ya gama3a wenabe 7ad ye2oly fe mashakel fe seat ibiza 2015 fetais dsg
عرض للطباعة
ya gama3a wenabe 7ad ye2oly fe mashakel fe seat ibiza 2015 fetais dsg
برجاء إعادة إنشاء الموضوع باللغة العربية لنتمكن من المساعدة والرد عليك
http://www.nilemotors.net/Nile/345200-a.html
معلش يافندم اصل الفرانكو ممنوع
هوا سوال غريب شويه لان حتي لو موديل 2015 نزل محدش هيكن عدي الف او الفين كيلو بالكتير انت تسال ناس عدت ال 20000 كيلو و انت طالع عشان يبقي الحكم مظبوط
عيبها الفتيس dsgلو طرقك فاضيه و مش بتروح حتت زحمه كتير يبقي هتنفع معاك 100% اما لو بتروح حتت زحمه كتير اوي ممكن مطولش ل 30 الف وتغير الكلتشات
استفسار تانى يااستاذ محمد .. وانا ماشى فى الزحمه بجيب الفتيس مانويل وانا ماشى على الاول او التانى الشاشه بتقولى لازم انقل للنقله اللى بعدها .. انقل بقى واسمع الكلام ولا اتقل شويه علشان تأخير النقل وهل ده مش غلط على الغيار يعنى مش حمل على الاول قبل ما انقل للتانى مثلا ويضر الفتيس لانى بحرق الغيار .. والافضل امشى سبورت مود ولا مانويل فى الزحمه .. وهل فعلا القياده بالصوره دى صحيحه وكويسه للفتيس والموتور ولا ليها اضرار بس اهون من الاضرار الكبيره اللى انت عارفها بتاعت الفتيس ..
dsg ممنوع فى مصر :)
عشان اكون صريح مع نفسى وللامانه وبدون تحيز أو التصميم على حاجه هيا فى الواقع خنقه ناس كتير ومخوفاهم
أنا شايف زى مقال جاكوار بس هقنن كلامى اكتر
فتس ال dsg فى مصر معرض للتلف بنسبه اكبر عن اى دوله تانيه طلما مازال بنفس التكنولجى القديم
والسبب راجع لسرعة نقل غيارات الفتيس الى هيا فى الاصل ميزة الفتيس لاكن مع جو حار مع زحمه تؤدى لوقوف متكرر الفتيس عمره هيقصر لا لو راعيت استخدامه يعنى فى الايام الحر الشديد مع الزحمه تنازل وحوله منوال او على الأقل اسبورت لتقليل موضوع سرعة النقل بين الغيارات أوتوماتيكيا وبكده عمره هيطول وتستمتع بيه
:C_laugh[1]::C_laugh[1]::C_laugh[1]:اقتباس:
المشاركة الأصلية كتبت بواسطة J A G U A R
جاااامدة
كلام جميلاقتباس:
المشاركة الأصلية كتبت بواسطة hossamalsadik
بس انا ايه اللي يخليني اعمل كل ده .. انا جايب العربية استمتع مش جايبها علشان اعملها حساب اوي كدا
هفضل بقا خايف على النقلات و اخاف على الفتيس يخرب و الكلام ده ...
هو انا ليه استحمل عيوب الفتيس من الاصل
ما اروح اركب الماني بفتيس عادي و خلاص طلاما هقعد طول الوقت قلقان كدا و مش مستمتع و مستني اللحظه اللي هيخرب فيها .
