الموضوع: اصوات غريبه مش معروفه المصدر في السياره

ابقى اكشف عليها فى الصيانه القادمه

المشاركة الأصلية كتبت بواسطة alfa2000

السلام عليكم

ارجو الافاده عن سبب المشكله في الاسفل حسب ما هو متاح من الوصف ، السياره بريليانس كروس اوتوماتيك جديده موديل 2015 ، 1000 كلم

اثناء التسارع و الضغط على دواسه البنزين اسمع صوت شخلله او صوت خفيف زي صوت ارتطام رمل في برطمان مغلق ، صوت الشخلله يزيد اثناء صعود منحدرات زي الكوبري او طريق صاعد فقط مع الكبس على دواسه البنزين

ف وضع الوقوف ومع رفع القدم من على دواسه الفرامل اسمع صوت غريب او مثلا في اشاره واحتاج ان استخدم الفرامل فقط لتحريك وايفاق السياره " وضع التعشيق d " اسمع صوت زي احتكاك اثناء الضغط او رفع القدم البسيط من على دواسه الفرامل ، في الطرق السريعه وعند استخدام الفرامل لا يوجد صوت مطلقا والفرامل تعمل بشكل جيد

احيانا اسمع صوت صوصوه في بدايه التسارع بالسياره


ما هي اسباب هذه الأصوات و هل انتظر صيانه 2000 كلم او اتوجه لتوكيل مباشره

في انتظار درودكم ونصائحكم

بص يا سيدى
اولا الف مبروك وثانيا انا عاوزك تطمن خااااااااااااااالص
صوت الرمل اللى بتسمعه ده بيكون رمل فى العجلات او ظلط صغير وبيخبط فى الكارتيرات وطبيعى كل ما تزود بنزين كل ما الصوت يعلى بس الصوت بيعلى ويفضل عالى ولا بيختفى بعد مده؟؟ لو بيفضل عالى تبقى حاجه تانيه لو بيروح بعد مده يبقى رمل وحصى وهتحسه اكتر لو لسه غاسل العربيه
الصوت التانى بقى ده صوت الجلب وده فى كل البريليانس لانها عربيه وزنها تقيل والعزل بتاعها مش برفكت زى الاوكتافيا الفانتازيا اللى نفس وزنها تقريبا
صوت الصوصوه ده بقى ممكن يبقى من سنه شباك مفتوحه او جلده باب معوجه
ركز كده فى اللى انا قلته وحاول تتاكد