدرب لا بيعلم ولا يحزنون ويطلع المتدرب مخطئ

شئ طبيعي انك تكوني خايفه في الاول
بس تاكدي ان موش هايصيبك الا نصيبك - علشان كده تشجعي لان الخوف الزائد ممكن هوا اللي يسبب ليكي ارتباك وحادثه لاقدر الله
6 حصص لاتكفي فممكن تطلبي 3 حصص اضافيه كمان - المفروض حركه الدبرياج والبنزين بتم بتلقائيه والتركيز الاكبر علي الطريق
موضوع الدبرياج اللي بيفصل منك ده عادي في الاول وماتنسيش ان عربيات التعليم غالبا بتكون تعبانه وكمان المفروض انك تثبتي عربيه اثناء التعليم يعني نفس العربيه لان كل عربيه ليها مشوار دبرياج مختلف وفيه عربيات دبرياج بتاعها خفيف والاخري تقيل
بعد ماتخلصي تدريب طلعي الرخصه لانها هاتديكي ثقه جامده وبعد كده اي حد من اقاربك ممكن ينزل معاكي لحد ماتتعودي
وبالتوفيق ان شاء الله

اقتباس:

---

المشاركة الأصلية كتبت بواسطة ام حنين وجودى

تسلم من كل شر يارب

وفعلا عندك حق يارب اتخلص من الاحساس ده

تعرف حضرتك لما اكون بجدد فى بيتى وناويه اشترى حاجه جديده بيبقى معنديش صبر وعايزه اعمل بسرعه وافكر اعمل ايه واسوى ايه

لكن العربيه مش مستجله نهائى وحاسه زى اللى عايزاها تيجى لوحدها وكل تفكيرى انى حاعمل بيها مصيبه

ربنا يستر وقل لن يصيبنا الا ماكتب الله لنا

---

الله يسلمك

التفكير ده برضه بسبب الخوف الزياده
انا برضه كان ساعات بيجيلى الاحساس ده اول ما اتعلمت
بس دلوقتى الحمد لله مفيش اى حاجه

حاولى تعدى مرحله الخوف وشوفى ايه الوضع بعد كده

انتٍ ناقصك حاجتين اول حاجة عربية تكون موجودة معظم الوقت تتعلمي عليها. تاني حاجة وقت اطول علشان تبقي كويسة و رهبة السواقة تروح

السواقة مش عاوزة خوف خالص علشان لو خوفتي هاتتوتري و مش هاتعرفي تتصرفي و ده خطر.

لازم تسوقي العربية لوحدك و تكوني فيها لوحدك لفترة اطول بس ده مش دلوقتي لما تتمكني من الدواسات علشان ده يخليكي تعتمدي علي نفسك اكتر مش ان في مدرب هايكون موجود علي طول.

الدبرياج انا علشان اتمكن منه اخدت العربية في طريق فاضي حوالي 15~20 متر و امشيهم و افرمل و ارجع تاني من غير ما العربية تفصل لغاية ما تمكنت منه.

الدبرياج مشكلته ان الي بيوصلك المعلومة بيوصلها غلط, باختصار انتي تدوسي دبرياج و تجيبي الغيار ال1 او R و بعدين تدوس بنزين واول ما الـrpm يتحرك او تسمعي صوت الموتور تبدأي تشيلي رجلك براحة من الدبرياج لو العربية مشيت شيلي الدبرياج براحة لو ممشيتش ارفعي الدبرياج سنة كمان لغاية ما تتمكني منه و بعد كدا هاتتحركي علي طول و مش هاتدوسي علي الدبرياج غير قليل

ممكن برده تبدأي بحركة احسن و هي تمشي من غير بنزين علشان تعرفي الدبرياج بيبدأ يوصل و يفصل حركة امتي
بمعني انك تمشي علي السلانسيه

ترفعي نص الدبرياج كدا من غير بنزين لو العربية فصلت دوري تاني و ارفعي براحة و ثبتي رجلك لغاية ما العربية تمشي كدا انتي عرفتي امتي الحركة اتنقلت من الموتور للعجل تبدأي تدوسي بنزين و بعدين ترفعي رجلك من الدواسة كلها بس لازم يكون مكان فاضي و مساحة مفتوحة علشان متتوتريش و كمان متخبطيش حاجة

بس اهم حاجة تحاولي تشتري عربية تتعلمي عليها براحتك هايحسن مستواكي كتير انتٍ و زوج حضرتك

