الطريقة الصحيحة لتسقيط الماكينات ج2
اتكلمنا في الموضوع السابق عن تسقيط الماكينات ، و عرفنا ان التسقيط اهم النقاط فيه :
1- مطابقة القطع مع بعضها – توفيق القطع مع بعضها بدون اي دعديلات
[justify] [/justify][justify][/justify][justify][/justify][justify][/justify]
[justify][/justify][justify][/justify][justify]
بمعنى لو كنترول اتحرق اهم حاجه فيه ان يكون كهردوير نفس سنوات الصنع و يكون مدخل الكونيكتور متطابق تماما مع القديم علشان اتفادى شراء دفيرة ..
و هاكذا في باقي التباديل و التوافيق : - هتجيب مكنه بكنترولها ، يبقا تجيب اللي يتوافق مع الدفيرة القديمة
- هتجيب مكنه بس يبقا تجبها تتوافق مع الدفيرة يعني كل اطراف المدفيرة من كونيكتورات تركب بالكامل و ميتبقاش منها كونيكتور مثلا كان راكب على حساس معين او ما شابه ( مع مراعاة ان المكنة اللي راكبة تتوافق مع سنة صنع الكنترول ) ، ما تروحش تجبلي مكنة مصنعه في 2006 و عاوز تسقطها في 94 او 98 او 2000 ، مهو مش علشان الماكنتين في ابيزا يبقا ينفع ، لكن يفع في حالة انك تفك كله من 2006 تسقطه في 98 .. و ان كان يعني الدواخل في الصالون تركب في القديم ( هذا للتوضيح فقط) محدش يجي يقول ينفع .. ينفع او ما ينفعش دي مش قصتي العلم عند الله .. انا بتكلم كلام في ميكانيكا بحته ماليش دعوة بفنيات خارجية .
[/justify]
2- لازم نعرف حاجه مهمه جدا الا و هي ، و هنعطي مثال للتوضيح : [justify] [/justify][justify][/justify][justify][/justify][justify][/justify]
[justify]
كنترولات الالماني على السواء من صناعة شركة بوش (BOSCH)كما نعرف و ال (soft) اللي بينزل عليها من برمجيات شركة سيمنس (siemens) حتى اجهزة الفحص و التشخيص
الكنترولات دي متقسمة شرايح ، كل شريحه منهم ليها (رقم مميز/ رقم اصدار / تاريخ اصدار/ سوفتنج ..... ) ، ده اتعمل علشان لا نخل باي منها في اي سيارة في الاعطال الكبيرة زي احتراق الكنترول او الدفيرة ... عاوز الناس تركز هنا معلش مثال فقط : واحد عربيته توليدو 2005 فول اوبشن كامل بالاضافة EGR على المكنة 1.8، كود المكنة AGN .. هوب الكنترول اتحرق
هيعمل حاجه من اتنين مالهمش تلاته ( ** يا هيجيب نفس رقم الكنترول بالظبط / **يا هيجيب كنترول من عربية مثلا فولكس جولف 1.8 نفس سنونه الصنع علشان يبقا نفس الكنيكتور و اللي هيكون تقريبا متطابق في الرقم كله ما عادا اخر حرفين بشرط ان يكون نفس رقم الاصدار و رقم الاصدار ده بيكون مكتوب عليه)
*** انا ليه جبت سيرة EGR على وجه التحديد دونا عن اي موديول اخر ؟؟ لان في كنترول بيجي لنفس العربية ما عليهوش خانه في الريجستري تسمح باضافته و لذلك لما بيجي عربية تتصين و كنترولها محروق بيتبص ع المكنة كويس و بنشوف ايه الاضافات الزيادة علشان نبتدي نوفق لها كنترول لها يسمع باي اضافة غريبة . و ده لان الناس الخبيرة فاهمة ده فا بتبدتي تشتغل على اساس صحيح و باسرع وقت ممكن .
حد هيجي يقولي انا كنت بسقط ماكينة و كان معاها كنترولها يركب عندي على نفس الدفيرة بس بص بقا انا لقيت الرقم اللي عندي اخرة RE و الرقم اللي على الكنترول الجديد JD بس كل حاجه متطابقة ، طيب بيركب ع الدفيرة ياعم اهم حاجه و نفس رقم اصدار السوفت
لو الاجابة (آه) يبقا الشغل يمشي .. (لا) انتو عارفين الاجابة
[/justify]
في ناس كتيرة اوي بتعمل ايه .. و ده اللي بشوفه كتير او في المنتدى عندو مثلا ابيزا 2006 عليها ماكينتها سعتها 1.4 و عاوز يسقط مكنة جولف سعتها 2000 علشان يطلع يشد بيها على طريق اسكندرية
راح الراجل عند الميكانيكي بتاعه (عم بلبل الميكانيكي ملك الالماني) بص بقا ياعم الحج انا من الاخر عاوز اسقط مكنة جولف هنا في الحتة اللي معايا دي و بص بقا عاوز حاجة الاجة ... ماشي يا باشا بس هتكلف شوية .. كام ياعم بلبل ؟؟؟ هتكلفك 2500 و انا مصنعيتي 2000 ده علشان خاطرك وشغل توكيل يا باشا .. أه ...اسأل عني يا هندسة .
عمك بلبل الميكانيكي يشتغل .. انت بقا مش شايف شغله بحكم شغلك و سايبله عربيتك .. المفروض هيحصل كذا سيناريو .. تعالى نشوف
·سقطنا المكنة الحمد لله تعالى نوصل بقا ... كله تمام .. يالا هندور .. سد مناخيرك يا هندسة .... المكنة دارت (ثانيتين ) و راحت مبطلة .
