الموضوع: iphone 6 plus or samsung note 4

المشاركة الأصلية كتبت بواسطة M7amD_7amDy

هو بغض النظر عن ان النوت 4 أعلى كمواصفات والأندرويد أشمل ومحشى أوبشنز كتيرة عن الـ ios
بس الأيفون ليه محبينه برده حتى لو كان نزل بنفس الشاشة العقيمة الـ 3.5 انش ورامات 512 حتى
هيشتروه برده :)

هو الفكرة مش ان الايفون 6 مواصفاته ضعيفة لآ الزتونة هنا هو السوفت وير
و طبعا مننكرش ان أبل بخيلة جداا على أجهزتها وبتحط المواصفات بالقطارة

أبل بتلعب على حتة ان الـ ios خفيف جداا وسريع ومش محتاج مواصفات عالية زى أجهزة الأندرويد عموما
وهى بتعتبر ان السوفت مش محتاج أكتر من كده وأكتر من كده فى المواصفات تعتبر حشو على الفاضى
هى سياستهم كده وهتفضل كده ومش هيتغيروا وعشان يوصلوا لمواصفات النوت 4 ممكن على أيفون 9 ولا حاجة :)
وطبعا يظل لكل جهاز معجبينه ومحبينه ومننكرش برده ان الأندرويد أتطور جداا وبقه منافس شرس وقوى
وكمان لسه أما نسخة أندرويد L تنزل هتلاقى فرق كبير لصالحه

ولكن فئة النوت دى حالة خاصة ومش هيفهم كده الا اللى اتعامل مع الجهاز ده بجميع اصدراته
وفى رأيى هو ده اللى يتقال عليه سمارت فون حقيقى والايفون مش هيعمل نص اللى بيعمله النوت أو الأندرويد عموما

فى الاخر انا بعت النوت 2 بتاعى خلاص بعد سنتين بالتمام والكمال :)
وفى انتظار النوت 4 ان شاء الله :)

بجد حضرتك جبت المفيد و بصراحة انا زهقت من الأنرويد و عندى أجهزة كتير أندرويد مع اختلاف امكانيتها أعلاهم جهاز نوت 10.1 و ليا تجربة واحدة مع الأيفون زمان و بصراحة أعترف أن الأيفون أكثر ثباتا و عمرى ما شفته بيهنج مع ان جهازى كان برامات 256 جيجا بس !!! جهازى كان iphone 3GS
و مبروك عليك مقدما النوت 4

المشاركة الأصلية كتبت بواسطة J A G U A R

انا سمعت ان ايفون 6 وصل 11 الف
وبجد كتير عليه

انا لو معايا مبلغ محترم هاجيب ايفون 5s وابيع ال4s مع ان تقريبا مفيش فرق بينهم
ومينفعش طبعا اجيب موبايل اندرويد بالشىء الفلانى والاقيه بيهنج هاقوم مكسره على طول


مفيش مقارنه بين ابل وبين اى موبايل تانى لصالح ابل طبعا :)

هو طبعا السعر اللى حضرتك كاتبه دة فلكى جدااااااااااا .. يعنى أنا عرفت ان سعر الأيفون 6 بلس 16 جبجا ب 3300 ريال يعنى أقصى حاجة 6600 جنيه مصرى !! دة كدة يبقوا عندنا حرامية رسمى !!!
و أتفق معاك طبعا أن الأيفون أخف كتير حتى من اجهزة النوت اللى هى افضل سلسلة من السامسونج

المشاركة الأصلية كتبت بواسطة abdulkhaleq

بصراحه اسعار ابل هتخليني مافكرش فيه
الا لو هيجيبلي عروسه مثلا !
بغض النظر اني فعلا بعتبر منتجاتهم سوفتوير فقط (للي محتاج برامج معينه في الكمبيوتر مثلا)

انما تليفوناتهم, مش عارفلها لازمه بصراحه

طبعا الأسعار دى مش طبيعية و مستحيلة على الأقل لى شخصيا حتى لو معايا المبلغ دة !!
بس حضرتك تقصد أى سوفت وير؟؟؟؟

المشاركة الأصلية كتبت بواسطة hesham fawzy h

الفرق الوحيد بين الاتنين

ان ابل اهتمت بالحماية على سهولة الاستخدام

و سامسونج اهتمت بسهولة الاستخدام على الحماية


.

