السلام عليكم ...
من فترة كدة ييجى 4 شهور عليت عربيتى الماتريكس
من قدام بكاوتشات 4 سم ... ياترى لو عليت من الخلف
كمان يحصل مشكلة فى الثبات والإتزان ؟؟؟
وياترى ده ممكن يأثر على المساعدين ويخليهم يضربوا
والا مالهوش دعوة ؟؟؟؟؟؟؟
منكم نستفيد
عرض للطباعة
السلام عليكم ...
من فترة كدة ييجى 4 شهور عليت عربيتى الماتريكس
من قدام بكاوتشات 4 سم ... ياترى لو عليت من الخلف
كمان يحصل مشكلة فى الثبات والإتزان ؟؟؟
وياترى ده ممكن يأثر على المساعدين ويخليهم يضربوا
والا مالهوش دعوة ؟؟؟؟؟؟؟
منكم نستفيد
وعليكم السلام ورحمة الله وبركاته
يعنى حضرتك غيرت مقاس الكاوتش الاصلى و ركبت مقاس اكبر بفرق قطر كلى 4 سم ؟! ولا ركبت عليات 4 سم ؟!
فالحالتين، حضرتك عارف خطوره ده ايه ؟ و تأثيره على الثبات و العفشه و على سلامه حضرتك ؟!
انا معايا النترا ومركب صددادات كاوتش فى السوست الخلفيه وماشيه معايا تمام اوى مفهاش اى مشكله
ودى تجربتى وضحتها قبل كده فى موضوع مختلف .....
رحت امبارح لعفشجى معرفه وعرفته اللى هيتم وجبت 2 صداده كاوتش ودى اتركبت جوه السوسته من تحت بحيث تقلل مشوار السوسته من الأنضغاط لاخر يعنى العربيه ارتفاعها زى ما هو بدون اى تغيير فيه كل الحكايه انى خليت العربيه تبقى بنفس الأرتفاع مع التحميل
وتم التركيب بس قعدت فتره لغاية اما اتظبطت لأن كان فى صوت رزع جامد اوى مع اى حفره او مطب وانت نازل منه
كذا مره اطلع اجرب العربيه انا وهو لغاية اما ظبطها خالص والرزع اختفى بشكل شبه كامل
احيانا بسمع تزييقه خفيفه اوى دلوقتى
وتمت التجربه النهارده من السفر من الأسماعيليه الى القاهره ولسه واصل من شويه والعربيه فيها 5 اشخاص بالغين وطفل صغير والشنطه كمان محمله والصراحه كنت مقلق جامد وخايف يحصل حاجه والحمدلله العربيه تمام والحك اختفى تمااااماااااا مع التحميل الجامد ده مع مطبات كنت متعود منها دايما تحك مع التحميل فردين بس كمان
وكنت طول الطريق ماشى على سرعه 120 تقريبا وعملتلى بتاع 6 غرز كده اجرب العربيه وزى الفل ولا تعويم او اى حاجه مختلفه عن العادى قبل ما اركب الصدادات
العربيه على فكره النعومه بتاعتها زى ما هى مش حاسس بأختلاف كبير اوى يعنى
التكلفه دخلت معايا فى 120 جنيه شامله المصنعيه وتمن الصددات
تحياتى ليك
لا يا أ/ شيكو أنا ركبت علايات 4 سم وبس
والحقيقة ماحسيتش بأى فرق غير انى اترحمت
من شوية مطبات تخنق ...
بس ياريت تقوللى مدى الخطورة ربنا يكرمك
شكرا جزيلاا على ردك أ/ أحمد
اى اختلاف فأرتفاع العربيه بيأثر على الثبات و الديناميكا الهوائيه و كفاءه الفرامل بشكل ملحوظ خصوصا ان حضرتك عامل كده فالجزء الأمامى و اللى بيتأثر بوزن الموتور و توجيه العربيه و بيغير فالـ aerodynamic shape
هو المعروف او المنتشر ( بس مش صح ) هو التعليه الخلفيه زى ما MR A7MED عمل بس هو تأثيره اقل خطوره من اللى حضرتك عملته و اللى كان له بديل تانى و هو تغيير السوست بسوست نفس الطول بس نسبه انضغاطهم اقل
والله دى فكرة برضه ...
وأعتقد ممكن أعملها دلوقتى
خلى الاربع عجلات زى بعض بقي ..
مفيش اى مشكله حتى لو لواحدك وفعلا جربتها فى طريق اطول وكنت انا ووالدى اللى فى العربيه بس
وكان الطريق طويل من الأسماعيليه الى جنوب سيناء فى مدينه طور سيناء ومتوسط السرعه كان 140 كيلو والحمدلله مفيش اى مشاكل او اختلاف قبل او بعد وضع الصدادات
اللى عاوز اوضحه انا ما علتش العربيه نهااائى
ارتفاعها عن الأرض زى ما هو مفهوش اى تغيير يذكر
كل اللى عملته انى قصرت مشوار السوسته من الأنضفاط عند التحميل فى الكنبه الخلفيه
تحياتى ليك
والله ياجماعة أنا متشكر ليكم جدا
ومنكم نستفيد .. وبرضه اللى عنده تجارب تانية ياريت يقولهالنا برضه
أنا عن نفسى هحاول أعللى ورى كمان علشان يبقى الإرتفاع واحد وهجرب ولو حصلت مشكلة هشيل الإرتفاعات كلها
ماحدش جرب ؟؟
بدل التعب دا
ركب قرب هوا
طيب ازاى يافندم ؟؟؟كود:بدل التعب دا
ركب قرب هوا
وبتركب فين دى ؟؟
ايه هى قرب الهوا دى ؟
يرجى التوضيح
مازلنا فى انتظار التوضيح :Copy of rfds: