ياريت تصور البتاعة دي علشان انا داااااااااااااايخ تفس الدوخة بتاعتك
وتقولي ابدل انه خرطوم وجزاك الله خيرا
رقم العضوية : 81232
تاريخ التسجيل : 26Sep2010
المشاركات : 22
النوع : ذكر
الاقامة : مصر
السيارة: nubira 2
السيارة[2]: nubira 1
الحالة :
ازيكو يا جماعة كل سنة و انتو طيبين و كل سنة و المنتدي الجميل ده بخير .. انا كان عندي مشكلة في النوبيرا شرحتها بالتفصيل في الموضوع ده http://www.nilemotors.net/Nile/440112-a.html
خلاصة المشكلة ان العربية بتنتش و الاقيها ساعات بتبطل و هي بين السرعات 40 الي 60 و في الزحمة و تقطيع علي السرعات البطيئة و خنقة و اكل بنزين و تاخير في الدوارة و هي سخنة و سحب ضعيف
روحت لكذا ميكانيكي و غيرت الاتي
بوجيهات و سلوك بوجيهات
رشاشات اوبترا
بوابة كرهباء اوبتر ( العربية نوبيرا 1500 سي سي كوري اتوماتيك كهرباء)
حساس مانيفولد maf
حساس شكمان
فلتر هواء و زيت و بنزين و تغير زيت
بطارية جديدة
علبة بيئة استيراد
علبة خلفية جديدة
بعد كل ده حوالي 2500 جنية و العربية زي ماهي
و غيرت اكتر من عشر ميكانيكة و كشفت اربع مرات بالكومبيوتر و المشكلة زي ما هي
بعد هذا كله روحت لاخر ميكانيكي .. فحص العربية قالي فاضل حاجتين انت مغيرتهمش و هما الموبينة و طرمبة البنزين
طلع الطرمبة لقيناها اولا قلبها صيني و ثانيا متعدلة مش بتاعت العربية
تقريبا بتاعت لانوس
قالي غيرها و بالفعل غيرتها بواحدة استيراد ب 230 جنيه( طبعا مجبتش جديدة لاني مش متاكد انه ده السبب)
و جربنا لاقينا العربية اتحسنت طبعا لاكن المشكلة الخنقة و التقطيع زي ماهي .. التقطيع علي السرعات cruising speed يعني و انتي ماشي علي اخر التاني او اول التالت و عاوز تثبت السرعة علي كده يعني الدوسة مستمرة في نفس القوة و السرعة من 40 الي 60
رجعنا تاني و جربنا الموبينة لاقينا العربية زي ماهي برضو
الميكانيكي غلب حمارو و قالي معرفش و ده مستحيل ان ميكانيكي يقول معرفش
احترمتو و المهم قعدنا انا و الميكانيكي نجرب في العربية و جربنا نظرية trial and error التجربة و الخطأ
بدل الفتي و التغير العمياني .. المشكلة ان الكومبيوتر مش قاري اي اعطال او اكواد و
ده الي مخليني اقعد اغير و اجرب لاني مش عارف العيب فين مظبط
المهم قعد يفصل حساس حساس و يجرب فصل حساس الشكمان العربية زي ماهي .. حساس الماب العربية بطلت ركبه تاني.. غيرنا حساس درجة حرارة المياة .. بيسموه صباع الحرارة برضو زي ماهي
راجعنا علي التقسيمة برضو زي ماهي .. راجعنا علي تروس الكرنك برضو زي ماهي.. فصل خرطوم erg برضو زي ما هي
وفي النهاية لاقيتة فصل فيشه كده مش عارف اسمها لغاية دلوقتي هي راكبة في المانيفولد ناحية السواق .. لمبة التشيك نورت و لكن.......
