المشاركة الأصلية كتبت بواسطة mody112
يعنى هى المشكلة دلوقتى ان الجار هو اللى مش عاوز يتصالح يعنى لو اتصالح كل حاجة هتنتهى .
وبعدين المخالفات دلوقتى شىء عادى جدا فى اى منطقة والمالك بيدفع المصالحات والعمارة بيدخلها كل المرافق الحكومية .وفى قانون هيقر قريب جدا ان شاء الله عشان التصالح وتقنين اوضاع المبانى المخالفة وهو دلوقتى بيتصاغ .يعنى انت متنصبشى عليك ولا حاجة والحمد لله وبالنسبة لموضوع الكهرباء انت ممكن تمشى نفسك بالممارسة وهى عبارة عن مبلغ بيتدفع كل 3 شهور فى الحى تقريبا وبتاخد من كهربة العمارة نفسها وبدون عداد وبتدفع حوالى 200 ج فى الشهر ولغاية ما تلاقو حل مع الجار المتعنت ده لكن هو كده صاحب العمارة طالما عنده استعداد يدفع المخالفات يبقى خلاص بس لازم تلحقوه بدل ما يماطل هو كمان وانت بتقول ان جيرانك شرطة وجيش فحاولوا تقعدوا مع الجيران وتوجدوا حل من غير دفع فلوس يعنى تشجروا مثلا حوالين العمارتين بتوعكو او تسقلتوا حواليهم او دهان او كده وكل حاجة تتحل يا اما يوروهم العين الحمرا والجيش والشرطة دلوقتى هما كل حاجة فى البلد وتخلص عافية لكن لا تنكد على نفسك ولا تهد البلكونة ولا الكلام ده خالص وبكرر اهم حاجة ال 400 الف بتوع صاحب العمارة قل ما يملص منكو وهو باع العمارة كلها وتلبسوها انتو .