حجزت صيانة ال5000 ومحتاج نصايحكم

**elpilot** · 24-09-2014 02:19 PM

السلام عليكم
الحمد لله معايا سوزوكي ماروتي2014 ووصلت لل5000 وان شاء الله ناوي اعمل الصيانة وحجزت بالفعل يوم الاحد
كنت عايز اعرف هم هيعملوا ايه في الصيانة دي
هيغيروا زيت وفلتر ويشيكوا علي السوائل والسيور وينضفوا فلتر الهواء ويغسلوا العربية كيماوي وبس علي كده
ولا هيلعبوا في حاجه تانية الكهرباء مثلا ويبوظولي حاجات سليمة؟؟
عندي الفانوس اللي قدام شمال فيه فانوسين واحد كبير والتاني صغير علي الجنب كده اللي علي الجنب ده مكسور وانا ملزقة بلزق كنت عايزهم يغيروة بواحد جديد هيتكلف كام تقريبا؟؟
وكمان لمبة الاشارة الصغيرة اللي قدام باب السواق علي الجنب الشمال من يوم ما جبت العربية وهي مبتشتغلش هتتكلف كام تقريبا ويشغلوها؟؟؟
بخصوص البوهية عندي عيل عملي خربوش بمسمار وشكله غايظني هل اخليهم يعملولي 1/8 بوهية من بتاعة العربية وابقي ادهنه بقطنة مثلا ولا اخليهم هم يعملوة ولا انتوا ايه نصايحكم للموضوع ده خصوصا اني خايف لحسن الصدأ يدخلها من الخربوش ده وهتتكلف كام؟
بالنسبة لتكلفة صيانة ال5000 في التوكيل بتكون كام تقريبا؟؟؟
وشكرا جزيلا لكل من سيساعدني ولو رد في هذا الموضوع

**elpilot** · 25-09-2014 02:30 PM

شكرا جزيلا لكل من ساعدني ورد علي الموضوع كتر الف خيركم

**J A G U A R** · 27-09-2014 05:16 AM

فى صيانه ال 5000 بيتغير زيوت وفلاتر وسوائل وتربيط عفشه وتنظيف الفلاتر لو عاوزه تتنظف
تغيير السيور مش دلوقتى

سعر الفانوس لو الاصلى رخيص غيره لو غالى فكك ولمبه الاشاره سهله مفيهاش حاجه
والخربوش لو صغير سيبه مش مشكله