عايز اشترى عربية من الاتنين ومحتار بينهم
مع افتراض عدم وجود اختلاف فى حالة العربيتن
يعنى حالة العربيتن ممتاز
عرض للطباعة
عايز اشترى عربية من الاتنين ومحتار بينهم
مع افتراض عدم وجود اختلاف فى حالة العربيتن
يعنى حالة العربيتن ممتاز
لو اول عربيه تشتريها
لانوس
لو خبره
516
عموما ال 516 اعلي بمراحل من الانوس
لانوس وابعد عن الصينى
مصر بيجلها زبالة الصيني
الانوس افضل
لانوس افضل طبعا
طبعا 516 أوبشنز وامكانيات أحسن كتير من اللانوس وعربية ثبتت وجودها فى السوق وسيبك من الهرى بتاع صينى والكلام الفاضى ده كان زمان برده بيتقال على الكورى توكل على الله ومش هتندم بس أفحص العربيه كويس
لانوس أفضل
شوف ياباشا ، المثل البلدى بتاعنا بيقول اية؟ اسأل مجرب ولا تسأل طبيب!
وانا مجرب اللانوس (كانت مع اخويا) ومجرب 516 (كانت معايا).
اللانوس مشاكلها محدودة بالنسبة ل516، مع العلم بان المشاكل الممكن تظهر فى 516موش شرط فى كل عربية.
ال516 تتفوق بكتيييييييييييييييييييييي يييييييييييييييييييييير عن اللانوس فى التصميم والصالون والتبلوة والابوشن والصاج وعوامل الأمان.
نصيحتى عن تجربة (رأى الشخصى) ال516 افضل بكتيييييييييييييييييييييي يييييييييييييييييييير عن اللانوس. لاكن وانتى بتشترى كل ما يكون الموديل احدث يكون افضل وكمان يفضل العداد (بعد الحالة العامة للعربية طيعاً ) ما يكونش كتير ياريت يكون في حدود50: 60 الف كيلو.
دى حمادة ودى حمادة تانى خالص
لانوس ,,,, أفضل
516 طبعا لو حاله نظيفه
الف شكر لكل من اهتم ورد
بصراحة الاسبرانزا طالعة من عينى حديثة واوبشن وشكل وامكانيات
واللانوس عربية بجد ثبات السوال انا كان معايا هيونداى اكسل مانوال
طيب لو نويت اشترى الاسبرانزا هل فى اختلاف فى الاوبشن او صعب اتعامل معاها وانا خبرتى فى الصيانة على قدى
برجاء من خبراء الاسبرانزا الافادة للاهمية القصوى
انا برضه اخر عربية كانت معايا قبل ال 516 كانت اكسيل97 1500 سى سى - بصراحة هتحس بفرق تاريخى فى الابوشنز و الثبات و الراحة لصالح ال 516- بس اهم حاجة الحالة ثم الحالة - حاول تجيب عربية مش ماشية كتير و مش ملعوب فيها - الاختلاف فى السواقة هيتمثل فى الحجم الكبير شوية و تقل العربية فى الوزن لكن دى هتتعود عليها فى مشوارين تلاته
انا ركبت الاتنين...
اللانوس عربية شعبية اى حد بيصلحها وتعتبر 128 العصر. حلوه لو انت اول مره تركب عربية وعاوز تجيب حاجه سنه ولا سنه ونص تتعلم فيها بعدين تبيعها تاني. لكن لو انت بتسوق كويس ولك بعض الخبره يبقى مافيش مقارنة الاسبرانزا تكسب.
اللانوس
مميزات:
عفشة طرية جدا فى المطبات لكن على حساب الثبات.
صيانتها رخيصة جدا (لكن متكرره).
قطع غيار متوفرة بكثرة وبأسعار رخيصة.
التكييف جيد جدا.
إعادة بيع جيدة جدا.
فتيس ناعم.
سحب مقبول.
عيوب:
التابلوه فقير نسبيا لأنه من التسعينات.
عزلها سيئ وبتسمع الطريق وانت قافل الزجاج.
الثبات متوسط. (بسبب العفشة الطرية)
شكلها قديم(من التسعينات).
حجمها كبير بالنسبة لانها مش واسعة من جوه.
بتروح للميكانيكي كتير خصوصا فى الحاجات البسيطه.
وسع الصالون متوسط.(لكن مش ضيقه)
مفيش اوبشن تقريبا :d
وسائل أمان قليلة وفرامل متوسطة الاداء
الاسبرانزا
مميزات:
شكل فخم من الداخل والخارج(خصوصا الداخلى)
واسعة جدا وتعتبر من اوسع السيارات السيدان فى مصر.
أوبشن مش موجود غير في سيارات تتخطى 150 ألف جنيه
فرامل جيدة جدا abs & ebd
ثبات عالى حتى على سرعات عالية جدا ( ثبات غير موجود فى كل منافسيها )
عزل جيد نسبيا مقارنة بفئتها السعرية.
تكييف اواتوماتيك تاتش وبشاشة شيك وأداءه جيد.
عوامل أمان وصاج سميك.
