محتار جدا بين العربيات ديه
ونفسي حد يعمل مقارنة واضحة لان الشريحة دي في ناس كتير بتطلبها
بالنسبة لي هي العربية الخاصة بالبيت ( المدام)
الماروتي اختيار عمال يلح علية لاني هوفر حوالي على الاقل 14 الف
54-(ماروتي38+3 تكييف)=14
بس اكيد الفرق في الفلوس ده بيقبله فرق في الامكانيات والكماليات والامان
ياريت يا ستاذ سبعاوي تكون كن الناس اللي هتيدينا رايها
المستعمل بالنسبة لي مستبعد شوية
وا خيرا جزاكم الله خيرا
يايت ياجماعة حد يبلغ الادارة انها تشيل الموضوع باين عليه بايخ اصل محدش رد
شوف حضرتك إحنا نعتبر السبيرانزا فئة لوحدها لأنها فيها إمكانيات كتير في مقابل إنها صيني .. و لو عايز رأيي هي مع واحد صاحبي و بيروح بيها من 6 أكتوبر للهرم بقاله سنة (كان واخد عربية من أول دفعة تجميع الصين) .. و العربية معاه ممتازة و جاب بيها سرعة لحد 190 و ثابتة و بيخمس بيها و مطلع عينها يعني .. مش عارف بعد ما بقت تتجمع في مصر إيه أخبارها .. ناس كتير لها تجارب سيئة معاها بس انا صاحبي عربيته مريحاه أوي و الله أعلم .
بعد كدة رأيي في الترتيب
سبارك
ألتو
ماروتي
شكرا لزوق حضرتك
بس اقرب فرق حوالي 15 الف
هل الفروقات بين اعلى عربية والماروتي يستاهل
المسألة هي إختيار حسب المتاح مادياً
لو العملية ديقة يبقى هات الماروتي
لكن لو فيه متسع أنا رأيي تشتري الإسبرانزا وأنا شايف إنها أفضل من السبارك
والله أعلم
ولو في حد عنده العربية يفيدك أكثر مني
أكيد فيه فرق طبعا ..
أول حاجة عندك باقي العربيات إنجكشن الماروتي كاربيراتير
المواتير التانية تستحمل التكييف أكتر ( السبارك 1000 سي سي - الألتو 1100 سي سي - السبيرانزا 1300 سي سي )
فرق في الوسع .. باقي العربيات أوسع من الماروتي
فتيس الماروتي أربع نقلات باقي العربيات خمسة
باقي العربيات من جوة فيها سنة فخامة عن الماروتي
السبارك و الألتو فيهم التكييف مش هتحتاج تركبه غير كدة تكييف فابريكة فا هيبقي مزبوط عالعربية تمام من ناحية الموتور و الكهربا و ضمانه من ضمان العربية
زجاج كهربائي أمامي و أعتقد فيهم سنتر لوك و أشكالهم جديدة
اما عن السبيرانزا .. فا طبعا فيها "لوكشة" كبيرة و ده يرجع لمنشأها الصيني طبعا
موتور 1300 سي سي مناسب جداَ للتكييف اللي أداؤه حلو جداَ - تكييف - سنتر لوك - أربع زجاج كهربائي - وحدات رفع - إنذار - جنوط .. يعني عالركوب علي طول .. اللي يخوف بس إن معرفش أخبارها بعد ما بقت تتجمع في مصر فا يا ريت تسأل حد عنده العربية إنما انا لي صديق عنده واحدة من دفعة الصين ممتازة لحد دلوقت .
فا أكيد طبعا فيه فرق كبير بينهم و بين الماروتي فا شوف إحتياجاتك و أولوياتك
الماروتي فقط تتفوق في توافر قطع الغيار و أسعارها
اعتقد الاسبيرانز اشيكهم و اكثرهم كماليات
بس لو عاملتها كويس
اعتقد هتبقي حلوه
شكرا ياجماعة على اهتمامكم
انا حاسس ان الترتيب كده يبقى اصلح
سبارك
113
التو
ماروتي
انا رأي أسبرنزا A113 ، كامله و مش محتاجه اي حاجة ، و أثبتت وجدها المده اللي فاتت ...
سيبك من كل دا وهات كيا بيكانتو
مش هاتندم إن شاء الله
لو تقدر على سعر البيكانتو هاتها بلا تردد
لو الميزانية اقل هات الألتو المكيفة
لو هتشرى عربية فاضية يبقى الماروتى