الامطار على الدائرى والزراعى .... زى الفل

انا سافرت امبارح الجمعة اسماعيلية
والحمد لله لسة راجع بخير الحمد لله
يوم الجمعة الدنيا مطرت زى الفل والزراعى والدائرى قامو بمهمتهم على اكلم وجه
الا وهيا تحويش المياه
طبعا انا ماشى على الزراعى معديتش ال 100 لان بصراحة الدنيا كانت خلصت مطرة والطريق كان فاضى حبيتين بس كنت خايف من الهبل اللى على الطريق
بس اعترف دى اول مرة امشى براحة على الزراعى وميكنش زحمة بس كان الارض غرقانة مياه
المهم اللعب كلو كان على الدائرى
وانتى ماشى فى امان اللى تلاقى الطريق كلو وقف وبيحود لمين والكل جاى طاير وهلبس لدرجة ان فيه واحد بتاع اوكتافيا كان جاى طاير ولقى العربيات كلها محولة يمين ومكنش هيلحق يضرب فرامل قام داخل فى المياه والحمد لله كنت قافل الازاز وبعد ما وصلت اكتشفت ان الجنب الشمال كلو حتى السقف كلو طينة!
المهم الدائرى لما كان بيفتح اخرى 110 _120 بالكتير اوى
نيجى لاهم جزء فى الطريق (اسماعيلية الصحراوى)
انا دخلت الطريق الطريق ناعم جدا ومفيشهوش مطر وطريق روعة بمعنى الكلمة
المهم ماشى 120 وفجأه لقيت نفسى لوحدى على الطريق
طبعا معايا العائلة ابى كان قاعد جنبى وامى واخويا واختى كانو فى الخلف( 5 افراد) وفى الشنطة 2 شنط سفر وشوية حاجات كدة
قلت ازود شوية وصلت لحد 150 طبعا ارخم حاجة فى اللحظة دى صفارة الانزار بتاعة السرعة دنيتها شغالة لحد ما امى خدت بالها لما وطيت الكاسيت
قالتى ايه الصوت ده
قلتلها دا صوت انزار السرعة
قامت بصت على العداد لقيتو 150 وداخل على 160...................وصوتت
وقعدت تزعقلى وتقول لبابا انتا سيبو يمشى بالسرعة دى ليه حرام عليك
فين وفين لحد ما جه بتاع باسات ةانا على 130 واخدنى غرزة زى الفل
وبعدين اوكتافيا A5 قلت لأ ازاود بقى لحد ما قربت على وصلة فايد
انا تقريبا مشيت على السرعة دى (150) لمدة 10 دقايق
ووصلنا فايد بعد سيل من النصائح من الحجة الوالدة
طريق العودة
الظلام انا اكره السواقة فى الظلام
بس الصحراوى برضو يتفوق
لحد ما جه الدائرى والزراعى اللعب كلو
انا بجد عاوز اسألة
1- ليه الدائرى بيحوش ميه كدة (عيب خطير فى التصميم)؟
2- عربيات النقل اللى بتلعب وتحس ان المقطورة هطيرك انت والعربيات اللى حوليك لحد امتى هنفضل فى السناريو ده؟
3- السرعات العالية اوا بلوم نفسى جدا على ال150 (كانت تجربة فقط) بس الصحراوى كان كلو ماشى على السرعات دى برضو ليه؟
4- الميكروباصات والزحليق برضو ملهاش حل دى ارواح ناس لحد امتى؟
انا عن نفسى انا مش عاوز اعمل الحاجات دى
1- اسوق بليل
2- اسوق فى يوم ممطر
3- اعدى سرعة ال 120
واسف على الاطالة