الموضوع: فى قروض بالفيزا ؟؟؟

القرض حرااااام

بص يا blue هو القرض بتاع الفيزا دا بيكون بضمان حاجه .. ممكن يكون بضمان وظيفتك يعني لو مرتبك مثلا 1000 جنيه في بنوك بتديلك حد اقصى للقرض ب 3 اضعاف مرتبك زي مثلا باركليز وبيريوس وبنوك كتير

او ممكن يكون الحد الاقصى للقرض 80 % او 90% من الوديعه بتاعتك في البنك

انا عامل واحده في NBE (البنك الاهلي المصري) والحد الاقصى ليها 80% من الوديعه لاني عامل الوديعه اصلا من غير فوايد ... لكن لو بفوايد هيديلك الحد الاقصى 90 % لكن طبعا الفوايد حرام


ميزتها انك ممكن تسحب اي مبلغ وبتسدده قبل فتره معينه علشان مايحسبش عليك فوايد . لان زي ما قلنا الفوايد حرام واحنا مش عايزين ندخل فيها

البنوك كلها بتديلك ما بين 40 ل 55 يوم تسدد فيهم وبتختلف حسب البنك وحسب نظامه

في البنك الاهلي المصري بتديلك 55 يوم بس بشرط انك تكون ساحب مابين تاريخ 27 في الشهر الى يوم 1 في الشهر الي بعده يعني خلال ال 4 ايام دي بتاخد 55 يوم
لكن لو سحبت في اي يوم تاني الفايده هتنزلك يوم 26 من نفس الشهر

ولنفترض مثلا انت سحبت يوم 27-10-2008 هتاخد فترة سماح تسدد فيها قبل يوم 26-12-2008

ونفس الحوار لو هتسحب في اي يوم بين 27-10 ل 1-11

لكن لو هتسحب مثلا يوم 2-11-2008 هتاخد تسدد قبل 26-11-2008 لان بعد التاريخ دا هتنزل الفايده عليك


وفترة السماح ممكن تزيد لو جيت قبل يوم 26 في الشهر بيوم مثلا يوم 25 وسددت 10 % من الفلوس الي انت سحبتها ( مش متاكد من النسبه اوي .. وممكن تختلف من بنك لتاني )



الفيزا القرض بتاعها صغير بس هي تنفعني مثلا لو بشتري حاجه ولقيت الفلوس الي معايا مثلا قصرت او لو اي محل بشتري منه عامل ديسكاونت لاي حد بيستخدم فيزا كدا يعني :)