سحبها مقبول على السرعات المنخفضه وجيد جدا على السرعات العالية.
قطع غيار رخيصة تقريبا بنفس أسعار لانوس
عيوب:
حجم كبير
أبواب خشنة نسبيا فى الغلق (مش كل العربيات)
صوت الشكمان (العلبة الخلفية) عالى.
الفتيس اقل نعومة من اللانوس بكتير.
اي ميكانيكي يشتغل فيها لكن لا ينصح الا بميكانيكي متخصص ومتوفرين بشكل معقول.
عفشه ناشفه مقارنة باللانوس (لكن مش متعبه وده اللى بيديها الثبات).
على فرة لو نزلت من الاكسيل ركبت لانوس مش هتحس بفرق كبير. لكن لو نزلت من اكسيل وركبت اسبرانزا هتحس انك انتقلت نقله تاريخية. :d
عشان الاوبشن والفخامه عالم تاني خالص
رأى الشخصى اسبيرانزا 516 افضل من لانوس فى الآتى :
حجم العربية
الموتور ( لانوس 1500 و اسبيرانزا 1600 )
الصاج و وزن العربية عمومآ
الكماليات ( لصالح الاسبيرانزا طبعآ )
عفشة اسبيرانزا ناشفة لكن تستحمل نظرآ لطبيعة طرق و شوارع مصر
صالون اسبيرانزا واسع و مريح
ميزة كمان تقدر تركب قطع غيار كورى فى اسبيرانزا و دى مش موجودة فى لانوس
و تحياتى لك
من وجهة نظري المتواضعة اللانوس مش اكتر من اربع عجلات ودركسيون...مفيش اي اوبشن نهائي
الاسبرنزا طبعا اوبشنز زي منتا عايز
في النهاية شوف انت عايز ايه من العربية وصلي صلاة استخارة وشوف انت مرتاح لانهي اكتر وطبعا الحالة بتفرق وبالتوفيق ان شاء الله
هى ال 516 فيها اوبشن ايه زيادة عن اللانوس ؟؟
ال516 احسن من اللانوس فى ايه وايه الاوبشن الزياده
اللانوس الاوربى موديل 99 فيه اوبشن مش موجود فى ال516
اللانوس احسن شكلا وموتور وفتيس المانى
كتير..
فرامل أفضل كثيرا لأن بها abs ebd
4 زجاج كهربا ، تكييف اوتوماتيك حسب درجة الحرارة المطلوبة، والتكييف تاتش مع شاشة كبيرة، مانع الأطفال، اغلاق تلقائي للابواب بعد سرعة 40 كيلو، اغلاق تلقائي للسيارة فى حالة عدم فتحها خلال 30 ثانية ، فتحات تكييف إضافية للمقاعد الخلفية، فتح الشنطة من الريموت او من زر تابلوه السيارة، وحدات رفع، تنبيه السائق عند ترك المفتاح فى الكونتاكت بعد ايقاف السيارة، تنبيه السائق فى حالة عدم تركيب الحزام، ... إلخ
اكيد لانوس افضل من خلال تجربتي .
بتعمل كام ال 516 مستعملة دلوقتى ؟؟
وهل البودى تقيل على الموتور
الفروقات اللى كتبتها امثلة مش كلها.. دكتور خالد اضاف عليها.. ممكن كمان اضيف عليها تاني، الفروق كتير وارجع واقول ان "اللانوس عربية كويسه" لكن 516 احسن خصوصا لو حد له بعض الخبره عشان ابعادها كبيرة شوية.
مراية ولمبة للوجه ، نظام حماية الكترونى ضد السرقة(العربيه مش بتدور غير بمفتاحها الاصلي فقط) ، إمكانية تركيب عفشة لانسر(انا مركبها عندي) ، امكانية تسقيط موتور وفتيس لانسر ،
التحكم فى مستوى الإضائة ، + + نقول للصبح ومش هنخلص :)
الموتور كويس انا بركب معايا 4 أفراد و3 أطفال وبشغل التكييف والعربية عادى التأثير مش كبير.
هى بس سحبها فوق ال60 غير سحبها تحت ال60.. عاملة زي الاوكتافيا مديينها عزم وقوة فى الاول بعد كده سحب.
سعرها من 40 الى 55 حسب سنة الصنع والحالة
لانوس هتبقي انسب لو اول عربية لحضرتك
مجرد رأي
انا راي ان العربيات زي الموبايلات مش هتلاقي حد يتفق على حاجه لكن انا رايي اللى انت مرتاحله ومقتنع بيها توكل على الله استخير واشتريها وربنا يبارك لك فيها بس علشان تبقا مرتاح نفسيا لان العربيه عشره برضه فعلشان تبقا مرتاح والاخوه جزاهم الله خير كل واحد قدم وجهة نظره وربنا يوفقك لاني عايز اشتري برضه بس انا عايز اشتري a115 مع العلم كان معايا لانوس 1 هي بصراحه كانت عربيه حموله وصيانتها مش غاليه واي حد بيشتغل فيها لكن مفيهاش اي اوبشن او تعتبر المستوي الادني من الاوبشن قلنا نغير وربنا يكرم