لاقيت العربية فاااااااااااااااااااارت
بقت بي ام بالمعنة الحرفي للكلمة تسارع رهيب الخنقة راحت .. جربتها علي البطيء نعومية رهيبة و السرعات لاقيتها فايرة .. عاملة زي الحصان الهايج الي عاوز تمسك لجامة بعد ماكانت حمار حصاوي ..اقل دوسة العربية بتفرك و تطير كنت مش مصدق عنيا بعد المجهود ده كله اخيرا عرفنا السبب .. بس ايه هوا السبب اساسا .. ايه الفيشة دي و ايه الي بتوصلة و بعدين لمبة التشيك منورة .. هل اسيبها كده و لا اغير البتاع الي الفيشة موصلالاه ولا ايه مظبط ..لقيته بيقولي تمام كده قلتله اه بس هنسيب الفيشة كده مفكوكة
قالي بس اطلع علورشة و.. في الورشة سالته ايه البتاع ده قالي معرفش !!!!!!!!!!!!!!!!!!
المهم قالي نغيره .. قلتلة ماشي طبعا .. لاقيته فك حاجة كدا عاملة زي حساس الشكمان علي صغير و متوصلة بالفيشة و هي متركبة في المانيفولد من ناحية السواق ..بعد كده دورت عليها في النت معرفتش اسمها ايه
روحنا في ثانية جبنا واحدة زيها استيراد ب 70 جنيه و ركبناها .. لمبت التشيك طفت لكن ...
العربية رجعت زي الاول ..شيلناها العربية ظبطت و لكن لمبت التشيك نورت
روحنا لواد بتاع كومبيوتر ..قولناله علي المشكلة قالي بسيطة جدا بثقة ..
راح مبدل خرطومين كده مش عارف بتوع ايه و قالي جرب يا باشا ..قلتلة اركب
و جربنا ..لمبة التشيك منورة و البتاع ده متغير ..هوا كل الي عمله بدل مكان خرطومين راكبين في علبة كده في صدر العربية ..العلبة دي فيها تلات خراطيم متوصلين بيها من فوق ..شكل بعض يعني تتلخبط فيهم
جربت العربية لقيتها
تمااااااااااااااااااااااا اااام
اكني فاصل الفيشة بس الفيشة راكبة..قعدت اجرب و اجرب نص ساعة اجرب فيها في وسط البلد و الزحمة و طلعت علي طريق و جبت سرعة و كله تمام .. اكني راكب عربية تانية خالص
و بعد كده الصبح و انا بسخن العربية لاقيتها بتنقط ماية و مفيش ريحة خالص..بعد ما انت بتجيب ريحة بنزين ني من ورا و بتاكل بنزين و بعد المشاوير ..افتح الكبوت الاقيها سخنة عادي مش الصهد الي كان بيهب في وشي و الحمد لله كله بقي تمام
الحكاية كلها انو خرطومين متبدلين مكان بعض بوظو البتاع الي انا مش عارف اسمه لغاية دلوقتي
و اخيرا حبيت انقل تجربتي ليكو لعل احد الاعضاء عندو نفس المشكلة يستفاد منها
و شكرا لكل الاعضاء الي ردو عليا في مشاركتي السابفة و شكرااا
رقم العضوية : 145047
تاريخ التسجيل : 09Jun2013
المشاركات : 369
النوع : ذكر
الاقامة : بورسعيد
السيارة: لا يوجد
السيارة[2]: Verna 2013 GLS
الحالة :
ياريت تصور البتاعة دي علشان انا داااااااااااااايخ تفس الدوخة بتاعتك
وتقولي ابدل انه خرطوم وجزاك الله خيرا
رقم العضوية : 21113
تاريخ التسجيل : 05Oct2008
المشاركات : 206
النوع : ذكر
الاقامة : حدائق الأهرام ان شاء الله
السيارة: نوبيرا
السيارة[2]: كرولا
الحالة :
الحمد لله انك عرفت المشكله
بس ياريت ترفق صور للبتاع اللى راكب فيه الخراطيم
وفعلا موضوع ممتاز
رقم العضوية : 148315
تاريخ التسجيل : 08Sep2013
المشاركات : 102
النوع : ذكر
