الموضوع: ايهما افضل لانوس2005 ام سبرانزا 516 موديل 2009

انا برضه اخر عربية كانت معايا قبل ال 516 كانت اكسيل97 1500 سى سى - بصراحة هتحس بفرق تاريخى فى الابوشنز و الثبات و الراحة لصالح ال 516- بس اهم حاجة الحالة ثم الحالة - حاول تجيب عربية مش ماشية كتير و مش ملعوب فيها - الاختلاف فى السواقة هيتمثل فى الحجم الكبير شوية و تقل العربية فى الوزن لكن دى هتتعود عليها فى مشوارين تلاته

انا ركبت الاتنين...
اللانوس عربية شعبية اى حد بيصلحها وتعتبر 128 العصر. حلوه لو انت اول مره تركب عربية وعاوز تجيب حاجه سنه ولا سنه ونص تتعلم فيها بعدين تبيعها تاني. لكن لو انت بتسوق كويس ولك بعض الخبره يبقى مافيش مقارنة الاسبرانزا تكسب.

اللانوس
مميزات:
عفشة طرية جدا فى المطبات لكن على حساب الثبات.
صيانتها رخيصة جدا (لكن متكرره).
قطع غيار متوفرة بكثرة وبأسعار رخيصة.
التكييف جيد جدا.
إعادة بيع جيدة جدا.
فتيس ناعم.
سحب مقبول.

عيوب:
التابلوه فقير نسبيا لأنه من التسعينات.
عزلها سيئ وبتسمع الطريق وانت قافل الزجاج.
الثبات متوسط. (بسبب العفشة الطرية)
شكلها قديم(من التسعينات).
حجمها كبير بالنسبة لانها مش واسعة من جوه.
بتروح للميكانيكي كتير خصوصا فى الحاجات البسيطه.
وسع الصالون متوسط.(لكن مش ضيقه)
مفيش اوبشن تقريبا :d
وسائل أمان قليلة وفرامل متوسطة الاداء


الاسبرانزا

مميزات:
شكل فخم من الداخل والخارج(خصوصا الداخلى)
واسعة جدا وتعتبر من اوسع السيارات السيدان فى مصر.
أوبشن مش موجود غير في سيارات تتخطى 150 ألف جنيه
فرامل جيدة جدا abs & ebd
ثبات عالى حتى على سرعات عالية جدا ( ثبات غير موجود فى كل منافسيها )
عزل جيد نسبيا مقارنة بفئتها السعرية.
تكييف اواتوماتيك تاتش وبشاشة شيك وأداءه جيد.
عوامل أمان وصاج سميك.
سحبها مقبول على السرعات المنخفضه وجيد جدا على السرعات العالية.
قطع غيار رخيصة تقريبا بنفس أسعار لانوس

عيوب:
حجم كبير
أبواب خشنة نسبيا فى الغلق (مش كل العربيات)
صوت الشكمان (العلبة الخلفية) عالى.
الفتيس اقل نعومة من اللانوس بكتير.
اي ميكانيكي يشتغل فيها لكن لا ينصح الا بميكانيكي متخصص ومتوفرين بشكل معقول.
عفشه ناشفه مقارنة باللانوس (لكن مش متعبه وده اللى بيديها الثبات).

على فرة لو نزلت من الاكسيل ركبت لانوس مش هتحس بفرق كبير. لكن لو نزلت من اكسيل وركبت اسبرانزا هتحس انك انتقلت نقله تاريخية. :d
عشان الاوبشن والفخامه عالم تاني خالص

رأى الشخصى اسبيرانزا 516 افضل من لانوس فى الآتى :
حجم العربية
الموتور ( لانوس 1500 و اسبيرانزا 1600 )
الصاج و وزن العربية عمومآ
الكماليات ( لصالح الاسبيرانزا طبعآ )
عفشة اسبيرانزا ناشفة لكن تستحمل نظرآ لطبيعة طرق و شوارع مصر
صالون اسبيرانزا واسع و مريح
ميزة كمان تقدر تركب قطع غيار كورى فى اسبيرانزا و دى مش موجودة فى لانوس
و تحياتى لك

من وجهة نظري المتواضعة اللانوس مش اكتر من اربع عجلات ودركسيون...مفيش اي اوبشن نهائي
الاسبرنزا طبعا اوبشنز زي منتا عايز
في النهاية شوف انت عايز ايه من العربية وصلي صلاة استخارة وشوف انت مرتاح لانهي اكتر وطبعا الحالة بتفرق وبالتوفيق ان شاء الله

ال516 احسن من اللانوس فى ايه وايه الاوبشن الزياده
اللانوس الاوربى موديل 99 فيه اوبشن مش موجود فى ال516
اللانوس احسن شكلا وموتور وفتيس المانى

المشاركة الأصلية كتبت بواسطة maka

هى ال 516 فيها اوبشن ايه زيادة عن اللانوس ؟؟

المشاركة الأصلية كتبت بواسطة sherif mandoor

ال516 احسن من اللانوس فى ايه وايه الاوبشن الزياده
اللانوس الاوربى موديل 99 فيه اوبشن مش موجود فى ال516
اللانوس احسن شكلا وموتور وفتيس المانى

كتير..
فرامل أفضل كثيرا لأن بها abs ebd
4 زجاج كهربا ، تكييف اوتوماتيك حسب درجة الحرارة المطلوبة، والتكييف تاتش مع شاشة كبيرة، مانع الأطفال، اغلاق تلقائي للابواب بعد سرعة 40 كيلو، اغلاق تلقائي للسيارة فى حالة عدم فتحها خلال 30 ثانية ، فتحات تكييف إضافية للمقاعد الخلفية، فتح الشنطة من الريموت او من زر تابلوه السيارة، وحدات رفع، تنبيه السائق عند ترك المفتاح فى الكونتاكت بعد ايقاف السيارة، تنبيه السائق فى حالة عدم تركيب الحزام، ... إلخ