ده رأيي
ياصلاح أنتا مخدش بالك أنا بقول زى مقال جاكوار هوا قال ايه ؟
أنما لازم الواحد يسيب مساحه لان فى ناس عوزه تركب العربيه فيعرف هيتعامل معها ازى
وفعلا فى ناس ببتعامل كده مع الفتيس وليها مشاركات هنا بيقولوا كده والموضوع مش مسببلهم اى ازعاج
انا بسوق العربيه العربيه ع s مود وده بيأخر النقله يعني بدل ما النقله تتنقل ع 2 rpm ينقل ع 4 rpm يعني مش هيضر بالموتور او الفتيساقتباس:
المشاركة الأصلية كتبت بواسطة muhamed mohsen
يعتبر s مود احسن من المانويل او زيه بس هو اريح منه بمراحل
ميزه انك بتسوق العربيه ع s مود بيخلي الفتيس يعمر و الكلتشات تتغير ع كم متأخر يعني ممكن تتغير ع 50 الف او 60 الف
على فكره انا شايف ان مفيش اى مشكله ان الواحد يستخدم الفتيس بكذا طريقه وفى اى حاله تحتاج انه يستخدم بطريقه معينه .. لان الفتيس مش d ودوس بنزين بس .. ودا مقابل الحصول على متعة قياده مش موجوده فى اى فتيس تانى لانه بجد فتيس عبقرى مع الموتور tsi وعاملين دويتو رائع مع بعض .. ومش عيب ان استخدم الشىء بالطريقه اللى محتاجها مدام دا صح ... وفى نفس الوقت انا بستخدم خاصيه موجوده فيه وهيه المانويل او السبورت يعنى مش حاجه غريبه عن الفتيس .. وكل طريقه ولها متعتها وانا بعتبر دا خروج عن المألوف يعنى تغيير شويه من روتين القياده المستمر على d واللى اغلب المصريين بيسوقه بيه بس وميعرفوش غيره على الرغم ان الفتيس فيه خواص تانيه .. وفى الاول والاخر ربنا هو الحافظ .
فعلا tsi مع dsg مفيش عربيه سواء النترا او غيرها تعرف تحط ع الاوكتافيا tsi او الجولف والجيتااقتباس:
المشاركة الأصلية كتبت بواسطة muhamed mohsen
انا شايف s زي d بالظبط بس s بيأخر النقله
ومتنساش لما تكون واقف لمده ثواني معدوده وانت ع d او s او المانويل لازم تكون دايس فرامل ع الاخر
تمام.. طب لو كده الكلتشات بس اللى بتتغير و لا فى مشكلة تانيه لا قدر الله ممكن تحصل فى الفتيس؟اقتباس:
المشاركة الأصلية كتبت بواسطة mohamedjetta
و اعرف سعر الكلتشات منين لو سيات ابيزا 2014 و كل سنه و انت طيب يا باشا :)
حاولت اسال حد ف التوكيل هما تقريبا مش عارفيناقتباس:
المشاركة الأصلية كتبت بواسطة moda_elnakoury
ان شاء الله منحتاجش نسال ع سعرهم ابدا
بالطريقه دي بتحافظ ع الكلتشات بقدر الامكان يعني ميخلهاش تبوظ ع كيلو متر بدري ..... اما حكايه تظهر مشكله تانيه فالله واعلم لحد الان مظهرتليش مشكله بس صديقي وعضو هنا عايش في قطر وظهرتله مشكلته ميكاترونيك اعتقد اسمها كده و اتغيرت في الضمان بس لاسف العربيه مرجعتش زي ما كانت وباعها و ع فكره برضو عربيته جيتا 2011 نفس عربيتنا.... ممكن في الموديلات الجديده معدلين فيها و الله واعلم برضو لان جروب فولكس غامض ومش مفهمين الناس حاجهاقتباس:
المشاركة الأصلية كتبت بواسطة Moda_ElNakoury
الكلتشات معرفش سعرها لاني غيرتها في الضمان بس فيه اعضاء بيقولو تمنها 10 الاف
انا تحت امرك بس نصيحه مني بلاش لو انت من النوع اللي بيدقدق في الاصوات و غيره وغيره وبعدين التوكيلات في مصر تطفش الواحد
