اغلب الناس اللى بتتريق على العربيات معندهاش عربيات اصلا

السلام عليكم

حد ملاحظ ان اغلب الناس اللى بتتريق على العربيات معندهاش عربيات اصلا ... يعنى انا وبفضل الله عندى عربيتين (ماروتى و فيرنا) مرة يكون معايا الصغيرة ويجى واحد يقولك انا بفكر اشترى عربيه صغيرة بس مستخسر الفلوس فيها وعاوز بالقرشين اللى معاه يكون فيها كل الكماليات فى العالم وفى الاخر ولا بيشترى تجيلهم بالعربيه الكبيرة يجوا يقولولك اصل الفيرنا عربيه ورق ومش ثابته وتبقى راكبها وماشيه جمبيك تاكسى... المهم يعنى تفهم فى الاحر المثل بتاع "الاقرع ونزهى" وبجملة الامراض النفسيه المتوطنة فى الشعب المصرى.

كبر راسك وتعايش واحمد ربنا على النعمة واستمتع ومتشغلش بالك بحد لأن كلام الناس ورغيهم مش بيجيب غير ضيق الصدر والخنقة والقرف

لو فضلنا نسمع لكل واحد بيتريق على عربية سواء عنده اللى أحسن منها أو ماعندوش يبقى محدش يشترى عربية من الأصل .

اقتباس:

---

المشاركة الأصلية كتبت بواسطة mohamed_hamid

كبر راسك وتعايش واحمد ربنا على النعمة واستمتع ومتشغلش بالك بحد لأن كلام الناس ورغيهم مش بيجيب غير ضيق الصدر والخنقة والقرف

---

كلامك حقيقى وانا بحاول اعمل كده المشكله فى الناس اللى بتيجى تتكلم مخصوص وتدى رأيها الفنى بدون طلب. وفعلا لو كل واحد ركز مع نفسه وبطل يركز مع غيره هنرتاح وهنبقى عندنا قناعه بحجات كتير فى حياتنا

الفيرنا ورق والماروتي لعبة.
وانا معايا عربية :)

هى فى ناس منفسنة كدة .. مبتحبش تشوف ناس احسن منها

لو ركزنا مع كلام الناس مش هنخلص
ومش فالعربيات فقط

فيه فرق انك تعطي راي فني في عربية وانت عمرك ما ركبتها ومسألة سمع وبس هنا المشكلة
لكن بالنهاية هي مسألة أذواق واحتياج وكلام الناس عليه عامل كبير مش لازم نتجاهله

اقتباس:

---

المشاركة الأصلية كتبت بواسطة micromoud

السلام عليكم

حد ملاحظ ان اغلب الناس اللى بتتريق على العربيات معندهاش عربيات اصلا ... يعنى انا وبفضل الله عندى عربيتين (ماروتى و فيرنا) مرة يكون معايا الصغيرة ويجى واحد يقولك انا بفكر اشترى عربيه صغيرة بس مستخسر الفلوس فيها وعاوز بالقرشين اللى معاه يكون فيها كل الكماليات فى العالم وفى الاخر ولا بيشترى تجيلهم بالعربيه الكبيرة يجوا يقولولك اصل الفيرنا عربيه ورق ومش ثابته وتبقى راكبها وماشيه جمبيك تاكسى... المهم يعنى تفهم فى الاحر المثل بتاع "الاقرع ونزهى" وبجملة الامراض النفسيه المتوطنة فى الشعب المصرى.

---

هسيب الموضوع كله واخرج بره الموضوع بسؤال يدل علي اني حشري .وعندك عربيتين ليه بقااااا ؟ يعني ليه جايب عربيتين بيع واحدة او بيع ال2 او اشتري واحدة 3 تونسهم .ههههههههههه يا عم فكك من كلام الناس .كلام الناس مداس (مداس يعني شبشب)

اقتباس:

---

المشاركة الأصلية كتبت بواسطة aborawash alam

هسيب الموضوع كله واخرج بره الموضوع بسؤال يدل علي اني حشري .وعندك عربيتين ليه بقااااا ؟ يعني ليه جايب عربيتين بيع واحدة او بيع ال2 او اشتري واحدة 3 تونسهم .ههههههههههه يا عم فكك من كلام الناس .كلام الناس مداس (مداس يعني شبشب)

---

هههههه وانا هرد على سؤالك عشان عربية واحدة متكفيش :36_2_33: شكرا ليك :)

سيبك من كلام الناس
احمد ربنا ان في حاجة مريحاك وتحت رجليك وقت ماتحب وبتترحم من قرف المواصلات والقرف

كلام سليم
والبعض او الكثير كمان حديث السن جدا
معلوماتهم كلها عن سمع وبدون خبره او تجربه

الناس بتحشر مناخيرها في اللي ملهاش فيه

ولا بيغيروا الشبشب الي في رجليهم حتي
انا في ناس كل ماتشوفني يقولولي ما تبيع العربيه القديمه دي
ما تصلح عربيتك
ما تسمكر عربيتك
اقولهم انا قاعد جواها مش براها
لو منظرها مضايقكم تقدروا تصلحوهالي وحقولكم شكرا وحبوسكم كمان
وحوارات كتير بقي كلها بتنتهي بردود رخمه مني تكتم اللي قدامي
اخرها واحد بيقولي نفس الكلمه (ما تغير عربيتك )
وواحد صاحبنا تاني واقف وبيقوله مالها ياعم ما هي كويسه
فرديت قولتله معلش يمكن لما بيروح بيها مشوار بتضايقه او التكييف بيفرق معاه او بيستعر منها وهو داخل وسط رجال الاعمال اللي بيروح يقابلهم (:

الناس كلها حشريه و حطين نفسهم في حياه بعض
في ناس كتير تحب تشوف نظره الغيظ او الغضب و الضيق للي بتبقي في عينك لما هما ينرفذوك و يحسوا بالانتصار من ده
انت متجوزتش, ليه انت مخلفتش ليه , انت ليه مش جايب هدوم احسن من كده , انت ليه عربيتك قديمه متغيرها بقي , انت ليه ساكن في المكان ده , انت اصلعيت كده ليه متشوفلك علاج للصلع , انت كرشك كبر كده ليه متخسسه , انت ليه مدخل عيالك المدرسه دي متشوف مدرسه اغلي احسن
فكك يا باشا و طلع من هنا و خرج من هنا

هههههههه
نظام اقرع و نزهي

اقتباس:

---

المشاركة الأصلية كتبت بواسطة micromoud

هههههه وانا هرد على سؤالك عشان عربية واحدة متكفيش :36_2_33: شكرا ليك :)

---

ههههههههههههههههههههههه

حاجات غريبة والله فعلا يا أخى .

اسمع من هنا وطلع من هنا احسن حاجه