المياه خلصت من العربيه بدون مقدمات والحمد لله ربنا سترها
السلام عليكم
يوم الثلاثاء والواحد راجع من الشغل ومشغلين التكييف فجاه التكييف مش بيجيب اى هواء بارد خالص وفجاه بنبص بالصدفه على عداد الحراره لقييناه عالى قبل الاحمر بشويه المهم ركنا على جنب وفتحنا القربه مفهاش ولا نقطه ماء خالص خالص
المهم زودنا نص لتر مايه طبعا اتبخروا فى ثانيه ....... وانتظرنا حوالى 40 دقيقه وزودنا 2 لتر مياه كمان كان فى مياه بسيطه فى القربه والعربيه مشيت لحد البيت وعداد الحراره فى الوضع الطبيعى بتاعوا
كل دا انا مكنتش موجود كان سايق العربيه حد غيرى
تانى يوم نزلت علشان اروح للميكانيكى احط مايه فى القربه الاقيها بتنزل من خرطوم تحت الموبينه والقربه مش عايزه تتملى خالص مش بتحلق تتملى المهم اخدها براحه كدا لحد الميكانيكى مع ان المسافه مش قليله حوالى 25 كيلو بس وقفت فى النص وحطيت مايه مع ان ملهاش لازمه
المهم بعد ما الميكانيكى فحص العربيه لقا الماسوره ال تحت الموبينه فيها شرخ كبير الماسوره عامله حرف l وخارج منها 3 مخارج كدا المهم ملقاش غير الصينى بس بالصدفه كان عند الميكانيكى واحده اصليه ركبناها بس كنت خايف ليكون فى وش سلنتر والميكانيكى قالى جرب مشوار كدا وتعالى وهنشوف
رحت مشوار ورجعت وكنت مشغل التكييف راح الميكانيكى فاتح غطاء المايه وقالى الحمد لله مجابتش وش سلنتر لانها لو جابت وش سلنتر كانت وانا بفتح القربه مش عارف تعمل صوت او تعمل ضغط جامد مش فاهم اوى الجزئيه دى
هل الكلام دا صح واذاى اتاكد انها سليمه 100 % والحمد لله السحب وتمام وحاليا المايه تمام وعداد الحراره فى الوضع الطبيعى
احط مايه خضراء حاليا وانظف الدوره بتاعت المايه ولا اصبر كام يوم كدا
ايه رايكم