ياتري الطقطقة من اية فى العفشة
السلام عليكم ورحمة الله وبركاتة
اشتريت فردة كاوتش جديدة بدل اللي باظت وقولت هرصصها بس قبل ماروح للترصيص قولت اروح لبتاع العفشة لاني بسمع صوت طقطقة وانا بكسر الدريكسيون كله جهة الشمال ( الشمال بس ) العفشجي جرب العربية وقاللي الكبالن مع ان كاوتشات الكبالن مش مقطوعة ولا فيها مشكلة المهم مقتنعتش بكلامه
طيب لو الكوبلن فيه مشكلة المفروض يتقطق وانا بلف يمين او شمال ولا اتجاه واحد
المهم رحت لورشة الترصيص وظبط الزوايا ....... قولتلو على موضوع الكبالن المفاجأة قاللي الكبالن مفيهاش حاجة انتا عاوز حشو للاسكترا وجلب المقصات فيها بوش مش جامد
مممممم ياتري افكر فى الاسكترا ولا الجلب ولا الكبالن
طيب الكبالن انا اللى اعرفه ان الكبلن بيطقطق فى حالة الدوران لليمين او الشمال سواء طيب لو جلب المقصات دي سهلة ........ والاسكترا
مش عارف حابب افكر بصوت عالي واسمع ارائكم