الموضوع: Latest Info & images of Gen2 2009

بعد المعاينه على الطبيعه لموديلات 2009 تم ملاحظه اوجه الشبه والاختلاف بين الــ جين2 والبيرسونا الكامله الاوتوماتيك كالاتى:

اوجه الشبه لكل بين الــ جين2 والبيرسونا:

1- اضافه درج للتابلوه
2- اضافه حامل اكواب بين الكراسى
3- نقل مكان ازرار التحكم فى الزجاج والمرايات لتكون فى الباب
4- نفس الاطارات
5- نفس المحرك
6- نفس شكل التابلوه
7- عصا التحكم بارتفاع عجله القياده بقت تحت المقود وفى اتجاه الكرسى يعنى مش على جنب
8- عدد 2 ايرباج لكل منهم
9- يوجد شداد بين الفردتين الاماميين (مش موجود على النت)
10- مفبش مثبت سرعه للاثنين
11- تم وضع غطاء فبر عليه علامه الـ CAMPRO فوق الموتور
12- مقابض الابواب بقت لونها فضى وهى فبر وليست استانليس او معدن

اوجه الاختلاف بينهما:

1- الجين2 فيها الجناح اللى فوق الشنطه (بس من غير كساحات الاجناب ولا الاسكيرتينج الامامى والخلفى)
2- الجين2 فيها زرار تحكم الفوج لايت لكن البيرسونا مافيهاش
3- البيرسونا فيها عواكس على الاكصدام الخلفى ومش موجود فى الجين2
4- فرش البيرسونا لونه اشيك (اسود فى رمادى) والجين2 (رمادى مقلم فــ احمر)
5- الشبكه الاماميه للبيرسونا هى بتاعه جين2 2008 اما الجين 2009 ليها شبكه جديده


بالنسبه للـ ABS & EBD مش حتكلم عنهم لان مفيش معلومات مؤكده ولا بروشور موجود نتاكد منه مع احترامى لكل الاخوه اللى اتكلموا عن الموضوع ده قبل كده حسب معلومات التوكيل او الموجود على النت.:k44:

بالنسبه للبيرسونا المانيوال اللى كانت موجوده فى العرض انا جربت الفتيس بتاعها ولقيته سهل جدا وناعم جدا بالنسبه للناس اللى كانت مستصعبه مانيوال الجين2 2008

انا جربت اشغل ماتور الجين 2009 ولقيت ان صوت الموتور هادى جدا عن الجين2 2008 وجربت ازود كمان لقيت الصوت ارتفع بنسبه عاديه جدا

الاهم من ده كله هو المكتوب على الفلتر الجديد يا جماعه وهو "INTAKE HIGH DUST FILTER" بمعنى انه فلتر لمقاومه او فلتره الهواء من النسبه العاليه للأتربه الموجوده فى الهواء اللازم لدخول المحرك لإتمام عمليه الاحتراق وليسIAFM او "INTAKE AIR FULE MODULE" اللى المفروض يحسن من اداء الموتور زى ما الاخ توت تفضل وشرح كيفيه عمله
معنى الكلام ده ان احتمال يكون مش هوه ده الفلتر المفروض ينزل مع موديلات 2009 وهو IAFM والكلام ده استنتجته من الاتى:

1- دورت على النت علشان اشوف المفروض يكون شكله ازاى ولقيت اللينكات دى:

http://www.marelliusa.com/iafm2.html
http://delphi.com/manufacturers/auto/powertrain/gas/airfuel/iafm/

لاحظوا انه مش مجرد علبه وبس دا كمان معدن وليه توصيل مع وش الموتور ودخول البنزين والهواء
2- المكتوب على الشنطه من الخلف هو 1.6 فقط وليس IAFM 1.6 مثلا


يا ريت اكون غلطان وحد من ملاك الجين2 يقول ان فيه اضافات موجوده زياده عن القديم غير العلبه البلاستيك أو إن هو ده كده الفلتر الجديد وايه مرجع كلامه ان امكن

وياريت اللى شايف اى حاجه مش مضبوطه ومحتاجه توضيح فى كل اللى اتقال ياريت يوضحها. انا بس فضلت انى اضع ملاحظاتى فى الموضوع ده علشان يبقى فيه موضوع واحد نجمع فيه كل حاجه علشان كلنا نستفاد