انا جربت الايزى ترونيك

**KHALED AYMAN** · 25-10-2008 08:03 PM

انا كنت فى منصور فرع العامريه و كنت بسأل على الاستر السيدان والهاتش باك و طلبت من مندوب المبيعات انى اجرب الفتيس الايزى ترونيك و اتفق معايا على تانى يوم المهم انا ركبت العربيه و كانت استرا هاتشباك انجوى اولا عشان العربيه تدور لازم تدوس فرامل طلعت بالعربيه وهى اوتوماتيك مش منيوال العربيه كانت على الغيار ال 1 زى الفل و بتجرى على فكره مش مكتومه ولا حاجه لما العربيه جت تنقل على التانى حسيت اكنى راكب عربيه عاده و نقلت من غير مرفع رجلى من على البنزين هو دى يا جماعه النتشه الى عامله قلق فى دماغ الناس سألت المندوب ملهاش حل مع انى مش شايفها وحشه او حاجه تعيب العربيه بس اهو قالى وهى بتنقل ارفع رجلى شويه من على البنزين يعنى مش اشيلها خالص لأ اخف رجلى من على الدواسه و فعلا جربت حسيت انى راكب عربيه عاده و نقلت عادى جدا دوست دبرياج ورفعت البنزين و بعدين نقلت و شلت الدبرياج و دوست بنزين و كمان المهندس بتاع الصيانه قالى ان العربيه من جوا فيها ديسك واسطوانه زى اى عربيه مانيوال . هو ده يا جماعه الفتيس الايزى ترونيك حسب تجربتى و الله فتيس حلو و بيحسسك بالاداء الرياضى .