نغمتك باسم حضرتك (بنات)

**نور القمر** · 17-11-2008 11:17 AM

بصراحة انا منزله منهم الحلويين بس مش لاسمي
مخصصة لكل اسم على موبايلي نغمة باسمه
علشان مجرد ما اسمع اسمه اقرر ارد ولا انفض خصوصا لما اكون سايقه نفعتني اوي الحكاية دي

**SHNORY** · 17-11-2008 05:12 PM

المشاركة الأصلية كتبت بواسطة نور القمر

طيب يا فندم اسمح لي استغلك شوية
معايا ان 73 ميوزيك حاسة انه في الفترة الاخيرة بئه تقيل
يعني بيأخر علشان اغير بين الاوبشنز
تعتقد ممكن يكون فيروس ولا ايه
انا مرة عرفت افرمته بنفسي بس مش فاكرة الطريقه

حضرتك ممكن تعمليله فورمات يدوي عن طريق كتابه الكود ده *#7370#
نجمه شباك سبعه ثلاثه سبعه صفر شباك
انا كتبتهم بالحروف علشان الاكواد بتطلع ملخبطه علي النت حيطلب من حضرتك رمز الحمايه تكتبيه حيرجع لوضع المصنع الاساسي بس حتتمسح الارقام والرسايل وكل حاجه علي التليفون فممكن تحوليهم علي الميموري كارد الاول
بالنسبه للفيرس فالاجهزه دي منزلهاش فيروسات لسه
حضرتك ممكن تجربي الكود ده ولو مظبطش الجهاز معاكي فيه طرق تانيه عن طريق كراكات وحاجات تانيه ووجع دماغ لو عندك استعداد ليه
وتحت امرك في اي استشاره
ملحوظه
تحولي فلوس السوفت وير علي ويسترن يونيون او توماس كوك ومش مهم نوع العمله

**نور القمر** · 17-11-2008 08:16 PM

عملت بنصيحتك والموبايل رجع كويس تاني
الف شكرا
بس المشكلة اني كنت معتقدة ان الارقام متسيفه على الميموري وطلع اعتقادي غلط
هههههههههههههههه والله انت عملت اللي عليك ونصحتني
وانا ارقامي كلها طااااااارت

**SHNORY** · 17-11-2008 08:47 PM

المشاركة الأصلية كتبت بواسطة نور القمر

الف شكرا هاجرب واقولك
متقلقش روح ويسترن يونيون دلوقت هاتلاقيني حولت لك بالدولار لان ويسترن مش بحول غير دولارات :k20:
ولو ملقتش خليك مستني مستني مستني اكيد جايين في السكة المهم خلي بالك طويل

المشاركة الأصلية كتبت بواسطة نور القمر

عملت بنصيحتك والموبايل رجع كويس تاني
الف شكرا
بس المشكلة اني كنت معتقدة ان الارقام متسيفه على الميموري وطلع اعتقادي غلط
هههههههههههههههه والله انت عملت اللي عليك ونصحتني
وانا ارقامي كلها طااااااارت

هو انتي متعرفيش ان الارقام بترجع لوحدها ولا ايه
دي خدمه من الشبكه بس لازم مكان تكون فيه الشبكه قويه جدا
روحي عند مدخل طريق 6 اكتوبر الساعه 2 الضهر
وخليكي مستنيه مستنيه مستنيه حتلاقي الارقام بترجع بس خلي بالك
طويييييييييل
سبحان الله يمهل ولا يهمل هههههههههههههه

**SHNORY** · 17-11-2008 09:11 PM

حتيجي غصب عنها يا افندم بس اهم حاجه تكوني لابسه هدوم غامقه ويكون يوم شمس علشان الرطوبه بتاثر علي الارقام وميكونش فوقك اي عائق بينك وبين الارسال يعني متقعديش جوه العربيه او تقفي تحت شجره (والله عيب زي ده اتوصف لزبون في يوم من الايام بس مكانش مني انا )
نيجي للجد بقي
ممكن حضرتك تشوفي لو واخده نسخه باكب للجهاز علي الميموري كارد
او تكوني عملتيله تزامن علي الجهاز مع برنامج النوكيا
او لو كنتي واخده نسخه علي الميموري ومسحتيها فممكن برنامج استعاده المخزوفات يرجعه ولو فيه اي استشاره في الحاجات دي انا تحت امر حضرتك

**SHNORY** · 17-11-2008 09:29 PM

1: عمليه التزامن دي بتتم لما توصلي الموبايل بالكمبيوتر عن طريق الكابل مثلا ويكون برنامج Nokia PC Suite موجود علي جهاو حضرتك ساعتها البرنامج بيسحب كل الداتا الخاصه بحضرتك ويخزنها علي الكمبيوتر (ارقام-رسائل )
2:حضرتك ممكن تركبي الميموري كارد وتدخلي علي الزيادات والميموري حتلاقيه عارضلك المساحه الفاضيه والمليانه علي الميموري تدوسي علي كلمه optionوبعدها restor لو ملقيتيش كلمه ريستور يبقي مفيش باكب
3: تدخلي علي قايمه الكونتاكت وتعملي نسخ ولو لقيتي قايمه نسخ من بطاقه الذاكره يبقي الاسامي موجوده علي الميموري
لو بعد ال 3 خطوات دول مفيش ولا واحده نجحت يبقي دا عيب يوزر مش عيب جهاز