خبراء : الدولار سيقفز الى 8 جنيهات شهر نوفمبر القادم والسبب ..؟

**svneleven** · 07-11-2014 07:10 AM

المشاركة الأصلية كتبت بواسطة أبو آسر

أبو آسر مش آسر :)
كلنا بشر وبنغلط مفيش مشكلة بس حضرتك فاهم الموضوع غلط
الدولار مش رفاهية ومينفعش حوار الفيزا والكلام ده للتجار الكبار اللي بيستوردوا من برة بالملايين
تخيل نفسك مستورد من الصين بتستورد أي حاجة ولتكن عربيات مثلا بما إننا في منتدى سيارات
محتاج شهريا ما لا يقل عن 10 مليون دولار مثلا لاستيراد فقط 1000 سيارة اقتصادية تكلفة الواحدة حوالي 75 ألف جنيه لتغطي حاجة السوق المحلي
هتروح للمصنع وتقولهم هدفعلكوا بالفيزا ؟!!
طب الفيزا دي هتشحنها ب10 مليون دولار منين ؟
هتقولي هفتح حساب وهحوله المبلغ أكيد مش هاخد الفلوس في شنطة !
جميل
هتجيب الدولارات اللي هتحطها في الحساب أصلا منين ؟!
البنك عمره ما هيديلك واحد على 1000 من المبلغ ده فبالتالي انت مسئول انك تتصرف ولذلك بيلجأ التجار للسوق السودا لأن البنك مش بيدي غير رقم محدود جدا جدا يادوب يكفي شراء آيباد أو نضارة شمس زي ما قلتلك قبل كده وبشروط قاسية كمان !
جرب روح كده البنك وقولهم عايز ألف دولار بس وشوف هيقولوك ايه
جرب افتح حساب بالدولار وقولهم معايا 100 ألف مصري وعايز أحطهم دولار شوف برده هيقولوا ايه
كلام حضرتك ده معناه ان السوق السودا دي ملهاش أي لازمة وكأن الناس بتروح تشتري منها رفاهية !
طب إيه اللي هيجبر واحد انه يشتري 10 مليون دولار من السوق السودا بسعر 7.50 مثلا وهو في البنك ب7.18 ؟ انت عارف الفرق كام بين الرقمين ؟ حوالي 24 مليون جنيه !!!
لذلك تلاحظ ارتفاع رهيب في أسعار كل حاجة مستوردة بالرغم من أن سعر البنك يعتبر ثابت ظاهريا طب ليه الأسعار بترتفع طالما الدولار سعره مستقر في البنك ؟! لأن الأسعار مش بتتحسب بناء على سعر البنك الرسمي وإنما بناء على سعر السوق السودا
ليه الحكومة سايبة الصرافات شغالة سوق سودا مع ان ده مخالف للقانون ؟! لأن مفيش بديل !!
أرجو يكون كلامي واضح ووجهة نظري وصلت لحضرتك

متفق مع حضرتك في كل كلمة قولتها لكن للتصحيح فقط الفرق 3.2 مليون جنيه مش 24 مليون.

**أبو آسر** · 07-11-2014 07:21 AM

المشاركة الأصلية كتبت بواسطة svneleven

متفق مع حضرتك في كل كلمة قولتها لكن للتصحيح فقط الفرق 3.2 مليون جنيه مش 24 مليون.

أيوة فعلا دي غلطة مني أنا حسبت الفرق على انه بالدولار وضربته في 7.5 جنيه :)

**ramymechanics** · 09-11-2014 09:54 AM

المشاركة الأصلية كتبت بواسطة ashouhdy

لا الرد بجد والله

وانت عايز 10 تلاف دولار لية مثلا لو شغلك او حياتك محتاجة عملة الدولار ادفع بالفيزا اون لاين

ولا انت لازم تاخدهم كاش

ولو البنك المركزى حط الدولار بسعر السوق السودا يبقي السوق السودا حتزيد هى كمان

الدولار عملة صعبة واى بلد في مرحلة نمو بتحافظ على محتواها من العملة الصعبة

مش تقولي هاتلى 10 تلاف دولار ؟!! ادفعهم بالفيزا او الكريدت طالما انت معاك ومقتدر وربنا مديك

و حتتحاسب على فكرة بسعر الدولار البنكى مش سعر الدولار بتاع السوق السودا

اللى يتكلم يبقي فاهم لو سمحتم يا جماعة مش اى كلام غلط في غلط للمزايدة والرد وخلاص وتضييع الوقت

اللى مش فاهم يبحث و يفهم قبل مايرد الاول

غير كدة يستحسن ميردش اصلا

بغض النظر عن طريقة كلامك اللى حظك حلو انى مشفتهاش الا دلوقتى

فأنت لا تعرفنى ولا تعرف عنى حاجة عشان اولا تقول انى مبفهمش فالاقتصاد ولا تقول انى بتاجر فى العملة

لو الدولار متوفر مكانش سعره فى السوق السودا فرق كدة عن البنوك ومحدش هيروح يشتريه بالغالى الا لو فعلا محتاجه زى حد بيسافر كتير زى حالاتى و الا يكون معاق ذهنيا و شوف حد السحب بقا كام اللى خلانى أقف على كابينة فى عز الليل اسحب 100 دولار حد اقصى اللى ميجيبوش وجبة عشا برة

لو انت مبتتعاملش فى حياتك الا باللحلوح المصرى دى مش مشكلتى لا انا ولا غيرى انا بكلمك عن واقع بعيشه

يعنى اما نقول انه هيغلى دة عشان قيمة الجنيه مبقتش تسوى الكوين اللى بيتضرب عليه مش عشان حاجة تانية و اننا دولة مستوردة صرف وعلى فكرة انا مضرور من انه بيغلى لأنى بشترى مش ببيع بس دة واقع