بصراحة انا منزله منهم الحلويين بس مش لاسمي
مخصصة لكل اسم على موبايلي نغمة باسمه
علشان مجرد ما اسمع اسمه اقرر ارد ولا انفض خصوصا لما اكون سايقه نفعتني اوي الحكاية دي
عرض للطباعة
بصراحة انا منزله منهم الحلويين بس مش لاسمي
مخصصة لكل اسم على موبايلي نغمة باسمه
علشان مجرد ما اسمع اسمه اقرر ارد ولا انفض خصوصا لما اكون سايقه نفعتني اوي الحكاية دي
حضرتك ممكن تعمليله فورمات يدوي عن طريق كتابه الكود ده *#7370#
نجمه شباك سبعه ثلاثه سبعه صفر شباك
انا كتبتهم بالحروف علشان الاكواد بتطلع ملخبطه علي النت حيطلب من حضرتك رمز الحمايه تكتبيه حيرجع لوضع المصنع الاساسي بس حتتمسح الارقام والرسايل وكل حاجه علي التليفون فممكن تحوليهم علي الميموري كارد الاول
بالنسبه للفيرس فالاجهزه دي منزلهاش فيروسات لسه
حضرتك ممكن تجربي الكود ده ولو مظبطش الجهاز معاكي فيه طرق تانيه عن طريق كراكات وحاجات تانيه ووجع دماغ لو عندك استعداد ليه
وتحت امرك في اي استشاره
ملحوظه
تحولي فلوس السوفت وير علي ويسترن يونيون او توماس كوك ومش مهم نوع العمله
عملت بنصيحتك والموبايل رجع كويس تاني
الف شكرا
بس المشكلة اني كنت معتقدة ان الارقام متسيفه على الميموري وطلع اعتقادي غلط
هههههههههههههههه والله انت عملت اللي عليك ونصحتني
وانا ارقامي كلها طااااااارت :sad:
هو انتي متعرفيش ان الارقام بترجع لوحدها ولا ايه
دي خدمه من الشبكه بس لازم مكان تكون فيه الشبكه قويه جدا
روحي عند مدخل طريق 6 اكتوبر الساعه 2 الضهر
وخليكي مستنيه مستنيه مستنيه حتلاقي الارقام بترجع بس خلي بالك
طويييييييييل
سبحان الله يمهل ولا يهمل هههههههههههههه
ههههههههههههه كنت متأكدة انك هتشمت فيا
انا هاروح زي ما قلت وعلى الله الارقام تتأخر :devil: ياويلها سواد ليلها مني ههههههههههههههههههههههه
حتيجي غصب عنها يا افندم بس اهم حاجه تكوني لابسه هدوم غامقه ويكون يوم شمس علشان الرطوبه بتاثر علي الارقام وميكونش فوقك اي عائق بينك وبين الارسال يعني متقعديش جوه العربيه او تقفي تحت شجره (والله عيب زي ده اتوصف لزبون في يوم من الايام بس مكانش مني انا )
نيجي للجد بقي
ممكن حضرتك تشوفي لو واخده نسخه باكب للجهاز علي الميموري كارد
او تكوني عملتيله تزامن علي الجهاز مع برنامج النوكيا
او لو كنتي واخده نسخه علي الميموري ومسحتيها فممكن برنامج استعاده المخزوفات يرجعه ولو فيه اي استشاره في الحاجات دي انا تحت امر حضرتك
والله مش عارفه اودي جمايلك فيييين
اولا موضوع التزامن ده معرفش عنه حاجة ابدا ولا اعرف بيستخدم ازاي ولا لايه
ثانيا ازاي اعرف اذا كان في باك اب على الميموري ولا لا
انا مش عارفه اذا كنت اخدت باك اب قبل كدة ولا لا
وعلشان تعرف اني ناصحة هههههههههههههه خفت الحاجة اللي على الميموري تتمسح خرجتها قبل ما اعمل الخطوة اللي قلت لي عليها
1: عمليه التزامن دي بتتم لما توصلي الموبايل بالكمبيوتر عن طريق الكابل مثلا ويكون برنامج Nokia PC Suite موجود علي جهاو حضرتك ساعتها البرنامج بيسحب كل الداتا الخاصه بحضرتك ويخزنها علي الكمبيوتر (ارقام-رسائل )
2:حضرتك ممكن تركبي الميموري كارد وتدخلي علي الزيادات والميموري حتلاقيه عارضلك المساحه الفاضيه والمليانه علي الميموري تدوسي علي كلمه optionوبعدها restor لو ملقيتيش كلمه ريستور يبقي مفيش باكب
3: تدخلي علي قايمه الكونتاكت وتعملي نسخ ولو لقيتي قايمه نسخ من بطاقه الذاكره يبقي الاسامي موجوده علي الميموري
لو بعد ال 3 خطوات دول مفيش ولا واحده نجحت يبقي دا عيب يوزر مش عيب جهاز
الاعتراف بالحق فضيلة وانا معترفه انه عيب يوزر http://www.myoneplan.net/vb/images/s.../whtauwant.gif
عموما مطلعش عندي باك اب على الكمبيوتر لاني مش بستخدم الكابل بستخدم البلوتوث بس
ومطلعش في باك اب على الميموري
والحمد لله لقيت شوية ارقام قديمة على الشريحة نعمة وفضل من ربنا اهو احسن من بلاش
دلوقت مفيش قدامي غير اروح مدخل 6 اكتوبر وربنا يعيني
تعبتك معايا حقيقي
الف شكر مرة تانية