اقتباس:

---

المشاركة الأصلية كتبت بواسطة Mecha

اتعلمي علي اوتوماتيك افضل
احيان اسيارات التعليم حالتها سيئه ودبرياشها عاوز يترجلش و بيفصل عالي يعمل برجله للمتدرب
لا يمكن انسي ال 128 اول ما ابتديت اتعلم , دبرياجها كان نيله
والمدرب لا بيعلم ولا يحزنون ويطلع المتدرب مخطئ

---

جزاك الله كل خير

والله انا قولت مانوال الاول على اساس ابقه ابتديت من الاساس وبر ضه عشان ناويه اشترى مانوال
ربنا يحل عقده الدبرياش

اقتباس:

---

المشاركة الأصلية كتبت بواسطة abdoumahros

شئ طبيعي انك تكوني خايفه في الاول
بس تاكدي ان موش هايصيبك الا نصيبك - علشان كده تشجعي لان الخوف الزائد ممكن هوا اللي يسبب ليكي ارتباك وحادثه لاقدر الله
6 حصص لاتكفي فممكن تطلبي 3 حصص اضافيه كمان - المفروض حركه الدبرياج والبنزين بتم بتلقائيه والتركيز الاكبر علي الطريق
موضوع الدبرياج اللي بيفصل منك ده عادي في الاول وماتنسيش ان عربيات التعليم غالبا بتكون تعبانه وكمان المفروض انك تثبتي عربيه اثناء التعليم يعني نفس العربيه لان كل عربيه ليها مشوار دبرياج مختلف وفيه عربيات دبرياج بتاعها خفيف والاخري تقيل
بعد ماتخلصي تدريب طلعي الرخصه لانها هاتديكي ثقه جامده وبعد كده اي حد من اقاربك ممكن ينزل معاكي لحد ماتتعودي
وبالتوفيق ان شاء الله

---

عندك حق ربنا يكرمك
انا فعلا بحس انه حصه عن التانيه بترفع من روحى المعنويه بس نقطه الخوف من انى اعمل حادثه متمكنه منى شويه
وساعات بقول لنفسى انى بتحسن عشان المدرب جنبى وحيلحقنى
ربنا يدينى القوه والشجاعه من عنده

اقتباس:

---

المشاركة الأصلية كتبت بواسطة J A G U A R

الله يسلمك

التفكير ده برضه بسبب الخوف الزياده
انا برضه كان ساعات بيجيلى الاحساس ده اول ما اتعلمت
بس دلوقتى الحمد لله مفيش اى حاجه

حاولى تعدى مرحله الخوف وشوفى ايه الوضع بعد كده

---

كلامك شجعنى والله ربنا يستر طريقكم ويغنمكم السلامه

اقتباس:

---

المشاركة الأصلية كتبت بواسطة كيرلس أدوارد

انتٍ ناقصك حاجتين اول حاجة عربية تكون موجودة معظم الوقت تتعلمي عليها. تاني حاجة وقت اطول علشان تبقي كويسة و رهبة السواقة تروح

السواقة مش عاوزة خوف خالص علشان لو خوفتي هاتتوتري و مش هاتعرفي تتصرفي و ده خطر.

لازم تسوقي العربية لوحدك و تكوني فيها لوحدك لفترة اطول بس ده مش دلوقتي لما تتمكني من الدواسات علشان ده يخليكي تعتمدي علي نفسك اكتر مش ان في مدرب هايكون موجود علي طول.

الدبرياج انا علشان اتمكن منه اخدت العربية في طريق فاضي حوالي 15~20 متر و امشيهم و افرمل و ارجع تاني من غير ما العربية تفصل لغاية ما تمكنت منه.

الدبرياج مشكلته ان الي بيوصلك المعلومة بيوصلها غلط, باختصار انتي تدوسي دبرياج و تجيبي الغيار ال1 او R و بعدين تدوس بنزين واول ما الـrpm يتحرك او تسمعي صوت الموتور تبدأي تشيلي رجلك براحة من الدبرياج لو العربية مشيت شيلي الدبرياج براحة لو ممشيتش ارفعي الدبرياج سنة كمان لغاية ما تتمكني منه و بعد كدا هاتتحركي علي طول و مش هاتدوسي علي الدبرياج غير قليل

