بشكر كل واحد فيكو بجد ( كروﻻ 2015 )

يا جماعه انا غيرت رأيى على اخر لحظه بدل ما كنت هجيب كروﻻ اول فئه جبت سيراتو هاى ﻻين
اناكنت رايح المعرض استلم كروﻻ اول فئه بس لقيتها مش موجوده ومش عارفين هتيجى امتى ملقتش غير الكروﻻ الخليجى ودى بصراحه معفنه فى فرق فى الكاست الكاست بتاعها صغير ومش ﻻيق على العربيه والشبكه اللى قدام بﻻستيك مش نيكل وتقفيل العربيه مش حلو خالص

فقولت افكر انا ليه ادفع 182 فى عربيه مفيهاش امكانيات مع انى ممكن اجيب عربيه هاى ﻻين فيها كل حاجه فشوفت السيراتو الهاى ﻻين خليجى بجد تحفه بصمه وكاميرا وكل حاجه
فصممت عليها وغيرت المعرض عشان ملقتش فيه اللون اللى انا عايزه
وانا رايح استلمها النهارده والحمد لله الموافقه جت والحمد لله انا مقتنع بالعربيه جدا

الف مبروك

ربنا يبارك لك فيها

طيب يا جماعه حد يقولى رأيو مش كده احسن

حضرتك حددت اختيارك الريدي
والف مبروك عليك ايا كان
عن نفسي السيراتو كماليات توب لكن الكورولا اعتماديه ميكانيكا و كهربا
بالتوفيق ان شاء الله

الف مبروووك اختيار موفق بس جبتها علي كام وامكانياتها ايه بالتفصيل و فيها فرش جلد ولا لا
علي فكره الهاي لاين بيكون الخامات اللي ف التابلوه اجممممممممد بكتيييير من اول فئه

اختيار موفق ان شاء الله
السيراتو محترمه برضه

الكرولا الخليجي بكام ؟

اقتباس:

---

المشاركة الأصلية كتبت بواسطة yyy

الكرولا الخليجي بكام ؟

---

الكروﻻ الخليجى عامله 176 بش والله هتخايك تكره التويوتا كلها

اقتباس:

---

المشاركة الأصلية كتبت بواسطة mnashat77

الف مبروووك اختيار موفق بس جبتها علي كام وامكانياتها ايه بالتفصيل و فيها فرش جلد ولا لا
علي فكره الهاي لاين بيكون الخامات اللي ف التابلوه اجممممممممد بكتيييير من اول فئه

---

عامله بالضبط 182 ونزل معايا 500 جنيه كمان
العربيه هاى ﻻين بس من غير فرش جلد اعتقد مش ناقصه حاجه تانى
بس والله انا حمدت ربنا انا اخترتها بجد معاها هتكون السواقه متعه وشكلها كل ما بشوفها ماشيه بحس انها جوهره ماشيه على اﻻرض