الموضوع: اعربية خلتنى ااقول يا رتنى ما اشتريتها :(

المشاركة الأصلية كتبت بواسطة windofchange

الميكانيكي متأكد ان فتيسك فتيس 1000 سي سي ؟ لان ظاهريا ال3 فتايس من 1000 ل1600 سي سي نفس الشكل الا بقي لو هو يعرف اكواد الفتيس ؟! ..وممكن صورة من كنترول ال1000 سي سي خصوصا عند الجزئية بتاعت الموديل بتاعه علشان انا معايا برضه كنترول 1000 سي سي ..ده لو حبيت تتأكد انه فعلا بتاع 1000 سي سي وطالما مستريح فالعربية متبيعش وفكر دائما في قطع غيار الاستيراد يعني سوست جنبين كاملين ورا ممكن يعملوا من 300 ل350 جنيه سوست بالبطاحات والصدادات والمساعد ويقضوا الغرض مأدوش الغرض هات لك مساعدين جداد وشيل اللي جم مع الجنبين الاستيراد

انا كنت منزل موضوع قبل كدا ونزلت صورة الكنترول والناس هنا تفضلت مشكورة وقالوا فعلا انه فيتيس 1000
وممكن حضرتك تلاقى الموضوع موجود ولو عايز الصورة انا تحت امرك .... انا بالفعل غيرت الكنترول امبارح عند واحد اسمه رشاد فى الحرفيين انسان محترم وممتاز اخد 550 جنيه كنترول وتكويد بصراحة صوت العربية هدى جدااااااااااااااا وبقا محترم لكن مش قادر احكم على المشى الا لما اشوف قصة الفتيس ولا اسطوانه وديسك
ورشاد قالى انه اروحله هيخللى ميكانينكى يبص على الفتيس ويجب الكود بتاعه عشان نعرف هو 1000 ولا لا
اشكرك على اهتمامك بموضوعى جداااااااااااااااااا ....... ومنتظر توجيهاتك ديما

المشاركة الأصلية كتبت بواسطة ahmed_gallant

السلام عليكم
حيلك حيلك حيلك
ايه الارقام الغريبه دى انت خضتنى الصراحه
مبدئيا عفشه ايه اللى ب5000 جنيه دى لو جولف 4 او حتى اوبل فكترا مش هتتكلف الكلام ده ممكن توضحلى ايه اللى اتغير بالظبط علما بانى غيرت عفشتى كلها ما عدا المساعدين والسوست يعنى البلى والجلب والبارات وكله ب900 جنيه ومصنعيه 150 جنيه ابيزا 94 مكنه 1400
ولو باعتبار انك بيركب عندك عفشه الجولف 3 باعتبار المكنه 1600 هيبقى التكلفه اقل لان قطع غيار الجولف 3 ارخص
وايه كل المبالغ الجانبيه دى قلب طلمبه ب350 اذا كانت الطلمبه انا جايبها ب290 كلها على بعضها وزيت ب50 جنيه استيراد وايه الرفايع اللى ب600 جنيه ده تمن طابلوه او تمن فتيس
نرجع للعفشه جوز المساعدين قدام ب700 جنيه وورا ب550 وتركيبهم 50 الى 100 جنيه ايه اللى وصلها ل3000 جنيه فين المقابل للفلوس دى محتاج توضح ياما انت مبتسالشى ورا اللى بياخد من الفلوس ياما الناس بتشتغلك فى الاسعار
ديسك واسطوانه باظوا تمنهم كام يا عم 650 ده لو هتجيب الطقم جديد وتركيبهم 100 جنيه طب لو انا هحل واغير اسطوانه بس مش هتعمل 200 جنيه وممكن تملاها ب40 جنيه لو الديسك سليم وانا متاكد ان الديسك سليم ليه لان العربيه ماشيه بس سحبها ضعيف طب لو افترضنا انك جبت كل دول استيراد الفتيس بالديسك بالاسطوانه مش هتدفع الالف جنيه اصلا ممكن نقول 750 وتركيب 100
طيب اللى حصل حصل بس برضه هتكتبلى الحاجات اللى طلبتها من فوق هتتصرف ازاى
اقولك يا سيدى
مشاكلك تتحل فى سكه 2000 جنيه كلها على بعضها وياريت تتصل بيا اساعدك فى حلها كمان
1- نخلص من موضوع الكاوتش الاول يبقى حد امين يبصلك عليه ويقولك الكاوتش عامل ايه قالك الكاوتش ميت يبقى هتجيب 2 فرده مستعمله تركبهم قدام الاول لو جنوطك 14 يبقى بنتكلم فى 100 الى 150 الفرده الواحده لو 16 هتوصل معاك ل200 جنيه الى 250
2- هتتاكد من موضوع الفتيس بالاكواد وبعد ما تتاكد ان الفتيس ده مش بتاع المكنه هتدخل على النت وتعرف كود الفتيس اللى يركب على المكنه بتاعتك وتروح تسال عليه معاه الديسك والاسطوانه والبليه يعنى فتيس بكل حاجته وتاخد الميكانيكى من ايده وتخليه هو اللى ينقى الفتيس وطقم الدبرياج وتاخد ضمانك من التاجر وتتوكل على الله وتعمل حسابك فى زيت فتيس رخيص عشان لو طلع فيه حاجه لا قدر الله و متدفعشى اكتر من 700 الى 800 جنيه فى الفتيس بحاجته والتركيب 100 بالكتير
3- تجيلى بالعربيه فى اى يوم ابصلك عليها هو صحيح انا مش معايا ابيزا حاليا بس انا عجنتها واشتريتلها حاجات كتير وعارف اسعارها
- تصدق انى جبت ابيزا ب20 الف وصرفت عليها 6 الالف وكنت زعلان ومستكترهم ال6 الاف دول سقطت مكنه 1400 بادوات التغذيه بالكنترول بالتعديل لانها كانت كارب بدون فتيس ولا تكييف ولا باور وغيرت عفشه كامله بدون مساعدين وسوست واشتريت قطمه كامله ايرباج وايموبلايزر وجبت كبالن وفرده كاوتش مستعمله وبطاريه سايله وزعلان على اللى صرفته تقولى 10 الى 12 الف جندى دانا كنت غيرت بيهم العربيه كلها
وقف صرف لحد ما تكلمنى على التليفون 01110079163
حسبى الله ونعم الوكيل فى كل اللى غشك

