الحمدلله أستلمت السنترا 2015 هاى لاين
بفضل الله أستلمت السنترا هاى لاين 2015 أول أمبارح من المصريه اللى داندى مول .. بصوا أنا مش بعرف أكتب تقارير بس هكلم كده بالبلدى العربيه الحمدلله ما خيبتش ظنى فهى عربيه ممتازه ناعمه جدا وقاعده مريحه جدا تكييف ممتاز كعاده اليبانى طبعا أنا مشيت بيها على الطريق الصحراى حوالى 70 كيلوا عشان أنا من سكان مدينه السادات الراجل وهو بيسلمنى العربيه قالى حاول ما تعديش ال100 فى الفتره الجايه فطبعا أنا ماشى بخلاف أنى كنت متوتر بس عينى بأسنمرار على الامبير كنت حاسس أن العربيه بتقولى أبوس رجلك سبنى أمشى كنت حاسس أنى ملجمها بس كنت أول ما أسهى عن عداد السرعه الاقى العداد وصل 140 والعربيه مش ماشيه لا صوت و أهتزاز منتهى الهدوء والعربيه تحس أنك متحكم فيها بس أنا اللى كنت متوتر شويه فرامل ممتازه وأكيد الاداء هيكون أفضل لما ناخد على بعض طبعا العربيه عاليه بس الحقيقه لسه ما أختبرتهاش فى المطبات العشوائيه كل المطبات اللى عديت عليها مطبات صناعيه كويسه طبعا أنا مش عارف أتحرك بالعربيه كويس عاشان لسه مارخصتش والورق هيجى على الاسبوع الجاى وبرده عاشان أكون منصف مسأله الثبات والاتزان لسه مش قادر أحكم عليها صح لآن المشوار كان قصير وكنت بحاول ماجريش بس للحق الجواب بيبان من عنوانه فى المرات اللى كانت العربيه بتوصل لل 140 كنت بحس ان العربيه ماشيه عادى مفيش أى مشكله وكنت بتفاجىء بال140 فعلطول كنت بهدى وكان التوتر بالنسبه لى هو سيد الموقف وأن شاء الله لما أتعامل مع العربيه أكتر هبقى أقولكو الاخبار وأسف على الاطاله