عمتا عندك بدايل تانيه زي السيراتو و الالنترا و لانسر شارك و تويوتا ياريس وانا عندي النترا 2010 ومريحاني نفسيا اكتر من الجيتا بتاعت بابا و ميزتها انها صيانات رخيصه و قطع غيار رخيصه معدا اسعار الفوانيس بتاعت الموديلات الجديده لان معظمها led بتبقي غاليه اوي وفكك بقي من جو الكوري و الياباني لان مفيش حد هيفيدك لما تبقي عربيتك مرميه بالشهرين في التوكيل و ع فكره انا كنت من الناس اللي بدافع الفتيس بس كل شهر في المنتدي يظهرلنا فتيس dsg بايظ فاكتشفت انه غير عملي لمصر نهائيا يعني عاوز الخليج و طرق فاضيه
عمتا الكوري هيقعد معاك 7 سنين مريحك و يمكن اكتر و نفس الشئ الياباني ونسيت اقولك حاجه ان عندك اوبل كورسا بس انا صراحا نفسي قفلت من كل الالماني ماعدا بي ام ومرسيدس شركتين محترمين جدا
تحياتي وانت طيب يا باشا
معلش مخدش بالي انك اشتريت لو اعرف مكنتش غميت نفسك d:
عمتا حاول تطنش اي صوت تسمعه
اقتباس:
المشاركة الأصلية كتبت بواسطة mohamedjetta
ههههههههههه لا ابدا انا استفدت جدا من ردك الواحد بس عاوز يعرف هوا داخل على ايه و علشان احافظ قدر المستطاع يعنى ابقى عملت اللى عليا
معلش نسيت اقولك مبروووك وربنا يبارلك فيها و يحميها من كل سوء وحسد وربنا يسترها علي فتياسنا :)اقتباس:
المشاركة الأصلية كتبت بواسطة Moda_ElNakoury
بص في الزحمه تجيب s مود و لما تخف الزحمه قوم ناقل الفتيس علي d و لما تيجي واقف لمده ثواني معدوده تدوم فرامل كويس و لو واقف في اشاره تقوم جايب n
اي هبده او نتشه او اي حاجه طنشها واسمع مني عشان متتعبش
الله يبارك فيك ميرسى يا باشا لزوقك و ربنا يباركالك فى اللى عندك و يزيدك :)اقتباس:
المشاركة الأصلية كتبت بواسطة Mohamedjetta
انا مكنتش بجيب فى الزحمة s بس هاجيبو احسن ما اقلب ماينوال
و لما كنت بقف مكنت فعلا بجيب الفرامل للاخر طبعا لان الطريق بيقف و يرجع يمشى تانى او جايز كسل منى :( بس ان شاء الله هاجيب الفرامل للاخر بعد ده
و النتشه ساعات بحس بيها لما اجى اهدى بالعربيه و اكون مسرع شويه و ادوس فرامل الاقى بتننتش شويه و هى بتقف ده اللى ملحظو و مش فى كل المرات سعات و سعات
بس الحمد لله لسه ماسمعتش اصوات منها
و انا متشكر جدا لردودك انا فعلا استفدت منها جدا :) :)
يارب يا باشا و مفيش شكرا علي واجباقتباس:
المشاركة الأصلية كتبت بواسطة moda_elnakoury
انا برضو بتحصلي النتشه من ساعت ما جبناها زيرو و برضو سعات وسعات :) و علي فكره دي ملهاش حل نهائي لو روحت لمين برضو مش هيعرف يحل مشكله النتشه وعلي فكره دايما بتظهر لما بتكون بتعمل كيك داون وتقوم مهدي وساعتها بتظهر و ممكن لا
الاصوات اللي اقصد بيها صوت الشخلله اللي في الفتيس وده صوت عادي و مش هتسمعه الا لما تفتح الشباك وتبقي ماشي براحه يعني مثلا 40 او 20 ولما تيجي تنقل العرييه هتسمعه وممكن ميظهرش ...... فتيس عجيب
انا تحت امرك واي سؤال ابعتهولي في رساله في الخاص
الله يخليك الامر لله وحدو.. انا جربت السبورت مود النهارده احساس مختلف جدا عن الدريف الناعم حاسس انو بيقرص علي الغيار و الار بي ام بيعلي لحد تلاته.. حاسس العربيه مختلفه بعد ما كانت ناعمه علي الدريف العادي و للاسف الطريق بتاعي جامعة دول و كورنيش و الاتنين تاته تاته دايما زحمة فا تقريبا ماشي كلو سبورت موداقتباس:
المشاركة الأصلية كتبت بواسطة mohamedjetta