نصيحه
انسى نصيحة اى حد اركب وجرب وقارن بنقسك وبنطباعك الشخصى انت وبس دى مش حاجه بتشتريها كل يوم
عرض للطباعة
نصيحه
انسى نصيحة اى حد اركب وجرب وقارن بنقسك وبنطباعك الشخصى انت وبس دى مش حاجه بتشتريها كل يوم
بلاش مقارنة أسعار الخليج بمصر مع التويوتا كورولا .. اللي هي العربية رقم 1 مبيعا في الخليج
اللي عايز يقارن أسعار .. يقارن بأسعار مصر
لو زي ما قال زميل سابق الاتنين نفس السعر للتوب لاين تبقى فين المشكلة .. ماهم الاتنين نفس الفئة .. يبقى السعر مقابل السلعة .. العربية فيها ايه و ها ادفع فيها كام .. مش تبقى أرخص من الكورولا بالعافية
و الناس سابت كل مميزات المازدا 3 و بتتكلم في الموتور و الفتيس .. طيب ماهو في حاجات تانية .. شاسيه و تعليق و تصميم و خامات الخ ..
متشكرين يا رجالة
انا في نقطه بس حابب اوضحها الشاشه مش مجرد شاشه دا سيتم كامل متوصل على الكمبيوتر و اكيد مش بـ 5000 بس
لانها فيها جي بي اس و متوصله بالكاميرا الخلفيه بتاعه الباركينج و ممكن تاخد نت من الموبايل و تشغل فيها راديو اونلاين
و ممكن عن طريق ابليكشن Aha تبقى العربيه واصل بأكونتات الشبكات الاجتماعيه زي فيس بوك دا حسب البروشور
و اعتقد لسه في امكانيات تانيه هي مش مجرد شاشه بس و برضو متنساش الماوس اللى بيتحكم فى الشاشه دي مش حاجه تقدر تركبها
و تقريبا الخليجي مفيهوش HUD ولا سمارت كي و زرار start دا برضو سمعته من اخ هنا في المنتدى
العربية الافضل من حيث الخامات الداخلية تنافس الفورد فوكاس وليس غيرها
بالنسبة لموضوع الموتور : العربية نازلة بنفس الموتور القديم الكان نازل لاسواق اوروبا و دة معلومات عنة :
1.6 dohc
1,598 cc
104 hp حصان عند 6000 دورة فى الدقيقة
عزم دوران يبلغ 145 نيوتن / المتر عند 4000 دورة في الدقيقة
بعد مراجعة المواتير الطرحتها مازدا لموديل مازدا 3 شايف ان التوكيل مجبر ينزلنا الموتور دة لان مازدا مفيش اى موتور نزل للمازدا 3 ينفعنا فى مصر سواء skyactive او غيرة لانها اعلى من 1.6 ودة حيضرب سوقها فى مصر وحتى المتوفر من
بالنسبة لحزئية مواتير sky-active اولاً معدل انضغاطها
-13.0:1
-14.0:1
وطبعاً احنا شوفنا التكنولوجيا لما بتنزلنا مصر بلد مش مؤهلة ليها زى ما حصل فى مرسيدس واكيد متابعين دة غير البنزين غالى على الفاضى يعنى حتى الناوى يحط 95 وبيدفع مش حيلاقى وطبعاً حيتم تعديل فى الموتور ودة هيقلل الهورس باور علشان يتماشى مع البنزين الجميل العندنا وما ادرانا اية الهيحصل بعد التعديل .
بالنسبة للسعة وقوة وعدد الاحصنة :
e 1.5 L SkyActiv-G I4 petrol
99 hp - عزم 150
e 2.0 L SkyActiv-G I4 petrol
150 hp- عزم 200
e 2.5 L SkyActiv-G I4 petrol
184 hp - عزم 251
وطبعاً جمارك ومفيش حد حيجيب العربية بالمواتير دة غير الغاوى ودول قليلين كلة بيدور على التوفير