مربع اصفر مع ناس اصلا متعرفش مين ال ليه اولوية المرور
احنا كشعب معرفتنا بقوانين المرور بتتلخص في الحزام و السرعة و الصف التاني و الاشارة
غير كدا ارمي بوزك و ربك هيسهلها
الناس تقريبا عجبها اللون الاصفر فقررو يقفو كلهم فوقيه سوا
عرض للطباعة
انا شايف ان يبقى في Delay بين الإشاره لما تخضر في طريق و تحمر في الطريق المتقاطع هي أنسب حل.
و هو نسبة اللي بيحترم الإشاره أكيد أكبر من نسبة اللي هيحترم المربع الأصفر.
يعني الإشاره لما تبقى حمراء اللون..
مش لازم في نفس اللحظه ألاقي الطريق التاني يخضر..خليها عشر ثواني لحد متخضر.
ده كان موجود في السعوديه..!!!!
موضوع جميل ومعلومة قيمة وجديدة (بالنسبة لى)
بقالى أيام رايح جاى فى الشارع ده أسأل نفسى عن معنى الخطوط دى لأننى متأكد أنها ليس مجرد منظر .. أشكرك لأنك ريحت بالى
للأسف هذه المعلومات والثقافة المرورية بصفة عامة نفتقر فى مصر لها ولاتجد لها أى رعاية من أى جهة حكومية أو غير حكومية لنشرها وتوعية السائقين بها
والمثال على ذلك شارع مصطفى النحاس .. تم تجديدة وتوسعته وإعادة رصفه وتخطيطه وتركيب إشارات ضوئية حديثة ، ولكن حد كلف خاطره يشرح للناس معنى الخطوط المرسومة على الأرض ؟؟
أنا مستعد أراهنك أن شرطى المرور إللى واقف فى التقاطع ده لا يعلم معنى هذه الخطوط وإحتمال يكون فاهمها تجميل أو ديكور
كان زمان فى نادى الشمس كانوا عاملين مدرسة مرور للصغار كانت عبارة عن شوارع وإشارات وخطوط سير علشان ينشأ الصغير عنده وعى بكل قواعد وإشارات المرور
النهارده أنا أتحدى أن كثير من السائقين لا يعلموا الفرق بين الخط المتصل والخط المتقطع الذى يفصل ما بين الحارات على أى طريق
أشكرك مرة أخرى لهذا الموضوع ، وأرجو أن تقبل تحياتى ،،،
بالمناسبه
الصوره دي من نفس التقاطع اللي هو حاطط صورته عند مدرسه المنهل
نفس المنظر ده بالملي بيتكرر عند التقاطع بتاع مكرم عبيد عند التوحيد و النور
و فيه بقي منظر تاني عند اليوتيرن اللي بعد التقاطع بتاع مكرم عبيد و انت رايح عباس العقاد
الشارع كله 4 حارات 3 منهم بيلفوا اليوتيرن ده سوا
و غالبا بتكمل مع واحد عبقري يركن صف تاني و يقفل الحاره اللي فاضله و حلني بقي
طالما 99% من السائقين مطلعين رخصهم محسوبيه و رشاوي عمر ما المرور في مصر هينعدل حاله
هو إللى حضرتك بتقوله ده حل عملى بديل ومنطقى بس عندهم برضه !!
لأنهم ببساطة بيعرفوا يعنى إيه لون أخضر وأصفر وأحمر
إنما عندنا لو راقبت أى إشارة (ده لما بيبقى فيه إشارة) حتلاقى الإشارة بتتحول من الأخضر للأصفر ثم الأحمر فى نفس الوقت السيارات بتزيد سرعتها علشان تعدى قبل الضوء الأحمر (عكس قواعد المرور) ده غير البلطجية والفتوات إللى بيستمروا حتى بعد ظهور الضوء الأحمر ومابيوقفهمش غير العسكرى الغلبان إللى بيرمى نفسه أمام السيارات علشان يا تقف ياتدوسه
بصراحة مع شوارعنا وسائقينا وميكروباصاتنا وثقافتنا المرورية العميقة ماينفعش لا مربعات صفراء ولا حمراء
الحل هو تركيب "قاذفات لهب" بمحاذاة الخطوط البيضاء العرضية عند كل إشارة تطلق نيرانها أوتوماتيكياً مع الضوء الأحمر :70[1]:
يا رب نحترم نفسنا شويه ونحترم اشارات المرور