الموضوع: شدايه ثلاثيه مع بي ام 118i و لانسر بومه و نتيجه غير متوقعه

مساء الخير
مش عارف ليه كل ما اجي اعدي عربيه مثلا كل واحد ياخدها على كرامته و يفتكر ان قصدي اعلم عليه و اول ما الطريق يقف و اكون وقفت بعشر ثواني مثلا القاه جاي طاير و قرب يلبس في العالم اللي واقفه على شوية شقلبظات و كلكسات و انوار قال يعني علم عليا و انا اصلا هديت و وقفت من تلات ايام
النهارده ماشي في الاوتوستراد في امان الله و متجه ناحية مساكن شيراتون ماشي بسرعتي و عديت بي ام ١١٨ و المسافه بيننا مش كبيره لحد كده عادي اول ما وصلت للتقاطع اللي فيه العربيات اللي جايه من طريق السويس من ناحية اليمين خدت طبعا الناحيه الشمال و هديت عشان الكعبله اللي هتحصل من تلاقي العربيات و ده الطبيعي اللي اي حد بيعمله لما يلقي عربيات طالعه عليه من ناحية اليمين
لقيت الاخ بتاع البي ام زي ما يكون ركبه تلاتين عفريت و عداني من ناحية اليمين و داخل في سرب العربيات اللي خارجه زي الصاروخ على كام غرزه لدرجة ان اكصطدامه الخلفي كان هيحك مرتين تلاته من الجنب
قلت طب والله هجرب اشد معاه و اشوف هعمل ايه و اشوف اخرتها و خصوصا ان على الورق عربيته اشد مني كتسارع لانها اما الموتور ال ١٧٠ حصان او الموتور بتاع ال ٣١٦ الجديده ١٣٦ حصان مع الوزن الاقل و ده بيعمل اقل من نص ثانيه على الاقل كتسارع ان مكنش اكتر
قمت شادد وراه و الشارع مش فاضي و هنا ده بيعتمد على مهارة السواق في الغرز و كان فيه واحد بعربيه بومه سخن هوا كمان بس الشهاده لله شكله عامل حاجه في عربيته بالاضافه انه بيسوق كويس و قلبه جامد اول حاجه عديت طبعا من البومه في اول فرصه لحد ما جت اللحظه الحاسمه مع البي ام اللي كان قدامي على طول و ماشيين في النص ورا بعض و قدامه ميكروباص في النص و قدام الميكروباص عربيه على اليمين و عربيه على الشمال اول ما لقيت البي ام بياخد الغرزه من ناحية يمين الميكروباص خدت نفس الغرزه من الشمال و انا متوقع انه هيطلع الاول لقيته ورايا ؟!!!!
قلت اكيد هيقرب لقيت المسافه عماله توسع بسرعه معاه اما البومه كان وراه كمان
لقيت نفسي لازم اعمل يوتيرن عشان ادخل مساكن شيراتون و كنت وصلت لل ١٦٠ قمت مدي باركينج ليهم و هديت
الظريف انهم عملوا الحركه اياها اخدوا الملف بسرعه جدا على الواسع و قطعوا الطريق على العربيات اللي جايه في طريقها مفيش فايده برضه ههههه
اللي عايز اقوله ان الار بي ام عندي في الشدايه دي لم يتخطى ال ٣٢٠٠ لفه على اقصى تقدير و مشغل التكييف
بس اللي اتاءكدت منه ان التسارع من ٠-١٠٠ لكل عربيه مش مؤشر كامل للاداء تحت كافة الظروف