مشكله فى المرشيدير بتاع صنى مانيوال

**aboezz44** · 24-02-2009 01:44 PM

المشاركة الأصلية كتبت بواسطة AmroHamed

أنا عندي نفس المشكلة بس مع موديل 97 ... هي ليها كذا سبب أبسطهم و إن شاء الله ده اللي يطلع عند حضرتك و هو إنه ساعات لما بتكوون ماشي مثلاً قدام و حتركن فبتجيب مرشدير و العربية لسة موقفتش أو دواسة الدبرياج لسة مجابتشي آخرمشوارها .. حركة شائعة جداً ...

حاجة تانية الصوت ده ممكن يكون طبيعي لو العربية عالية في السلانسيه ... يعني الـ rpm أعلى من القيمة الطبيعية بتاعتو اللي هي عندي في موديل 97 من 600 - 800 .. ارجع للكتالوج و شوف القيمة المظبوطة للعربية دي و قارنها بالقيمة الفعلية

دي الحاجات البسيطة ... اللي مش بسيطة بقى و إن شاء الله متطلعشي هي:

الشوكة بتاعت الغيار ده في الفتيس .. و دي كانت هي السبب فعلا لنفس العيب في عربية واحد صاحبي بس كانت سيفيا

الاحتمال الضعيف هو موضوع الزيت بتاع ماستر الدبرياج ده لأنه كان المفروض يظهر في كل الغيارات التانية لو هو ده العيب فعلاً (و للأمانة أنا مش متأكد من الحتة دي)

بالنسبة للعيب اللي عندي بصراحة مفكرتش أصلحه لأن مفيش وقت :) بس بدوس 3 ثواني مثلاً قبل ما أدي الغيار و غالباً الصوت بيروح

يا ريت تطمنا :)

الله ينور عليك ياباشا
هوه دا الكلام الحترافى
خير الناس انفعهم للناس

**amrehab** · 24-02-2009 08:38 PM

ياجدعان انا عايز اقولكم على المشكلة دى وانا سالت مهندس فى التوكيل وقالى على الحل كل الموضوع انك دوس الدواسة لمدة 2 او 3 ثانية وهات مارشدير براحتك خالص ولو سمع صوت قولى
وملهاش علاقة خالص بسخونية العربية ولا ال rpm ولا زيت الدبرياج ولا اى حاجة....

**shrf7** · 26-02-2009 11:15 PM

الموضوع ده بيحصل ((أول ما تشغل العربية)) و تكون أول نقلة للفتيس ع المرشيدير.
أما لو حركت الفتيس علي حارة الأول و بعد كده رجعت ع حارة المرشيدير مفيش أي صوت بيحصل .
حتي أنا بقيت متعود خلاص لما أحب أجيب المرشيدير لازم أحرك الفتيس في حارة الأول و بعدين أجيب المرشيدير.

ما عرفش بقي ده طبيعي ولا دي حاجة مش طبيعية في العربية.

**AmroHamed** · 27-02-2009 01:09 AM

المشاركة الأصلية كتبت بواسطة amrehab

ياجدعان انا عايز اقولكم على المشكلة دى وانا سالت مهندس فى التوكيل وقالى على الحل كل الموضوع انك دوس الدواسة لمدة 2 او 3 ثانية وهات مارشدير براحتك خالص ولو سمع صوت قولى
وملهاش علاقة خالص بسخونية العربية ولا ال rpm ولا زيت الدبرياج ولا اى حاجة....

ماهو كون الكلام ده من مهندس في التوكيل يبقى ده أكيد العربية فيها حاجة غلط لأنه مش طبيعي في أي عربية إني أدوس 3 ثواني عشان أدي غيار طبيعي