الموضوع: متعة السواقة فى المانيوال ولا الاوتوماتيك

لولا اختلاف الاذواق لبارت السلع
انا عن نفسى بشوف الاتوماتيك امتع فى السواقه وخصوصا لما تكون المسافات طويله ضيف متعه اكتر لو فيه مثبت سرعه

متعه القياده من اهم مكوناتها التزام جميع من يستخدم الطريق بقوانين المرور او علي الاقل باستخدام المنطق و الذوق عند التصرف و تاني حاجه الطريق نفسه يبقي متسفلت كويس و متقسم لحارات واضحه و فيه أضاءه و لوحات ارشاديه و إشارات شغاله و رجال مرور ونجده علي الطريق. الحاجات دي لو متوافره هتلاقي حتي قياده دراجه هوائيه او حتي ناريه حاجه ممتعه بالاضافه للسياره طبعا و مش هيفرق قوي مانيوال من اتوماتيك لكن في الحاله اللي احنا فيها دي صعب قوي تستمتع بالقياده و الشعور الغالب بيبقي التوتر و حرقه الدم من السيرك اللي بيحصل في الشارع و علشان الزحمه هتلاقي الناس بتفضل الاتوماتيك علشان ما تقعدش تعمل مجهود في النقل كل شويه يعني علشان تخفف علي نفسها لكن مفيش استمتاع و كله وجع قلب . لو الطرق فاضيه و الناس بتلتزم بآداب و قوانين المرور اعتقد ان المانيوال هيبقي احسن و لذلك بالمناسبه هو منتشر اكثر في الخارج في اوروبا مثلا في انجلترا علشان ممتع اكتر و كمان اقتصادي و حاجه تانيه توكد الكلام ده ان المانيوال ممتع اكتر ان هتلاقي كتير من الاتوماتيك الماركات العاليه فيها وضع مانيوال استيبترونيك اختياري بجانب الاتوماتيك لانه بيظهر قدرات العربيه كلها لو السائق عنده المهاره و ظروف الطريق تسمح و اعتقد ان ده اللي ممكن يبقي التطور الحقيقي بحيث ان الاتنين يبقوا موجودين كاختيارات و السائق يختار اللي يناسبه انما واحده فيهم طوال الوقت يا اما هتخليك تحس بالملل و الخنقه او بالتعب في رجلك

المشاركة الأصلية كتبت بواسطة ahmedelrayan

وهى مصر بقى فيها طرق مفتوحة

بصراحة في دي عندك حق