من فضلكم انا عايز مساعدتكم
انا محتار بين بيجو 301 هاي لاين و لانسر شارك الفئة الأولي علشان نفس الثمن
شكرا ليكم
عرض للطباعة
من فضلكم انا عايز مساعدتكم
انا محتار بين بيجو 301 هاي لاين و لانسر شارك الفئة الأولي علشان نفس الثمن
شكرا ليكم
راى الشخصى لانسر شارك الفئه الاولى عربيه اعتماديه اكتر واوسع وموتور وعفشه افضل.
ونصيحه خش على كل قسم وشوف اراء الناس فى العربيه.
رغم انحيازي للبيجو والاوروبي
ورغم انحيازي للهاي لاين لاوبشن اعلى
اختار الشارك عشان عربيه اوسع واكبر بس لو ينفع تعلى شويه في الفئه وتجيبها ب abs يكون افضل
شارك طبعاً
شارك افضل للاسباب الاتية : موتور : عفشة : تكيف : يابانى 100%
أنا اخري 140000 مقدرش ازود عن كده و حكايه انها فاضيه و شكلها قديم مضايقانياقتباس:
المشاركة الأصلية كتبت بواسطة mfraig
عارف ان 10 الاف كمان وتركب فلوانس اول فئه فيها كل الاوبشن بس الخيره فيما اختاره اللهاقتباس:
المشاركة الأصلية كتبت بواسطة michael girgis
الشارك عربيه حلوه وشكلها مش قديم وكبيره جدا وثباتها عالي
بالتوفيق
الشارك برضوا بالنسبة ليا ثقة واقوي
الشارك حاليا عامله مبيعات عاليه
خلاف ال301
كفايه انها فئه اعلى
شارك طبعا لا يوجد مقارنة بينهم
شارك افضل
ليه متفكرش في سيراتو
نصيحة لحضرتك انا مجرب الشارك ومجربتش البيجو هتكلم عن اللي اعرفه واسال نفس السؤال في صفحة البيجو الشارك عربيةما شاء الله عليها ونصيحة لو معاك 140 ازنق نفسك شوية كمان في 5الاف وهات الفئة التانية شارك وباذن الله مش هتندم عربية فيها كل القوة والثبات اللي انت محتاجه وموضوع الشكل اللي مضايق حضرتك ده ماتشغلش بالك بيه اي عربية بيجي عليها وقت وتبقي شكل قدبم لكن اشارك عكس كل العربيات تحس ان شكلها مناسب لكل الاوقات يعني هي هجومية وفي نفس الوقت شكلها بسيط كفاية انها من 2008 لحد دلوقتي وتحس ان شكلها عصري وانا واثق ان اي حد لما بيشوف العربية دي في الشارع بيبصلها بسبب فخامتها وفي نفس الوقت عدم البهرجة في شكلها ويا سلام بقي لو ركبت سبويلر بيكون لايق عليها جدا وبيخلي شكلها حاجة تانية عيبها الوحيد بالنسبة لي هو ضيق الشنطة اللي ممكن تتغلب عليه بحاجات كتيراقتباس:
المشاركة الأصلية كتبت بواسطة michael girgis
انا في نفس حيرتك بس بفاضل بين شارك فئة تانية و 301 هاي لاين
و احب اقولك اللي وصلت له بعد تجربة قيادة للاتنين يمكن يفيدك و نقرر احنا الاتنين ساعتها :U_thin1[1]: و هقولك بموضوعية كل واحدة ما لها و ما عليها من غير تعصب (لانه ما ينفعش اقولك هات دي او دي و خلاص لازم اسباب) :N_no[1]:.
شارك 2015:
مميزات
خارجيا شكها هجومي و جذاب و بالرغم انها نفسها من 2008 الا انها مازات ملفته للانظار.
داخليا فقيرة شوية في الخامات و التقفيل و الاوبشن (بتكلم علي فئة تانية وكيل).
موتور قوي 117 hp مع ناقل اربع سرعات عادي مش ستيب ترونك بس تسارعها جيد خصوصا بعد 80 كم/س.
