20000 كيلو اسود عايز اعرف رينج سعرها ضروري جدا
وطلب تاني ميجان 2005 اتوماتيك وجنوط عاملة 45000 فيراني تعمل كام وشكرا جزيلا.
20000 كيلو اسود عايز اعرف رينج سعرها ضروري جدا
وطلب تاني ميجان 2005 اتوماتيك وجنوط عاملة 45000 فيراني تعمل كام وشكرا جزيلا.
95 الى 105 ألف حسب الحالة
وال 2005 فى حدود ال 80 حسب الحالة
وأنصحك بضرورة الكشف عليها فى التوكيل
انا كانت معروضة علية ميجان 2006 كاملة ما عدا فتحة سقف 72 الف
ايه االى رجع الموضوع دا
دا من 2008 !
ازيك الاول ... وثانيا سعر هايل مخدتهاش ليه؟؟؟
الله يخليك الحمد لله تمام انتا عامل اية حزوما .. مختهاش لانى عايذ الشكل الجديد وماذال البحث جارى لان تفاوت الاسعار دة مجننى وعلى فكرة الراجل كان مش ممانع الكشف فى التوكيل
يا مروان طالما عايز الشكل الجديد اوكي بردو احسن النور الابيض وشكل الفوانيس والشبكه جمال جدا في الجديد وعلي فكره انا اسمي هشم مش حزوما هو الاسم بتاعي في الايميل هاشومه ... وسعيد جدا بمعرفتك
صباح الفل يا هشومة اسف مختش بالى عموما انا سعيد جدا بمعرفتك وانشاء الله نتقابل فى القريب تحياتى .. وبشكر جدا الاخ احمد على النصيحة وانشاء الله حعمل بيها اكيد وحكشف فى التوكيل تحياتى
نصيحه شوف حاجة موديل اعلى مثلا ياعني 2007 ولا حاجة ولو 2005 هتكون الرنج بتاعها من 60 - 70
لسه قريب كان قدامي موديل 2008 بانوراما بس شكل 2009 تخلص على 82 ألف بس راشش بره. لما كشفت في التوكيل لقيت العجلة اليمين أمامي فيها مشكله - تقريبا واخد مطب جامد او داخل في رصيف عوج المساعد والمقص والجنط بتاعها ملحوم. بصراحة ما استريحتش رغم ان اساساتها كويسه (دواخل فابريكة) وفي التوكيل قالولي سعر اللي زيها 75 الف
ومازال البحث مستمرا ...
اخواني اعضاء منتدي رينو في الحقيقة انا من اشد المعجبين بالميجان وياذن الله هتكون عربيتي الجاية لذلك بحاول اعرف كل شيء عنها وبشوف اسعار في الوسيط وكونتكت كارز ارخص بكتير من من رنجات الاسعار الي حضرتكم بتكتبوها وبيكون مكتوب ان حلتها كويسة وعلي استعداد للكشف في التوكيل يعني ومتاكدين من حالة العربية فاية تحللكم للموضوع دة
مش عارف بصراحة
ملهاش غير تجربة.........تتفق مع حد أنكم تروحو التوكيل ( طبعاً بعد رؤيتك للعربية و راحتك ليها ) و ممكن تكشف فى الأول كشف ميكانيكا و كهرباء بس ب 220 و لو طلعت كويسة أعمل باقى الكشف و هتكلفك ساعتها 550 جم
جايز نكون غلطانين.......بس لو غلطانين أعتقد أنك هتلاقى الميجان 1 و الكليو أسعارهم فى الأرض أكتر من الميجان 2......ولا أيه ؟
نسيت أقول لحضرتك حاجة تانية................الموضوع ده قديم.....معمول من 2008
يعنى معذم الأسعار اللى مكتوبة عدى عليها أكتر من سنة ونصف
أستاذ Ahmed A.Maksoud شكرا لرد حضرتك السريع
بس برضو انا قصدي تشوف الاسعار علي سيت كونتكت كارز وتتاكد من الاسعار هتستغرب لانها رخيصة جدا انا اتصلت بواحد معاة ميجان 2006 عربية كاملة بس بدون فتحة سقف ومش راشة غير اكصدام بس وفبريكة الباقي ومن جوا كمان وكل صيانتها في التوكيل وعاملة 60 الف كيلو والعربية في سوهاج وعلي كلام صاحبها ان حلتها ممتازة وقالي اكشف عليها في التوكيل براحتك وكان عايز فيها 70 الف وممكن انزل معاة شوية كمان والكلام دة من شهر تقريبا فدة الي مخليني مستغرب
العفو يا أستاذ تامر
بص يا سيدى الفاضل
الأسعار اللى بتشوفها على الأنترنت قد تختلف عن الواقع الفعلى للعربيات النضيفة......بس برضه ده لا يمنع أنك تشوف العربية اللى بتقول عليها و لو لقيتها كويسة و تستاهل الكشف فى التوكيل يبقى توكل على الله........
أحنا معظم تقييمنا لسعر العربيات هنا بيبقى على أساس اللى الواحد بيسمعه من الناس اللى بيدورو على المنتدى أو بيبيعو
يعنى مثلاً عربية موديل 2005 أول فئة فى الأوتوماتيك و مطلوب فيها 51 الف جم ( كان موضوع د. محمود صلاح عمله ) أتصلت بالراجل و فهمته انى فاهم كويس فى الميجان و عاوز أعرف الخلاصة عشان منتعبش بعض.....الراجل كان صريح و قالى العربية مغيرة نصف خلفى ( يعنى عاملة حادثة كبيرة ) طيب لو شوفنا واحدة زيها سليمة تماماً هتبقى بكام ؟؟؟؟ معتقدش أنها هتقل عن 65 ألف إن مكنش أكتر كمان.
هذا و الله أعلم
يا جماعة رغم اني واحد من الناس اللي بيقدروا الميجان جدا....وبما اني بدور حاليا على عربية تكون كويسه...اسمحولي انقلكم خبرتي حتى الان في اسعار البيع والشراء (اللي بجد) رغم اني عارف ان الاسعار دي ممكن تدايق بعض مالكي العربية بالنسبة لأسعارها في الزيرو
موديلات 2005-2006 بتتكلم في 65-70
موديلات 2007-2008 بنتكلم من 70-75
الاسعار دي طبعا في المتوسط، وانا مش باتكلم على عربيات عامله حوادث (ربنا يحفظنا جميعا)...انا باتكلم على عربيات فابريكه وبالكتير راشه اكصدامات والعداد يكون في حدود الـ 60 ألف.
مصادري في المعلومات دي عربيات معروضة رحت وشوفتها، وكمان في عربية كشفت عليها في مركز خدمة السندباد بس قالولي سعرها غالي جدا بالنسبة للي زيها.
طبعا ممكن برضه تلاقي ناس باعت على اسعار أعلى، زي مافيه ناس باعت على اسعار أقل...كل بيعه وليها ظروفها ونصيبها زي ما بيقولوا.
ربنا يبارك للجميع في عربياتهم وفي فلوسهم ويوفق اللي بيبيع و اللي بيشتري