عايز أشد العربية حد عنده معلومة عن فاقوس

**cobraa** · 27-09-2014 12:46 PM

اخوانا الاعزاء
انا باذن الله عايز اشد العربية حد يعرف حد من فاقوس هنا سمعت انها بيت المرسيدس و البيجو من حيث الصنايعية و قطع الغيار
العربية w123 1984
ياريت حد يفيدنا لانى مش مستمتع بيها بحالتها كدا
و شكرا ليكم

**mr_sameh** · 02-10-2014 06:14 PM

انا اعرف انهم متخصصين في المرسيدس لما كنت بنزل هناك كنت بشوف ورش كتير شغاله في المرسيدس

**sapaiky** · 03-10-2014 06:30 AM

انا من فاقوس و فعلا هي بيت المرسيدس و انا كمان ساكن في شارع المحلات

**cobraa** · 04-10-2014 10:52 AM

اولا كل سنة وانتم طيبين
ثانيا شكرا ليكم اخيرا حد عبرنى ورد فى المنتدى
ثالثا لو حد فيكم يعرف حد بعينه يكون امين و شاطر يدلنى عليه
شكرا ليكم

**sapaiky** · 09-10-2014 05:18 PM

و حضرتك طيب_انزل عند كوبري الوحدة و اسأل فين احمد ابو سالم هيدلوك عليه و لما توصل له قولله انا جايلك من طرف د/أحمد أيمن و هو هيديك انضف حاجة عنده_المفروض إني ساكن في وش محله مباشرة بس انا مقيم في مدينة نصر

**cobraa** · 10-10-2014 04:17 PM

الف شكر ليك دكتور أحمد و ربنا يجزيك خيرا و باذن الله لما انزل هروح عليه

**sapaiky** · 12-10-2014 04:34 AM

لا شكر علي واجب يا فندم احنا تحت الامر في الخير دايما_ربنا يوفقك

**sherifatar** · 12-10-2014 04:37 AM

بيت المرسيدس والبيجو هي المنصورة
مع احترامي لكل المحافظات

**sapaiky** · 12-10-2014 05:23 AM

كلام معاليك علي عيني و راسي_بس ده مايمنعش إن فاقوس في المرسيدس مافيش زيها و خصوصا القديم_في فاقوس عربيات مرسيدس لا انا ولا حضرتك و لا اي حد يعرف مودلها إيه

**sherifatar** · 12-10-2014 05:38 AM

معلش بس الصنعة صنايعية المنصورة لا يعلي عليهم معلش انا بيجيلي ناس من محافظات كتير علشان شغل السمكرة والبوهية وكمان عندنا مركز اسمة بلقاس هم ملوك البيجو والمرسيدس والمحافظات كلها بلا استشناء بيشتغلوا وبيشتروا قطع الغيار من المنطقة دي انا راشش عربية عيون صاحبها من سوهاج وجية علشان نعملهالة في المنصورة