سبب وجود كورولا الشكل الجديد كتير جدا كسر زيور للبيع؟؟!!

**M.Mokhtar** · 25-09-2014 12:17 AM

ايه يا جماعة سر وجود عدد كبير جدا من كورولا الشكل الجديد معروض للبيع كسر زيرو كيلوات اقل من 20 الف كم؟؟؟

**shoshasam** · 25-09-2014 12:22 AM

والله دايما كنت بتساؤل عن الموضوع ده
دي مش عربية صيني ولا رخيصة ومعروفة في السوق

**M.Mokhtar** · 25-09-2014 12:35 AM

الغريبة انها كل الفئات والالوان والموديلات حتى 2015 !!!!!

**فادى محمد** · 25-09-2014 12:38 AM

ازيك يا محمد . اخبارك ايه؟؟
اللي اعرفه ان قطع غيارها في التوكيل مبالغ فيها جدا.

**M.Mokhtar** · 25-09-2014 12:48 AM

المشاركة الأصلية كتبت بواسطة فادى محمد

ازيك يا محمد . اخبارك ايه؟؟
اللي اعرفه ان قطع غيارها في التوكيل مبالغ فيها جدا.

فادى باشا اخبارك ايه واخبار الشله القديمة؟؟!!
معلش انا مش متواجد زى الاول بس من وقت لاخر بنرجع ناخد لفة كده فى منتدانا المحبوب

ماعتقدش ان ده سبب كافى
ما كل التوكيلات الان بقت حاجة صعبه

**Mohamed.Hany** · 25-09-2014 01:21 AM

1. قطع الغيار اسعارها مقبولة مقارنة بالمنافسين في نفس الفئة لا ازيد و لا اقل يعني تيل ب 650 اكصدام امامي 1200 فانوس امامي 2200 فانوس خلفي 1800
2. التقفيل التركي زي الياباني بحكم امتلاكي للموديلين ااتركي 2014 و الياباني 2011 .
3. متعرفش ظروف اللي بيبيع ايه ممكن يكون مزنوق ممكن مستريحش ممكن واحد زي حالاتي عارض عربيتي عشان اجيب الهاي لاين كورولا برضو .
4. المعروض 19 عربية كورولا 2014 و 2015 طيب حضرتك لو بصيت علي المعروض من السكودا a7 هتلاقيه 15 عربية مع الفارق ان مبيعات الكورولا اعلي بكتير من ال a7 و انتشار اكتر بكتير منها يكفي ان الكورولا اعلي مبيعات في 2014 بمعدل 750 عربية في الشهر ده كفيل انه يخلي معدل البيع اعلي و انا عن نفسي شايفه طبيعي بالنسبة للمبيعات اللي تمت.

**hany63** · 25-09-2014 10:09 AM

المشاركة الأصلية كتبت بواسطة mohamed.hany

1. قطع الغيار اسعارها مقبولة مقارنة بالمنافسين في نفس الفئة لا ازيد و لا اقل يعني تيل ب 650 اكصدام امامي 1200 فانوس امامي 2200 فانوس خلفي 1800
2. التقفيل التركي زي الياباني بحكم امتلاكي للموديلين ااتركي 2014 و الياباني 2011 .
3. متعرفش ظروف اللي بيبيع ايه ممكن يكون مزنوق ممكن مستريحش ممكن واحد زي حالاتي عارض عربيتي عشان اجيب الهاي لاين كورولا برضو .
4. المعروض 19 عربية كورولا 2014 و 2015 طيب حضرتك لو بصيت علي المعروض من السكودا a7 هتلاقيه 15 عربية مع الفارق ان مبيعات الكورولا اعلي بكتير من ال a7 و انتشار اكتر بكتير منها يكفي ان الكورولا اعلي مبيعات في 2014 بمعدل 750 عربية في الشهر ده كفيل انه يخلي معدل البيع اعلي و انا عن نفسي شايفه طبيعي بالنسبة للمبيعات اللي تمت.

اختلف معاك معاك قلبا و قالبا يا باشمهندس انك تبيع عشان تجيب كورولا تاني نفس الشكل بس هايلاين
ده كده هتعمل زي اللي حب يتجوز على مراته طلعت له هيا برضه ما نابه غير مصاريف الجوازه الجديده
لو فعلا هتبيع يبقى يا انسجنيا يا البيجو 508 الفيس لفت اللي هتنزل كمان شهرين مصر المفروض انها نازله بشاشه عشان تضيع ميزة الانسجنيا