تكييف ياباني مش هقول اكتر من كده.
صالون واسع و مريح.
عفشة خلفية multi link محترمة جدا و ده سر ثابتها و ان كانت علي حساب الراحة لانها عفشة رياضية.
عيوب
شنطة هي الاصغر في فائتها.
صوت الموتور مسموع و عالي نسبيا و ده يرجع للعزل المتواضع للمقصورة بالاضافة ان صوت موتوها mivec هو موتور رياضي .
صوت احتكاك الاطارات مسموع داخل المقصورة ( يقال انها بتنتهي مع تغيير نوع الكاوتش ).
باور تقيل نسبيا لانه هيدروليك.
قطع غيار غالية بالنسبة ل 301 , يعني الكوبلن ب 5000 في التوكيل و مش موجود و فانوس امامي معدي 2000 و اكصدام امامي برضه كاسر ال 2000 !! (و جروب الشارك علي الفيس هيفيدك في موضوع قطع الغيار داخل و خارج التوكيل)
بيجو 301
مميزات
شكل جديد و هجومي.
موتور 115 hp مع ناقل من اربع سرعات ستيب ترونك و تسارعه مرضي جدا بعد 60 كم/س.
داخليا الهاي لاين اشيك و افضل في التقفيل من الشارك.
كماليات كتير مقابل الشارك اللي بتنزل متنفضة.
صالون واسع طوليا و لكن عرضيا الشارك اوسع.
اسعار قطع الغيار داخل التوكيل معقولة جدا بالنسبة لعربية اوروبي و طبعا اقل بفرق ملحوظ عن الشارك.
شنطة حجمها جيد.
مكيف جيد لان الكمبريسور ياباني.
باور خفيف جدا ( كهربائي).
صاج خارجي اتقل من الشارك.
عيوب
اعتمادية الفرنساوي لا تقارن بالياباني ,اقل طبعا و ان كانت البيجو افضل الفرنساوي في مصر كسمعة الا ان العربية لسه جديدة في السوق و مع الوقت هيبان مدي اعتماديتها بعكس الشارك اللي اتهرست في السوق من 2008.
عفشة خلفية عادية Torsion beam و طبعا مش هتاخد منها نفس ثبات الشارك لكنها مريحة اكتر.
الموتور حساس جدا لنوع البنزين .
نتشة الفتيس بين الاول و التاني و ان كانت مش عيب لكنها محسوسة ( و يقال انها قلت بشكل ملحوظ بعد السوفت وير الجديد).
التكييف بيقولوا بياثر علي السحب و لكن للامانة انها سوقتها و كنت مشغل التكييف و الصيف في الخليج لا يقارن بمصر و لم اشعر باي مشكة في سحب العربية (و يقال انها اختفت بعد السوفت وير الجديد).
دي خلاصة اللي وصلت لها حتي الان وفي النهاية انت اللي هتركب يعني لازم تسوق الاتنين و انت وحدك اللي تقرر تجيب ايه .
تحياتي
شارك اكيد
الله ينور عليك بجد كلام زي الفل وموضوعي وغير متحيزاقتباس:
المشاركة الأصلية كتبت بواسطة wella3330
انا في نفس الحيرة دي مع العلم اني معايا لانسر 2007 وقبلها كان معايا لانسر 2002 فبالنسبالي لو اشتريت لانسر للمرة التالتة يبقى كتير بصراحة وكمان انا مشكلتي مع اللانسر ان صالونها فقير ومافهاش اوبشنز كتير مقارنة بال301 الهاي لاين ده غير التقفيل وجودة الخامات اللي في ال301
وغير كل دا انا عاوز اطلع من الياباني واجرب الركوبة الاوروبي وال301 هي اكتر سعر اروروبي مناسب مقارنة بالسيات التوليدو مثلا او الرينو الفلوينس
العفو يا فندماقتباس:
المشاركة الأصلية كتبت بواسطة M.Nasr
كلنا هنا لغرض واحد اننا نساعد بعض و نتبادل الخبرات.
نصيحة اطلب test drive لاي عربية قبل ما تشتري, و بعدها تقرر.
تحياتي