الاقامة : بنها القليوبية
السيارة: دعواتكم
السيارة[2]: نوبيرا 2
الحالة :
ما هي هذه البتااااعة
يا ريت تصورها
رقم العضوية : 147115
تاريخ التسجيل : 10Aug2013
المشاركات : 4,610
النوع : ذكر
الاقامة : توفي الي رحمة الله ايهاب يوم 7 مارس ارجو الدعاء له
السيارة: mitsubishi Van ,Cherokee
السيارة[2]: suzuki , lancer 89,charade
الحالة :
يكونشي ال map
وواصله خراطيم الفاكيوم
ومعني كدا حد لعب ف الخرطيم دولي
رقم العضوية : 6398
تاريخ التسجيل : 25Feb2008
المشاركات : 1,583
النوع : ذكر
الاقامة : tanta
السيارة: مش ناوى
السيارة[2]: دايو نوبيرا 2007
دراجة بخارية: لا
الحالة :
معلهش سؤال رشاشات الاوبترا لاكبت من غير تعديل الفيش ة لا ايه
[aldl]http://4.bp.blogspot.com/-ErjDUZ8vyBE/T17cPdPyECI/AAAAAAAAwPg/esBRUJ5Tnf0/s1600/%D9%85%D9%8A%D9%86%D9%89+%D9%83%D9%88%D8%A8%D8%B1+ 2012.jpg[/aldl]
رقم العضوية : 51453
تاريخ التسجيل : 29Oct2009
المشاركات : 741
النوع : ذكر
الاقامة : دمياط
السيارة: جيب جراند شيروكي SRT8
السيارة[2]: نوبيرا 97
دراجة بخارية: لا املك واحدة
الحالة :
باشا ده حساس الtps اللى فصلت فيشتة
و المشكلة الحقيقة عندك من حساساين موجودين تحت الموتور في قطعة حديد شكل حرف a الكابيتال
لما تجيب الحاساسين دول و تركبهم العربية هتظبط معاك
لان الحساس دة بيضبط توقيت الشرارة مع كمية الهواء
لما بتفصلة بيحسب على الوضع المتوسط و علشان كدة تلاقى العربية بتطير معاك في بداية السرعة و تتخنق بعد 120
وهو كمان شغال مع vgis يعنى كلة ظابط مع كلة
الخرطومين اللى بدلهم المعلم هما خرطوم vgis مع خرطوم فايظ مسطرة الرشاشات و دة بيخلى vgis بيفتح بدرى و تحس العربية بتنط منك و انت ماشي
رقم العضوية : 81232
تاريخ التسجيل : 26Sep2010
المشاركات : 22
النوع : ذكر
الاقامة : مصر
السيارة: nubira 2
السيارة[2]: nubira 1
الحالة :
اولا شكرا يا جماعة علي الردود
ثانيا : ايوة رشاشات الاوبترا تركب علي النوبيرا الاوروبي مش المصري و هي نفس الفيش
ثالثا : انا مش عارف ايه البتاعة دي تبقي ايه هل هي حساس او صمام او.. بس هي شبه حساس الشكمان علي صغير و راكبة في جنب المانيفولد من ناحية السائق .. اي انها راكبة داخل المانيفولد بمسمار زي حساس الشاكمان مظبط و راكب فيها من بره فيشة .. يعني انت من بره مش هتشوف غير فيشه راكبة في المانيفولد .. دورت علي اسم الحساس ده او الصمام ده مش عارف الاقيه .. انشاء الله هحاول اصوره
رابعا انا معرفش ايه ال vgis ده .. يا ريت حد يرشحهولنا
رقم العضوية : 81232
تاريخ التسجيل : 26Sep2010
المشاركات : 22
النوع : ذكر
الاقامة : مصر
السيارة: nubira 2
السيارة[2]: nubira 1
الحالة :
انا عرفت ايه البتاعة دي ... اسمها VGIS control solenoid valve
اي بلف سلنويد بتاع VGIS
يا ريت حد بقي من العتاولة في الدايو يشرحلنا النظام ده و ايه فايدتو و هوا عامل مشاكل كده ..
و هل يكون احسن الواحد لو يفصلة خالص ولا ليه فوايد ولا ايه مظبط
المفضلات