كيفيه تغيير عامود الميزان في الفيكترا بي بالصور...
بسم الله الرحمن الرحيم ..
عامود الميزان من الاجزاء المهمه جدا في العفشه الاماميه للسياره . بيحافظ علي اتزان السياره في الملفات .
عامود الميزان ماسك الميزان العرضي من طرفيه في المساعدين عن طريق بيضه في كل طرف
لما بيبوظ بتحس ان العربيه مش ماسكه نفسها وتسمع صوت خربطه في الطرق الغير ممهده..
-انا استخدمت عامود ميزان كوري اسمه ctp وده بيستخدم في السيراتو والالنترا الشكل القديم والكرولا الجمل . بصراحه النوع ده ممتاز واحسن من الالماني وارخص لاني جربت كتير .. روفيل - بلاشتاين - كافيللي ..
كله بيبوظ بسرعه . هو نفس الطول والمقاس , الفرق بس ان سن الصاموله فرنساوي (ناعم) اما الالماني فخشن . وكده كده هو بييجي بصامولته فمش هيفرق في شيء , ندخل ع الشغل بقي..
الادوات المطلوبه ..
-مفتاح بلدي مقاس 17
-مفتاح مشنشر او بلدي اخر مقاس 17 و 19( صاموله الالماني لو انت مركب الماني 19 والكوري 17)
-قفاز سيفتي وده مهم علشان سلامتك لو المفتاح فلت اثناء العزم ماتتعورش
الخطوات...
هنرفع العربيه من الجنب اللي هنبدا منه الشغل ونامن كويس جداا ان الكوريك اخد راحته والارض مرصوفه مش رمليه وبعد ماتطلع الاعجله حطها كامان زياده تحت العربيه.
دي صوره لعماويد الميزان اللي اشتريتهم الجوز ب140ج
http://nileup.com/up/uploads/nilemotors_14115650521.jpg
في نقطه مهمه لازم نعرفها علشان نعرف نفك او نربط العامود ..المشنشر بتاع العامود فيه من جوه مكان للمفتاح البلدي مقاس 17 وده علشان نثبت بيه المسمار واحنا بنربط او نفك الصاموله مايلفش كله معانا ويضايقنا . لو النقطه دي ماوصلتش اكيد هتوصل من الصور :0002014A: تابع .
دي اول صوره باين فيها امفتاح ال17 البلدي لتثبيت المسمار والمفتاح التاني ال19 للفك
http://nileup.com/up/uploads/nilemotors_14115649011.jpg
نبدا نفك بقي مع اتجاه عقارب الساعه
http://nileup.com/up/uploads/nilemotors_14115649012.jpg
خلي بالك لازم تسند المفتاح ال17 علي اي حاجه ثابته علشان تعرف تعزم علي الصاموله اثناء الفك , انا هنا سندت المقتاح علي تيش الاسكاترا وبفك بال19 زي ماهو واضح في الصوره
المسمار العلوي , السفلي سندت فيه علي اكس الكوبلن
http://nileup.com/up/uploads/nilemotors_14115649023.jpg
وده منظر من الجنب للتوضيح
http://nileup.com/up/uploads/nilemotors_14115649024.jpg
لو لقينا الصاموله معصلجه شويه اديها رشه wd-40 ,وسيبها دقيقتين وارجع لها هتفك معاك ان شاء الله . كده المسمار القديم طلع معانا زي كده.
http://nileup.com/up/uploads/nilemotors_14115650522.jpg
اهم خطوه هي الاخيره دي .
هنثبت العامود الجديد في الميزان من تحت الاول ونتاكد ان المشنشر راكب كله والصاموله نربطها كويس ع الاخر وماتحرقش دلوقتي..
لما تيجي تبص للمشنشر اللي فوق هتلاقيه فارق عن قاعدته في المساعد ب1 سم !!! هتضايق
وتقول ياريتني ما عملت ..لا ماتقلقش . محتاجين بس نزق الميزان لتحت علشان نعرف نركب العامود من فوق . هنستخدم اي عتله حديد ونعملها رافعه نقرص بيها ع الميزان لتحت ونسند علي تيش الاسكاترا من تحت . انا استخدمت الصليبه بتاعه العجل , عادي والسهمين دول مكان محوري الارتكاز .( الاحمر الميزان والاخضر تيش الاسكاترا )اضغط لفوق علشان تنزل الميزان لتحت وبايدك التانيه تدخل المشنشر في مكانه . كده
http://nileup.com/up/uploads/nilemotors_14115650523.jpg
كده ركبنا العامود , حرق بقي بالعقل تحت وفوق ومبروك . عملت حاجتك بايدك وفهمت الدنيا ماشيه ازاي.
http://nileup.com/up/uploads/nilemotors_14115671841.jpg
.تحياتي واي سؤال ان شاء الله مستعد للاجابه
