ساعات لما بجيب مارشدير بسمع صوت كان التروس بتحك فى بعضها كانى راكب عربيه موديل 70 فهل ده طبيعى على فكره الصوت ده مش بيحصل على طول اصلى قلقان من الموضوع ده انا لما بركب اللانوس واجيب مارشدير مش بسمع الصوت ده
عرض للطباعة
ساعات لما بجيب مارشدير بسمع صوت كان التروس بتحك فى بعضها كانى راكب عربيه موديل 70 فهل ده طبيعى على فكره الصوت ده مش بيحصل على طول اصلى قلقان من الموضوع ده انا لما بركب اللانوس واجيب مارشدير مش بسمع الصوت ده
انا سعات بسمعة في عربية عمتي لما باسوقها بس ما تقلقش
لأ يا جماعة يا ريت تراجعوا زيت الدبرياج ( هو زيت باكم بيشتغل بدل سلك الدبرياج)
الصوت ده طبيعي لان حضرتك ممكن تكون مش دايس الدبرياج كويس و لدواسه ممكن تكون خابطه في الجزمه و تحس انك دايس كويس و انت مش كده
انا الموضوع ده ملاحظه من حوالي خمس سنين و دا السبب شيل الدواسه خالص و جرب كده لو ليسه يبقي في عيب عند حضرتك و لازم تروح التوكيل تقولهم
شوف الدواسات بتاعة التوكيل ليها قصه معينه علشان متعاكسش في الدوسه بتاعة دواسة الدبرياج
جرب و قولنا ايه النتيجه
شكرا على ردودكم انا حجرب واقولكم النتيجه
لازم حضرتك تدوس دبرياج كويس لمدة 2ثانية جرب قبل ماتروح مركز الصيانة
الموضوع ده كان بيحصل معايا بس عرفت انى مكنتش بدوس على الاخر دبرياش وطلع فعلا الدواسه هى كانت السبب زى ما وليد قال جرب وقلنا النتيجه
بيحصل معايا لما مش بدوس كويس على الدبرياج لكن غير كده مش بسمعه
ودا طبيعى فى اى عربيه مانيوال
انا كان عندي تويوتا كرولا 96 قبل ما اشتري الصني و كان بيحصل معايا كده و مكنتش عارف ليه مع اني كنت بدوس علي الدواسه علي الاخر بس مش كانت بتحصل كتير . يعني مرتين في الشهر و لا حاجه . المهم لما جبت الصني اوتوماتيك لاقيت الموضوع ده بيحصل معايا قلت يمكن العيب في رجلي اغيرها بقي و لا اعمل ايه :shine[1]:. المهم اتصلت بالتوكيل و قالولي ان انا لما بمشي بالعربية الصبح او الي وقت في الشتاء بتكون العربية مأخدتش فترة تسخن شوية و فعلا قلت انا اشغل العربية علي ما امسحها مثلا و امشي علي طول . فعلا لاقيت ان المشكلة اتحلت .
فغالبا بيبقي الصوت ده يا اما بسبب انك مش دايس علي الدواسه للاخر او ان العربية بتكون لسه مسخنتش بالدرجة المطلوبة
أنا عندي نفس المشكلة بس مع موديل 97 ... هي ليها كذا سبب أبسطهم و إن شاء الله ده اللي يطلع عند حضرتك و هو إنه ساعات لما بتكوون ماشي مثلاً قدام و حتركن فبتجيب مرشدير و العربية لسة موقفتش أو دواسة الدبرياج لسة مجابتشي آخرمشوارها .. حركة شائعة جداً ...
حاجة تانية الصوت ده ممكن يكون طبيعي لو العربية عالية في السلانسيه ... يعني الـ rpm أعلى من القيمة الطبيعية بتاعتو اللي هي عندي في موديل 97 من 600 - 800 .. ارجع للكتالوج و شوف القيمة المظبوطة للعربية دي و قارنها بالقيمة الفعلية
دي الحاجات البسيطة ... اللي مش بسيطة بقى و إن شاء الله متطلعشي هي:
الشوكة بتاعت الغيار ده في الفتيس .. و دي كانت هي السبب فعلا لنفس العيب في عربية واحد صاحبي بس كانت سيفيا
الاحتمال الضعيف هو موضوع الزيت بتاع ماستر الدبرياج ده لأنه كان المفروض يظهر في كل الغيارات التانية لو هو ده العيب فعلاً (و للأمانة أنا مش متأكد من الحتة دي)
بالنسبة للعيب اللي عندي بصراحة مفكرتش أصلحه لأن مفيش وقت :) بس بدوس 3 ثواني مثلاً قبل ما أدي الغيار و غالباً الصوت بيروح
يا ريت تطمنا :)