السلام عليكم و رحمة الله و بركاته
قد قمت امس بالذهاب الي كارتك لعمل صيانة ال 10000
و لي عدة ملاحظات:-
1- أولا المقابلة كانت ممتاذة و خصوصا استفبال المهندس بهاء الحافل جدا
2- المهندس بهاء شخصية محترمة جدا
3- أنا اتقدم بإعتذار رسمي للمهندس بهاء لاني عند استيلام السيارة كانت الشمس ضربة في تبلوه السيارة فلاحظت وجود خرابيش في التبلوه الشفاف بتاع العدادات و كانت اول مرة اشوفه فقلت للمهندس بهاء و قال لي اننا لم نلمس التبلوه و عندما ذهبت للاستاذ / هاني Payoo كشفنا علي هذه الخرابيش ووجدنها انها اصلا من الداخل الله اعلم جايز ذي ما هو قالي نتيجة تفليق في فبر التبلوه من الشمس علي العموم هي لا تظهر الي في حالة تسلط الشمس عليها, و لذلك وجب شكر المهندس بهاء علي اهتمامه و علي ظلمي لكارتك بالنسبة لهذا الموضوع.
4-من ناحية اخري لي بعض الملاحطات علي الصيانة التي قمت بها امس:-
اولا:- لم يتم معلاجة الخشونة الموجودة في زجاج السيارة باب السائق و الذي يصدر صوت حكة عند طلوع و نزول الزجاج!!!!!!!!!!!!!! :(
ثانيا:- قاموا بوضع جركن الزيت كله عند تغيير الزيت وضعو ال 4 لتر كلهم و عندما قمت بقياس الزيت وجدته زيادة اوي عن العلامة مع اني كل لما بغير زيت في التوكيل في صيانة ال 1000 و ال 5000 كانو يرجعوا لي باقي الزيت ولكنهم وضعو الزيت كله :(
ثالثا:- انا اكدت علي مهندس الاستقبال واحد تاني غير المهندس بهاء ان اثناء الصيانة يجب فحص السوائل لان كانت سائل المسحات كان فاضي و سائل الباور كان زيادة و لكن للاسف لم يتم وضع اي سوائل او ضبط اي سؤال اثناء الصيانة.
رابعا:- لم اقوم بتغيير فلتر البنزين و رغم ذلك لم يتم خصم قيمة تركيبه من مصنعية صيانة ال 10000 :(
رابعا:- طلبت من مهندس الاستقبال التأكيد علي ربط النواكل جماية السيارة اثناء ربط العفشة فقاموا باضافة مبلغ 15 جنيه انا شايف ان ده كتير :(
اسف علي الاطالة
و لكن ليه الواحد يذهب لعمل الصيانة في التوكيل؟
لكي يرجعوا السيارة Standard و لكي يقوموا بتصحيح اي شيء مختلف و ضبط السيارة بالموصفات القياسية للمصنع
و لكني الحقيقة لو رحت و عملت الصيانة دي بنفسي في اي مركز صيانة تحت عيني ح ادفع اقل و حتتعمل مضبوط و اضبط كل حاجة امام عيني لان بالشكل ده التوكيل او مراكز الخدمة المعتمدة يوصلوا للعميل انه في توكيل السيارة مش مركز صيانة عادي يعني لازم الواحد يجد فرق علي الاقل في الاشياء المذكورة عاليه ان تتم بمصداقية.
يعني الواحد بيدفع في التوكيل كتير ليه, لاجل الثقة و المصدقية
بصراحة انا غير راضي علي الخدمة المقدمة من هذا المركز بخلاف المعاملة الحسنة المقدمة من المهندس بهاء.
شكرا جزيلا
المفضلات