الموضوع: كالعادة مليش غيركم اتكلم معاة

ازيكم

بصراحة من ساعة معرفت المنتدى بالصدفة البحتة وانا والله بثق فى الناس الى هنا كدا الموضوع مش محتاج توضيح قد اية الناس هنا محترمين

لدرجة خلت الواحد يكتب يتنقاش معاكم فى حاجات عمرى مكنت اتخيل انى اتكلم فيها مع اعز صحابى

فشكرا ليكم قبل كل شيئ

المووضوع انى مرعوب ...

انا ابن وحيد لاب قعد خمس سنين يتعالج لحد مقدر يخلفنى للاسف انا معرفش تفصيل التعب الى كان عندة ولا نوع الضعف الى خلية يقعد خمس سنين لحد محصل حمل

المهم انا شبهو جدااا فى كل حاجة فى وشة وجسمة وحتة طريقة مشيتة لدرجة ان هو عندة عادة مستمرة زى الناس الى بيعضو فى ضوافرهم كدا بس هو العادة الى عندة انة بتجيلة حكة مستمرة فى طرف انفة بتخلية مضطر كلة شوية يهرش فيها


بردة ورثت عنة الموضوع دا


الموضوع دا عمل عندى نوع من انواع الرهاب انى لما هتجوز مش هعرف اخلف بسرعة وتخوفات كتير بتدور فى دماغى انى هبقا زية فى موضوع الخلفة


اتجوزت دلوقتى بقالى 43 يوم

عرفت اول امبارح ان محصلش حمل عن طريق العادة الشهرية بتاعت الستات طبعا فهمين قصدى

ومن سعتها والمدام مدايقة لان دى تانى مرة تحصل من اول متجوزنا

الى هيستغرب المدام مدايقة لية .. لانها من منطقة ارياف شوية اهلها طبعا هناك كلهم بس انا متجوزها وقاعدين فى القاهرة .. مش محتاج اقلكم كمية التخلف الى هناك طبعا وكم التلفونات الى بتجيلها ها بقيتى حامل ولا لسة ها عملتو اية ها شيدى حيلك .. هناك معتبرين الستات حيوانات وظيفتهم تخلف وبس


الميزة عندى طبعا امى طبعا دمغها مختلفة خالص وبتقعد تطمن فيها وكدا ومتعيطيش ولسة بدرى والكلام دا كلة

مشكلتى انا بقا بدء يرودنى الخوف ان اكون من ضمن الحاجات الى ورثتها من والدى المشكلة الى كانت عندة الى انا معرفهاش اساسا واتحرج اسئل امى او ابويا اية هيا المشكلة بس على ما اعتقد ان كان عندة دوالى او حاجة تانية

لدرجة بدات افكر اعمل تحليل السائل المنوى اخر الاسبوع ومرعوووووووب جدا من النتيجة

وبدات اقرى على النت لقيت مشاكل رجالة بلااااااااااوى وضعف حيوانات وساعات بتبقى صفر وحاجات منيلة

مبقتش عارف انام من كتر التفكير فى التحيل ونتيجتة وخايف لقدر الله يطلع فى مشكلة


خاصة بردة الى يتكلم يقلى انتا وحيد انتا تجيب دستة عيال وكلام من دا بالهبل من صحابى ومعارفى
هل دا طبيعى وان ميحصلش حمل بسرعة فى اول الجواز وهل اعمل التحليل دا ولا اكبر دماغى