كشف كمبيوترر في الاسكندريه

**medo_omara2009** · 25-09-2014 01:56 AM

السلام عليكم انا بصراحه تعبت جدا من العربيه انا معايا فيرنا 2006 العربيه صوتها بيعلي جدا جدا جدا لوحدها عملت حاجات كتير منها تغيير حساس الايدل مرتين جديد وبعدين في خرطوم هوا خلف البوابه فصلت الفيشه بتاعته العربيه بقت كويسه ولكن رجعت تاني رحت كشفت كمبيوتر المهندس قالي انه مافيش اي حاجه الكمبيوتر مش قاري حاجه بس انا شاكك فيه بصراحه انه مش عارف يخش علي الكارته اصلا فياريت اللي يعرف مركز متخصص او مهندس كويس في الاسكندريه يدلني عليه انا بسافر بالعربيه وبصراحه مبهدلاني جدا اي مطب او منطقه زحمه بحس ان في حد قاعد علي الدواسه بتاعت البنزين واسف علي الاطاله بس والله من زهقي

**تامر راغب** · 25-09-2014 02:21 AM

متابع معاك

لكن ممكن تروح مركز الزرانى فى شارع جمال عبدالناصر بعد نفق محمد نجيب على طول

هتلاقى عنده - لكن أنا ماجربتهوش غير فى صيانات خفيفة بس والله

وربنا معاك

**medo_omara2009** · 26-09-2014 01:07 AM

المشاركة الأصلية كتبت بواسطة تامر راغب

متابع معاك

لكن ممكن تروح مركز الزرانى فى شارع جمال عبدالناصر بعد نفق محمد نجيب على طول

هتلاقى عنده - لكن أنا ماجربتهوش غير فى صيانات خفيفة بس والله

وربنا معاك

متشكر جدا ياباشا علي الرد وان شاء الله اول اما اوصل لمركز كويس والموضوح يتحل ابقي انشر الموضوععلي المنتدي بتوسع

**SHERBINII** · 26-09-2014 07:49 AM

دي يا باشا البوابه تتغير والله اعلم ٠ في في الشارع بتاع اكاديمية ميامي مهندس طارق بتعامل معاه وممتاز

**تامر راغب** · 26-09-2014 09:40 PM

العفو احنا هنا بنساعد بعض
وربنا يعمل الصالح دايما يارب ويوفقنا كلنا

**Abo_Mazen** · 26-09-2014 11:00 PM

المشاركة الأصلية كتبت بواسطة sherbinii

دي يا باشا البوابه تتغير والله اعلم ٠ في في الشارع بتاع اكاديمية ميامي مهندس طارق بتعامل معاه وممتاز

طيب لو حضرتك تقوله على مركز متخصص هيونداي يبقى كتر خيرك

**medo_omara2009** · 27-09-2014 10:56 PM

المشاركة الأصلية كتبت بواسطة m_m_sh_a

طيب لو حضرتك تقوله على مركز متخصص هيونداي يبقى كتر خيرك

انا متشكر جدا لكل الزملاء الي ردوا علي الموضوع انا محتار العربيه بقالها دلوقتي يومين راكنه نزلت قولت ادورها عشان البطاريه ماتنامشي العربيه دارت حلو جدا وفجاه العربيه صوتها علي اوي اوي اوي لدرجة اني حسيت ان انا لازم ابطل العربيه وبعدين هديت وفجاه عملت كده تاني كان في حد داس علي البنزين جامد اوي ياريت لو في حد يعرف ايه ده يرد عليا وبعدين انا رحت مركز معتمد لهيونداي علي الطريق الزراعي في دمنهور قالي ان سعر حساس الايدل 1000جنيه انا اتخضيت بصراحه فشكلهم كده اسعارهم عاليا اوي انا محتار جدا وبصراحه انا عايز زياره منزليه لاني فعلا خايف امشي بالعربيه من صوتها الللي بيعلي بحس ان الموتور حيتحرق لا قدر الله

**medo_omara2009** · 28-09-2014 10:31 PM

المشاركة الأصلية كتبت بواسطة medo_omara2009

انا متشكر جدا لكل الزملاء الي ردوا علي الموضوع انا محتار العربيه بقالها دلوقتي يومين راكنه نزلت قولت ادورها عشان البطاريه ماتنامشي العربيه دارت حلو جدا وفجاه العربيه صوتها علي اوي اوي اوي لدرجة اني حسيت ان انا لازم ابطل العربيه وبعدين هديت وفجاه عملت كده تاني كان في حد داس علي البنزين جامد اوي ياريت لو في حد يعرف ايه ده يرد عليا وبعدين انا رحت مركز معتمد لهيونداي علي الطريق الزراعي في دمنهور قالي ان سعر حساس الايدل 1000جنيه انا اتخضيت بصراحه فشكلهم كده اسعارهم عاليا اوي انا محتار جدا وبصراحه انا عايز زياره منزليه لاني فعلا خايف امشي بالعربيه من صوتها الللي بيعلي بحس ان الموتور حيتحرق لا قدر الله

يا جماعه ارجوكم افيدوني