موقف على طريق سريع : هل انا كده غلطان

بسم الله الرحمن الرحيم
كنت على طريق سريع يشيل حوالى 5 حارات رايح وجاى وعايز اقطع لمدخل جانبى
المهم علشان الطريق سريع ومش متعود اسوق عليه رحت مشغل الانتظار وقربت من الحاره اللى فى الوسط براحه خالص بس المقابل كان كتير فاضطريت ان اقف خالص
وحارتين جنبى فاضيين على اليمين وحارتين فاضيه جنبى سيبهم للمقابل لغايه مالاقى فرصه واعدى.
ولما لقيت الفرصه بصيت فى المرايات لقيت عربيه نص نقل جايه بسرعه جدا وورايا على طول قولت لما ادخل مدخلى بسرعه بما انى فى الحاره اللى فى الوسط ودخلت شمال لقيته داخل شمال برضه بسرعته الرهيبه دى واضطر يدخل الحاره الاخيره شمال مع ان الحارتين اليمين فاضيين خالص.
طبعا الحمد لله انى نجيت ومخابطنيش لانه دخل شمال معايا فلميت نفسى بسرعه ومكانش فى مقابل قصاده.
فى موقف زى ده مين اللى غلطان وكان المفروض اعمل ايه علشان اقطع طريق زى ده.

بتهيألى تصرف سليم وبتاع النقل هوا الى غلطان

الوقوف على الطريق السريع خطر جدا جدا . انت متعرفش اللى وراك عاوز يروح فين وبيفكر ازاى و بيفكر انت حتعمل ايه .

طيب المفروض كنت اعمل ايه يا جماعه

تقريبا مادام الطريق سايح على بعضه كان المفروض انك تقف على اليمين خالص لغاية ما الطريق يفضى خالص و بعدين تعدى.

المشكلة ان مفيش يو تيرن صريح على الشمال فالطبيعى ان اخر حارة شمال فى طريقك هتبقى اسرع حارة

وجهة نظري ان الخطأ مشترك لان حضرتك وقفت علي الشمال تقريبا ودي الحارة السريعة
وخصوصا ان مفيش اي اشارات تدل ان دة مكان ينفع تلف منه

الفمروض لو هاتقطع لمدخل جانبى لو المدخل ده فى الشمال تاخد الحاره الشمال وتدى اشاره شمال ولو فى اليمين تاخد الحاره اليمين وتدى اشاره يمين

شايف ان حضرتك اللى غلطان

حضرتك طبعا غلطان وانا لو مكانك اطلع قدام لغاية لم الاقي حتة اعرف الف بيها وارجع تاني حتي الطريق اللي عايز ادخله

حضرتك مدى انتظار ومش محدد انتا هتلف ولا لا