ممكن برده تبدأي بحركة احسن و هي تمشي من غير بنزين علشان تعرفي الدبرياج بيبدأ يوصل و يفصل حركة امتي
بمعني انك تمشي علي السلانسيه

ترفعي نص الدبرياج كدا من غير بنزين لو العربية فصلت دوري تاني و ارفعي براحة و ثبتي رجلك لغاية ما العربية تمشي كدا انتي عرفتي امتي الحركة اتنقلت من الموتور للعجل تبدأي تدوسي بنزين و بعدين ترفعي رجلك من الدواسة كلها بس لازم يكون مكان فاضي و مساحة مفتوحة علشان متتوتريش و كمان متخبطيش حاجة

بس اهم حاجة تحاولي تشتري عربية تتعلمي عليها براحتك هايحسن مستواكي كتير انتٍ و زوج حضرتك

---

انا ببدأ امشى بالدبرياش بس واول ماتمشى ادى تكه بنزين ومشيت على التانى كمان
الرهبه قلت نوعا ما
بس برضه مش القوه اللى تدينى الدافعه انى اقول انى خلاص كده بقيت كويسه
حتى جوزى عندى عدم ثقه فيه انه يطلع بالعربيه لوحده
كل شويه اقوله انى اوصلك انا مش مطمنه اسيبك لوحدك وطبعا بيزعل منى :Copy of rfds:

ربنا يحلها من عنده ولو فيها غير يقربنا منها ولو فيها شر يبعد عنها يارب

تسلم اخى من كل شر

نصيحتى لحضرتك :
1- التدريب العملى مهم جدا بس أولا يكون فى أماكن فاضية نوعا ما .
2- موضوع ضبط الدبرياج مع البنزين عند الطلعة الأولى موضوع حيتظبط بإذن الله وجاى جاى بالتمرين والصبر معلش .
3- بعد ما حضرتك تضبطى الحركة والطلعة بالعربية هيكون مهم برضه تغطية المواقف الآتية :
الدخول على إشارة مثلا ولابد من التوقف - التعرف على وضع المور وكيفية الإستفادة منه فى المواقف المختلفة - كيفية التعامل مع مطب صناعى والتهدئة قبل الوصول إليه ووضع الغيار المناسب للحالة - الدخول على تقاطع - اليوتيرنات شمال أو يمين - أهمية المرايات بكل أنواعها بالسيارة - أهمية الإشارات ومعانيها - كيفية الركنة المظبوطة وشروطها .
كل حاجة من اللى أنا ذكرتها حتيجى بالتعود والتمرين والتركيز .
فى الأول بتبقى المسألة مرعبة لكن الخوف بيروح حبة حبة بإذن الله .
وبالتوفيق

اقتباس:

---

المشاركة الأصلية كتبت بواسطة mesaharaty

نصيحتى لحضرتك :
1- التدريب العملى مهم جدا بس أولا يكون فى أماكن فاضية نوعا ما .
2- موضوع ضبط الدبرياج مع البنزين عند الطلعة الأولى موضوع حيتظبط بإذن الله وجاى جاى بالتمرين والصبر معلش .
3- بعد ما حضرتك تضبطى الحركة والطلعة بالعربية هيكون مهم برضه تغطية المواقف الآتية :
الدخول على إشارة مثلا ولابد من التوقف - التعرف على وضع المور وكيفية الإستفادة منه فى المواقف المختلفة - كيفية التعامل مع مطب صناعى والتهدئة قبل الوصول إليه ووضع الغيار المناسب للحالة - الدخول على تقاطع - اليوتيرنات شمال أو يمين - أهمية المرايات بكل أنواعها بالسيارة - أهمية الإشارات ومعانيها - كيفية الركنة المظبوطة وشروطها .
كل حاجة من اللى أنا ذكرتها حتيجى بالتعود والتمرين والتركيز .
فى الأول بتبقى المسألة مرعبة لكن الخوف بيروح حبة حبة بإذن الله .
وبالتوفيق

---

جزاك الله كل الخير للافاده
هى فعلا بالتعود والنقاط اللى حضرتك تذكرتها فعلا لازم تدرس
بس المدرب لما مثلا نقابل تقاطع يقولى اعملى كذا واديها سابقانى على الدركسيون يلحق
فمش ببقه فاهمه هو عمل ايه ولا ايه

لو بعد اذنك تقولى كل نقطه من اللى حضرتك ذكرتهم لما يحصل كذا اعمل كذا يبقى ليك الفضل