كلام صحيح بس فيه فروق تانية كتيرة كمان
زى الايفون لا يدعم البلوتوث .. لا يشغل كل صيغ الأفلام .. لا يدع كارت ميمورى .. لا يدعم OTG و دى مشاكل بالنسبة لى كبييييييرة
السامسونج نظامه خنيق و مهما بقيت مواصفاته عالية برضه لو تقلت عليه أوووى لازم يهنج

المشاركة الأصلية كتبت بواسطة aly_hosny

موضوع التهنيج ده مبقاش موجود في موبايلات سامسونج من اول النوت 3
و لو حد استخدم النوت برو هيعرف ان سامسونج عدت ابل خلاص و بفرق حلو كمان




حماية من انهي اتجاه ؟؟؟

هو حضرتك مسمعتش عن موضوع ال icloud ولا ايه ؟
الحماية بتاعت ابل دي كل لازمتها انك تستخدم منتاجتهم بس و يلمو من ورا العملا فلوس

أنا والدى معاه نوت 3 و بصراحة هو فعلا مختلف جذريا عن الموبايلات اللى قبله بس برضه و الله بيهنج لما بتقل اوى عليه !! مع ان راماته 3 جيجا .. ايفونى القديم عمره ما هنج بالرغم ان راماته كانت 256 ميحا بس !!!!

المشاركة الأصلية كتبت بواسطة Land_Cruiser

ال iphone اعتماديته اعلي من السامسونج و مشاكله اقل انما السعر اللي نازل به ال iphone 6 اللي هو ١١ الف جنيه يخللي الواحد يستبعده بصراحه بدون تفكير و علي الفكره بعيد عن كلام الدعايه ال ios8 مش فارق كتير عن ال ios7 بل بالعكس هما عاملين فيه شويه مشاكل زي علي سبيل المثال لا الحصر انهم شالوها منه ال edge و بقي يا اما 3G فقط و اللي بتفحت البطاريه و استهلاك الانترنت علي الموبايل او الجيل الرابع اللي هي مش موجوده في شبكات المحمول ده غير انه بياخد مساحه كبيره عند التنزيل و شويه ال bugs اللي بتطلع منه و اعتقد ان بالحركة بتاعه السعر دي Apple هتخسر كتير من زبائنها و انصح حضرتك لو عايز ال iphone عندك ال 4s و ال 5 و ال 5s اما لو سامسونج يبقي ال note4

الفكرة انى نفسى اجيب حاجة iOS
زهقت من الاندرووووووووويد .. حتى التطبيقات تلاقوا دايما النسخة ال ios احسن كتييير من النسخة اللى نازلة لأجهزة الأندرويد

المشاركة الأصلية كتبت بواسطة hesham fawzy h

لما حضرتك تنزل اى حاجة من اى تون بتكون محمية من الفيروسات و التهكير بنسبة 100%
و لكن الاندرويد ممكن تنزل من اى حتة .. يعنى ممكن تنزل اغانى متفيرسة ... الخ
و هو دة نظام الحماية .

__________________

ممكن بقى حضرتك تقولى ال icloud بيعمل اية لنظام الاندرويد ؟؟؟

كلاممممممممممم سليم 100% .. جوجل ستورز نفسه مش آمن خاااااااااااااااااااالص و مليان كمان spam

المشاركة الأصلية كتبت بواسطة abdulkhaleq

مافيش حاجه الكترونيه (في العالم) محميه من الفيروسات والتهكير
ولو في
ده مايستاهلش فرق الاسعار المهول بصراحه

يبقوا أغبياء جداااااااااااااا لو الأيفون نزل بالأسعار دى !!!! بس انا مش منخيلة ان جهاز تمنه فى أمريكا 750 دولار يبقى فى مصر ب 11 ألف جنيه !!! حرااااااااااااااااااااااا اااااااااااااااام

المشاركة الأصلية كتبت بواسطة hesham fawzy h

طبعا مفيش حاجة محمية من الفيروسات بنسبة 100% الان اى برنامج متامن 100% ممكن ناس تهكرو

بس قصدى انة متامن بنسبة كبيرة جدا على عكس الندوريد الى مش متامن اصلا

فرق السعر الى حضرتك بتتكلم عليييية دة علشان ماركة معروفة ولها سمعة ممتازة

" الماركات العالمية فكرة اخترعها الازكياء ليضحكو على الاغنياء ، فصدقها الفقراء "

هههههه .. يا فندم احنا بنتكلم على الايفون !! فقراء ايه بس