عمك بليل لسه بيحاول .. مافيش فايدة ... ولا عمرها هتدور .. الموتور مش لاقي دماغة ، هو حاسس بيها بس في غيبوبة نروح احنا بقا نسأل عم بلبل ( انت برمجت يا عم الحاج) مش فيه مانع حركة ياعم بلبل ،
تصدق يا استاذ .. تصدق ... وانا عمال اقول في علامة كدا عاملة زي المفتاح منورة على طول مانيش عارف ايه ده .
كان ممكن لو انت مش فاهم او مش موجود معاه يروح جايبلك كهربائي و يقعد يلعبلك البخت في دفيرتك السليمة و بهدلة
·سقطنا ماكنة الحمد لله ووصلنا زي المره اللي فاتت .. يلا هندور بقا .. سد مناخيرك
عمك بلبل راجل فاهم ان فيه ايموبليز راح جايب جهاز كدا صيني و راح مدخلك كود جديد و مكودلك المفتاح بردوا كود جديد المكنة دايرة لكن مش صافية خالص
·هنكرر نفس السناريو بس المرادي المكنة صافية تيجي تمشي تنتش / تبطل على السلنسيه / البوابة ما بتقراش قيم مظبوطه / العربية بتبطل ع المطبات / كهربا مبرجلة / مثبت سرعة عطلان / الزاز كان بيفتح مع الريموت دلوقتي لا / فتحة السقف كانت شغالة مع الريموت وانا بقفل العربية دلوقتي لازم من جوة فقط ...... الخ من الاعطال
الصنايعي الفاهم في شغل الالماني عنده كل الادوات و العدد اللي تتناسب مع العربيات دي
اهم حاجه ادوات الفحص و التشخيص و معظمها بيبتدي باسم ( VAG – VAS ) و في ادوات تانية كتيرة و كلها موجوده في برنامج Elsawin المشهور للي عاوز يعرف ما هي الادوات .
فيه كمان البرنامج الشهير VCDS و له عديد من الاصدارات و كلها تعمل على (الكيبل الاصلي) فقط و بكفائة ، و انا عن نفسي جربت الكيبل الصيني اشتغل طبعا لكن للأسف لا يعتمد عليه اطلاقا في البرمجه التقيلة ، و بمعنى ادق مش هيديلك شغل البرنامج صح ، هيموتلك البرنامج و شغلة ، لان البرنامج جميل جدا و شغل نضيف اوي ، لكن في البرمجة الكاملة يفتقرها مش زي VAS
نرجع تاني لموضوعنا ...
احنا هناخد طبعا السيناريو الصح و هو ده مقصدنا ..
احنا هنطبق القواعد الصح في التسقيط و اللي تم ذكرها سابقا و هنفترض الشغل كله تمام و عاوزين نتممه على الوجه الاكمل علشان نسعد بسيارة سريعه قوية ليس بها اعطال فنية
هنسيبنا من عمنا الحج بلبل اللي عمال يفتي من الصبح ، زي ما بأكد كل مره ان موضوع البرمجه اهم من التسقيط بحد ذاته ، لان ما هي فائده التسقيط و التجديد لو مافيش برمجه صح ؟
بعد ما نخلص الشغل نوصل عربيتنا الطيفة بالبرنامج . و نبتدي نقول للبرنامج جوز العرسان ، عرفلي الكنترول ده على المكنة دي ، البرنامج بيروح فاتح الكنترول و في نفس الوقت بيقرا كل الموديولز اللي عندنا سواء اجهزة الرفاهية الداخلية او اجهزة التشخصيص الخارجية (للمكينة) و بعد كدا بيطابق الجزاء على بعض و لو فيه اي خطأ بيظهر هو بيكمل عادي جدا و بعد كدا بيبتدتي عرض الاخطأ و يقول هنقدر نصحح ايه بالظبط .
و البرمجه لازم تتم زي موضحت سلفا بعملاق البرمج VAS5045 و هو في منه حاليا 3 اصدارات
الاصدار الاول كان 5052a اما الاصدار الثاني فهو 5054a اما الاصدار الجديد فهو VAS ODIS 2.0.0
هنتعرف كدا سريعا الفرق بين هذه الاصدارات
ال VAS 5052a بيشتغل ع السيارات بكنترول موديلات الى 2005 لكن مافيهوش ايبروم ( مسح كامل و اعادة برمجه )
ال VAS 5054a بيشتغل على جميع السيارت لغاية موديلات 2006 لكن فيه ايبروم .
ال VAS ODIS بيشتغل على جميع السيارات لغاية 2014 و ده بروفيشنال ، و بقول انه بروفيشنال لانه بيحل التايهة
لكن الاخير له كارت انترفيس مختلف شوية عن السابقين ، اي نعم نفس الشكل لكن الدوائر تم تغيرها مع التشيب الخاص بالفحص ( والموضوع يطول شرحة في الجزئية دي )
هما عملوا التعديل ده على اخر اصدار لانه ماكنش بيقرا modules زي مثلا ( airbags – Comfort and convenience control ) في الموديلات على وجه الخصوص بعد 2006 و مكانش بيقدر يقراهم او يقوم بعملية ضبطهم .
و الكلام في الموضوع البرمجه كتير جدا عاوز استرسال و تفصيل
لحد هنا كدا اكون تممت موضوع التسقيط
لكن انا ارجو من السادة المنسقين اذا كان عندهم متسع من الوقت انهم يضموا الموضوعين في موضوع واحد فقط ، و لكم مني خالص الشكر و الاحترام .
اشكركم و الى موضوع اخر ان شاء الله