يا احمد باشا انته مش ملاحظ انى بقولك اتنصب عليا :) امال هتعمل ايه لو قولت لك ان اللى نصب عليا اعز اصدقائى ههههههه .
ده غير قطع الغيار اللى من فتح الباب فرع مصر الجديدة شارع دمشق على سبيل المثال قلب الطلمبة اللى بــ 350 جنيه .... انا كل ده ابتديت اعرفه هنا من الجروب والمواضيع اللى موجودة لقيت نفسى بلبس اسعار غريبة والناس بتتكلم فى اسعار اغرب ...... عموما هكلمك ان شاء الله واجيلك تشوف العربية باذن الله
اشكر جداااااااااااا على اهتمامك .... وكل سنه وانته طيب :)

المشاركة الأصلية كتبت بواسطة khalil mohamed

المشكلة اﻻساسية فى قصتك ﻻ فى العربية وﻻ فى قلة خبرتك المشكلة فى عدم وجود ضمير عند الناس اللى اتعاملت معاهم او فى عدم وجود علم عندهم

اه والله انته جبت من الاخر

والله حضرتك بتحكى نفس قصتى مع العربيه اول ما اشترتها من 8 سنين وطلع ف الاخر العيب من الميكانيكى اتعامل مع مكيانيكى بيفهم وهترتاح

فكرتنى بمأساتى مع الابيزا من سنين ............. بس انا بعت وريحت دماغى

ya gama3a wenabe 7ad ye2oly fe mashakel fe seat ibiza 2015 fetais dsg

المشاركة الأصلية كتبت بواسطة m.m.alkholy

ya gama3a wenabe 7ad ye2oly fe mashakel fe seat ibiza 2015 fetais dsg

معقولة الكلام دخ يا جدعان :( لما عربية موديل 2015 وفيها شكوة من فتيس
يبقى العربية الابيزا دى ما تستحق المجازفه بقا
احنا نخلينا فى الجولف بقا مع انها هيه هيه بس الغريب ان الناس بتشترى الجولف اغلى ليه مش عارف
بمعنى ابيزا موديل 94 وجولف موديل 89 و 90 و91 تلاقى الجولف بتتكلم فى فوق الـــ 35 حتى 40 فى خين ان الابيزا موديل اعلى بكام سنه ونفس الامكانيات ..... حاجة غريبة بجد