تنبيه .. اكسنت ار بي موديل 2015 مازالت بالمساعدين القدام
السلام عليكم
حبيت بس انوه علشان كثرت الأسئله عن المساعدين الخاصه بالأكسنت ار بي موديل 2015
للأسف التوكيل بيؤكد كل مره انها نازله بالمساعدين الجديده
وان كل مشاكلها اتحلت في الموديلات الجديده
لكن انهارده كنت بعمل صيانة ال 5000 وطلبت تغيير المساعدين وبعد الصيانه المهندس قالي انها نازله بالمساعدين الجداد وكل شيء تمام
طلبت مدير الصيانه وجه معايا رفع العربيه تاني قدامي وجاب الصنايعي وقاله انها المساعدين القديمه
وانا عارف شكلها اصلا وكنت بصيت عليها قبل ما اروح
المهم بعت ايميل لفرع ابو رواش علشان ياخد الموافقه وغيرلي المساعدين لانهم كانوا متوافرين عنده في المخزن الحمد لله والموضوع ما كملش نص ساعه وفضلت واقف معاهم وهما بيغيروها ومرضيتش امشي علشان اتأكد من كل حاجه لأني مش بثق فيهم الصراحه وانتهزت الفرصه وصورت المساعدين الجداد قبل ما الراجل يركبهم علشان الناس تشوفهم وتروح كلهم بلا استثناء يغيروها لان في فرق نوعا ما في ثبات العربيه وانا ماشي بيها وبطلت احس انها مفكوكه وبتتنطط شويه من ورا .. بقت الحمد لله كويسه نوعا ما ..
الكلام ده كان في فرع غبور قليوب وللأسف مخلونيش اصور المساعدين القديمه
لكن هتشوفوا شكل الجديده وتقارنوها باللي موجوده عندكم واكيد هتكون القديمه لاني معايا موديل 2015 وده اخر حاجه نازله ...
http://im79.gulfup.com/z93ggT.jpg
http://im79.gulfup.com/jepjkG.jpg
http://im79.gulfup.com/o4saTP.jpg