متعة السواقة فى المانيوال ولا الاوتوماتيك

**Mohab.Nabil** · 29-09-2014 03:23 AM

المشاركة الأصلية كتبت بواسطة anaslbda

اللي بيقول المانيوال متعة ده بيضحك على نفسه.
سواء في البلد دي أو برّه, المانيوال خلاص عفى عليه الزمن.

المانيوال عفى عليه الزمن برة؟ حضرتك معظم العربيات فى اوروبا مانيوال و برضه لسه بينزلوا مانيوال من كل الفئات تقريبا ..

هو المانيوال مش مناسب لمصر عشان الزحمة اللى فى كل حتة بس انما غير كده المانيوال هو اصل السواقة و هيفضل هو اصل السواقة فى كل العالم

فى مصر الاوتوماتيك اريح كتير اوى و شارى دماغك و مريح رجلك

**ashouhdy** · 29-09-2014 03:23 AM

طب ما تقلبها ستيب ترونيك وبتاع الكروز حلو مش بينقل لوحدة

**sakr_skoda** · 29-09-2014 09:13 PM

متعة السواقة كلمة لها مدلول عظيم مش شرط انت تسوق عربية مانيول او اوتومواتيك المهم انك تستمع وانتا ماشى على الطريق الواحد بيشوف ناس اعوذ بالله كانها داخلة معركة بيتعاملو مع الموضوع سواقة ووصول مشوار فقط لاكن لو فكرت ازاى تستمع بالسواقة اكيد نسبة الحوادث حتقل فى بلدنا انا شخصيا باحب اسوق واستمتع بالسواقة وبالطريق ***

**Fo1Fo** · 04-10-2014 11:49 AM

فى مثل بيقول ( كل اللى يعجبك والبس اللى يعجب الناس ) متهيالى السواقه انت اللى ها تحس بطعمها وانت اللى رجلك الشمال ها تقف من الدوس على الدبرياج . انت اللى هاتقرر . بالأضافه الى الأتى لوانت بتعمل كل يوم 10 -15كم فى ساعتين زمن داخل المدينه .لو انت مانفرقش معاك فرق سعر الرفاهيه وصيانتها يبقى انت بتعزب نفسك مع المانوال . لو ساكن فى مدينه جديده ويوم ماتخرج منها بتسافر فى طريق سريع ومافيش مشاكل مع الزحمه ولا مشاكل كبار السن (خشونه المفاصل ) او خوف ولبخه السيدات أثناء القياده يبقى الحاله دى المانوال أفضل وأبعد عن مشاكل الأوتو (اللى بينتش واللى بيهبد واللى بيتأثر بالتكييف واللى عاوز تغيير زيت وسلونيد كل 60 الف ................)

**mr.moustafa** · 04-10-2014 02:51 PM

السواقة = عربية مانيوال
الأوتوماتيك ديه عربية ملاهي

**S O P H O S** · 04-10-2014 07:30 PM

المشاركة الأصلية كتبت بواسطة mohab.nabil

المانيوال عفى عليه الزمن برة؟ حضرتك معظم العربيات فى اوروبا مانيوال و برضه لسه بينزلوا مانيوال من كل الفئات تقريبا ..

هو المانيوال مش مناسب لمصر عشان الزحمة اللى فى كل حتة بس انما غير كده المانيوال هو اصل السواقة و هيفضل هو اصل السواقة فى كل العالم

فى مصر الاوتوماتيك اريح كتير اوى و شارى دماغك و مريح رجلك

هو ده الي قولته
المانيوال برا هو الاساس انما احنا لينا وضع خاص

**JapRuleZ** · 06-10-2014 10:28 AM

بصراحة .. بعد 12 سنه سواقه بين الاتوماتيك و المانيوال .... احب اقول ان قمه المتعه فى المانيوال و لكن الواحد بيستخسر يحط فلوسه فى عربيه مانيوال بذات لو غاليه لأن القياده الممتعه فى الاجازات بس و فى الفضا بعيد عن الشغل - الدراسه -المشاوير ف وسط البلد عشان كده مش بيحصل كتير .