الموضوع: مشكلة عائلية وقراري ، شاركوني إياه

والله يا اخي انا شايف من كلامك انك انت اللي غلطان
من الاول اساسا المفروض كل شغلك يكون علي انك تغير طباعها وتخليها تسمع كلامك يمين يمين شمال شمال يعني باختصار تلغي شخصيتها خالص وتستشيرها في بعض الامور لو حبيت لكنت انت سبتها من الاول تعند معاك وتعند وكل مرة بتعند فيها بتذيد ثقتها في نفسها وبتفتكر انها كده صح
اهم حاجه حاول في الاول تفكر مع نفسك هل اللي هي بتعمله ده صح وهل عادي وهل هي ليها حق فيه لو لقيت الاجابة ان ده غلط في غلط وان لازم تتصلح انا لو مكانك همشي المراحل دي
الحل الوحيد حاليا من وجهة نظري
اولا لازم وقفة معاها وتحط النقط علي الحروف انت الراجل وهي الست وبعد الكلام تشوف هتتغير ولا اية ماتغيرتش
هتخش علي المرحلة اللي بعدها وهي انك تقعدها من الشغل طالما هو اللي مفرعنها كده هددها في الاول انها تقعد من الشغل ماتظبطتش قعدها غصب عنها
ثالثا هنخش علي مرحلة الشكوي لاهلها نعرفهم في المرحلة دي كل حاجه ونشتكيلهم بنتهم لعل وعسي يشدوها ولو اني اشك اصلا انهم هيطلعوا الغلط عليها
رابعا ابدأ امنعها من زيارة اهلها علي قد ما تقدر لحد ما دماغها تتظبط
خامسا لو مظبطتش بعد كل ده هتبدأ تهددها انك هتتجوز عليها علشان مش مستريح معاها
مع العلم انك مش هتطلقها وهتسيبها كده زي البيت الوقف لامنها متجوزة ولا منها مطلقة و
لو عديت المرحلة دي وماتظبطتش خدها من ايديها وديها علي بيت اهلها وسيبها شوية لغاية ما دماغها ترد وفي نفس الوقت تكون اديت نفسك فرصة تفكر هل انت صح ولا غلط وتاخد قرارك وتفرم بعد كده
وميصعبش عليك اي حاجه حتي الاولاد كده كده هيتربوا متقلقش المهم انك تعرف ان الرجولة مش بسهولة.

مش عارف حضرتك بتتكلم بجد؟
المحترم من يفرض احترامه عل الاخرين ... ولو مش عاوز تتشتم يبقى ماتشتمش طبعا
وكمان من الكلام: واضح ان زوجتم اصيله ومتربيه كويس جدااا كمان
اهمالها في حقوقك الزوجيه نتيجه احباطها الواضح من اسلوبك الجاف وقله وقتك في البيت
واضح انك منغمس ف شغلك وسايب ٣ ورورد ومامتهم لوحدهم...
بص:
١- لازم تخلص النيه انك تتخلص م العصبيه
٢- لازم تقعد مع زوجتك قعده طويله فيها محاسبه لنفسك الاول وتعرفها انت محتاج ايه وتسمععععع منهاً هيا محتاجه ايه
٣- عاهد نفسك انك ماتشتمش وماتغلطش ف الكلام
٤- عليك بالدعاء

ربنا يصلحلك حالك ويحافظلك عل اسرتك

اغلب الاعضاء هنا لن بفهموا قصدك وتلميحاتك فى سبب رغبتك فى الزواج من اخرى

وانا بحسى وبخبرتى فى الحياة الواسعة فاهم قصدك كويس ومحرج تقول اية وعموما هرد عليك بصيغة التلميح ايضا

اولا
بالنسبة لمشكلة ان زوجتك لا تلبى كل احتياجاتك النفسية مما ادى بك انك تكون عصبى ومتوتر جدا وهذا شئ طبيعى جدا وهنا اما دورك انك تفهمهما احتياجاتك اية بظبط و تحاول تخليها تعمل اللى انت بترغب فية بظبط فى احتياجاتك النفسية كرجل واذا رفضت ........ فقد جنت على نفسها مراقش وانصحك بالزواج من اخرى منعا لوقوع فى الفتنة والعياذ بالله

ثانيا

بالنسبة لردود الزوجة عليك ورفع صوتها عليك احيانا اخرى ........ فانا ابشرك اذا كان دة سبب لطلاق فمصر كلها هتتطلق لان ساعة النرفزة بيحصل كل حاجة خصوصا مع الضغوط الحياة العصبية المعروفة والحل الامثل انة عندما يتحول النقاش الى صراخ فالبعد والانزواء فى مكان بعيد فى البيت او الخروج هو افضل الحلول منعا لتطور الكلام الى كلام جارح بين طرفين لن يغفر لة مع مرور الزمن

ثالثا

خد زوجتك الى اقرب فندق او مدينة بعيدة فى اجازة او حتى عمرة عاجلة ........ وحاول تستعيد معها زكرياتك الجملة لنسيان جروح الماضى وما فعلة الزمن بحبكم فى الماضى ......... وبطبع اترك اطفالك عند حماتك او اقرب الناس اليك خلال فترة الاجازة وبعد الاجازة خد قرار مع نفسك اما بتطليق او ببقاء الحال كما هو علية او بالجواز من اخرى طبقا لرؤية عقلك وليس قلبك وبتوفيق

زوجتك ما شاء الله كويسه
هي بس محتاجه دروس دينيه ف فضل واهمية الزوج
الستات لما بيؤمنوا بفكره بيبقوا ملتزمين بيها جدا
خدها واتفسحوا وغير جو علشان تشيل المشاكل ال بينك وبينها
وبعدين قولها هسجلك ف مركز ديني او ممكن تخليها تسمع محاضرات علي اليوتويب وانت معاها ف فضل الزوج وقدسيته
انت برده من ناحيتك خليك رومانسي وهدي نفسك دايما ومتزعقش ولا تشتم
ممكن تسمع معاها فيلم مثلا او شوية موسيقي هاديه - الحاجات دي بتقرب بين الزوجين
زود كلام الحب شويتين - انا عارف انك ممكن تكون مش عاوز تعمل كدا - بس يعني اضغط علي نفسك
بعد كدا هتلاقي نفسك انت ال عاوز تقول كدا حتي لو مبتحبهاش