-
مشكلتي مع الزجاج الملون
السلام عليكم
انا احب اشكر كل القائمين على المنتدى واللي بمساعدتهم و مواضيعهم الواحد قدر ياخد قراره بعد حيرة طويلة
الحمد لله اشتريت عربية سيراتو 2015 خليجي من سمير ريان من 10 ايام
المهم وانا برخص العربية لاقيتها جاية عن طريق جابر عبدالشهيد ولاقيت فى الافراج زجاج ملون و شهادة البيانات برده. هنا بقة المشكلة ان المهندس مارضيش يثبت الزجاج على الرخصة وقاللى ماهى العربية زجاج شفاف اهو اثبتهولك ازاي فقولتله الورق اللي معاك فيه كدة فقالي انا بثبت اللي بشوفه ادام عيني
فدخلت للمقدم قائد الوحدة قاللي نفس الكلام بس قاللي حاجة غريبة ان الزجاج بيتبدل عن طريق المستورد اللي هو جابر في مصر وبيتباع لوحده وقاللي ركب الفابريكة بتاعها وانا اثبتهولك و قاللي لازم تشتكيهم في حماية المستهلك انا طبعا دماغى لفت
المهم اليوم دة رخصت بدون اثبات الزجاج وروحت على جابر و سالته قاللي ان زجاج العربية حراري بس شفاف واحنا مابنغيرش حاجة في عربياتنا
فدخلت على موقع kia-hotline للكشف عن العربية لاقيت مكتوب tinted glass ورا و جانبي خلفي فانا مش فاهم حاجة مين الصح و مين الغلط وازاي اقدر اثبت الزجاج دة
وشكرا لكم
-
اكيد الظابط كلامه صحيح
وما كنش المفروض تسكت ولا ترخص غير لما تجيب حقك
عموما الف مبروك العربيه
-
مش فاهم
إزاي زجاج ملون والتاجر يقولك حراري بس شفاف
هو ينفع الملون يبقى شفاف
انا رأي تشوف المعارض الي بتعرض السيراتو الخليجي وتقارنها بعربيتك لو لاقيتها ملونة اشتكي في حماية المستهلك
لو لقيتها زي عربيتك يبقى هي بتنزل كده
-
علي حد علمي ان السيراتو في فئات كتير منها مش بتنزل فاميه،بس حوار انهم يفيموا العربيه و يكتبوها ف الافراج دي بيكتبوها محبه كده،،انا كان معايا سيراتو ٢٠١١ جايه مش زجاج فاميه بس انا كنت شارط علي التاجر انها تبقي مفيمه ف سبتها عنده و جابلي واحد حطلي اللزقه الفاميه دي :) ف المهم انا قولتلوا هسبتها ازاي ف قالي متعولش هم و فعلا جبلي ورقها ف الافراج زجاج فاميه فابريقه،،طبعا ف المرور بيرخموا و خلاص يعني انت لو كنت حطيت اللزق الفاميه ولا كان حد هيبص ولا حاجه وكنت رخصتها بس ولا يهمك الموضوع سهل انت ف التجديد او من دلوقت ممكن تفيمها وتروح تقولهم انتوا نسيتوا تسبتولي الفاميه وده حققك لان انت معاك افراج جمركي بده
-
ياباشا
حته انه يفك الازار ..حنقول ماشي لازاز الباب ..يتفك ويتغير سهله
لاكن الازاز الخلفي ميتشلش ..غير لما لازم يتكسر لانه ملزوق بسيلكون
محدش يعرف يفكه
اه طبعا زجاج حراري شفاف
وفيه لزق حراري بيتركب شفاف يمنع حراره الشمس وشفاف
ميبنش انك مركب حاجه
-
-
اشكركم على الردود
ولكن فعلا لقيت كل الخليجي كدة زجاج شفاف عادي وبيتباع كدة في كل المعارض ومن موديل 2015 المستورد اللي هو جابر كاتب فى الافراج زجاج ملونى مش عارف ازاي ؟
-
يعني يا استاذ mnashat77 عادي اروح المرور مفيم ولا هيقولوا الفاميه مخالف و غير زجاج كله لو عايز تثبته ؟
-
انا في عربيه واحد صاحب اسبيرانزا اول ماجاب العربيه زيرو راح مصنع دكتور جريش وغير الزجاج بزجاج فاميه وراح وهو بيرخص ثبته فاميه هي محتاجه قلب شويه علشان فك الزجاج الخلفي
-
نفس القصه اللي حصلت معايا في جمركه الالنترا وهي العربيه فاميه مش زجاج ملون وجم ف الافراج الجمركي كتبهولي زجاج ملون حسبي الله ونعم الوكيل فيهم ولما رحت ارخص قامو شالو الفاميه و طبعا انا حاولت اخليه يثبتوه زجاج ملون وبرضو مردوش وفي الاخر اتسجلت بدون زجاج ملون
في الاخر ركبت ستاير كبس ولله حلوه وغامقه اوي اوي زي الفاميه ويمكن اكتر
-
انا رخصت كده رحت بالفاميه الملزوق و رخصت ٣ سنين و عند التجديد جددت بردو ومحدش بص اصلا ،المهندس من بعيد شافها فاميه و الورق يثبت كده و عدت ،،جرب مش هتخسر حاجه
-
علي حسب علمي و خبرتي البسيطة العربيات الخليجي كلها بتيجي زجاج ملون لاني جايب ريو نفس الموضوع كده و مثبوتة ف الورق .. لكن مش هيرضوا يثبتوهالك ف الرخصه غير لو عملت اساليب ملتوية (مفهوم طبعا)
والزجاج فعلا بيكون واخد درجة لون خفيفة جدا جدا و هتلاقي رمز T علي الزجاج tinted .
-
نفس المشكلة
انا معاايا سيراتو خليجى توب لاين مفيمة لون خفيف مش راضيين يثبتوها ولا بفلوس ولا اى طريق وهما عارفين مشكلة العربيات دى اول ما شاف الافراج قالى انسى انك تثبته فاميه قبل حتىى ما يشوف العربية ولما شافها حلفلى ما مرخصها الا شفاف سيبته و مشيت بقالى اسبوع لو حد رخص فى القاهرة يقولنا مرور ايه
-
طب ما ده اللى انا بقوله بقالى شهرين ان الموضوع اتفقس خلاص فى المرور بالنسبه للسيراتو الجديده الافراج كله بيجى زجاج ملون و مش بيتثبت الا لو لاقه فابريكه
Content Relevant URLs by
vBSEO 3.6.0 PL2